الموضوع: تجربة صديقنا مينا مع الإكصدامات

أولا.. صوما مقبولا و افطارا شهيا ليكم جميعا ان شاء الله

ثانيا بخصوص الاكصدام هو مرشوش بلاك من جوا و متقلينه في الرش... عشان يكون مضاد للصدأ
من برة متمعجن بمعجون فيبر و بعدين أخد طبقة بطانة بعدها اترش فرن لميع... و الخطوة الاخيرة ان نصفه السفلي هيترش اسود مط عشان يكون شكل الفابريكة بالظبط بس ديه لسة لما نعمل الاكصدام الأمامي ان شاء الله

ثالثا.. -الفنان- أقصد الصنايعي اللي عمله واحد من عباقرة السمكرة و شغله نضيف جدا... و غاوي الحاجات اللي فيها تحدي زي الاكصدامات الحديثة كدا - اسمة محمد حركة و مكانه في مدينة السلام (قريب من مصنع جلاكسو) و تحت أمركم لو حد عايز رقمه

بالنسبة للفوانيس همه مش مكسورين.. هما ليهم حتتين بلاستيك بيغطوهم بس انا شايلهم لأني قررت اعملهم صاج برضه :)

و أخيرا بالنسبة لقوة الاكصدام و تركيب دعامات.. فهي كفكرة مش مستحبة عشان ممنوع مروريا.. و هتبوظ شكل الاكصدام الفابريكه.. الي جانب ان هو اتقوي أوي بسبب التنيات و البومبيهات اللي فيه

و تحت أمركو في أي استفسارات أو أسئلة تانية :)