عربية بيتلز موديل 66 موتور موديل 76 معروضة عليا بمبلغ 14000 جنيه
العربية صوتها وسحبها ناعم وكل حاجة فيها بتاعت بلدها حتى الإزاز ، دهان حديث
إيه رأيكم فى السعر ؟
عرض للطباعة
عربية بيتلز موديل 66 موتور موديل 76 معروضة عليا بمبلغ 14000 جنيه
العربية صوتها وسحبها ناعم وكل حاجة فيها بتاعت بلدها حتى الإزاز ، دهان حديث
إيه رأيكم فى السعر ؟
يا ريت تقولنا ايه حالة الرقبة ؟؟ و دي من اهم الحاجات اللي تبص عليها في العربية ؟
انا هقولك حاجة الى عايز يشترى عربية مستعملة دلوقتى
يجبها بعد التمانينات لا المرور بيشيل العربيات القديمة دلوقتى
بدا بالتاكسيات والمكروباصات
البيتل مش مهم الموديل و لكن المهم حالة العربية من ماتور و عفشة و دواخل و رقبة و سقف.
طبعاً لازم ميكانيكى كويس و أمين و فاهم يبص على العربية كويس , و بعدين السعر بيكون حسب الحالة و بعدين الموديل طبعاً.
و أكيد كل أعضاء البيتل الكرام مستعدين لخدمتك لوجه الله تعالى.
و دا تليفونى لو إحتجت أى حاجة فى البيتل :
أحمد حسن : 0100058284
بعد كلام الاستاذ احمد حسن مافيش كلام تانى
حضرتك بتقول كلام قديم جدا
هما فعلا كان بيفكرو يكهنو الملاكى القديم
لكن اللى حصل ان مجلس الشعب رفض الكلام ده رفض نهائى لان الملاكى هى ملكيه خاصه وصاحبها بس هو يقرر مصيرها بس طبعا تعدى من الفحص الفنى سليمه فى المرور لكن التاكسيات منفعه عامه ممكن تضر ركابها نفسيا ومعنويا علشان كده لغو ترخيص القديم منه واعادة تجديده ملاكى وليس تكهينه
البيتلز مش بالموديل
البيتلز بالحاله واهم حاجه فيها
الرقبه ماتكونش واكلها الصدأ او فيها لحامات وهى بتكون موجوده تحت التانك والافضل علشان تشوفها كويس ترفع التانك
لاكن الميكانيكى المحترف بيعرف يشوفها من تحت العربيه من قدام
ثانيا الماتور لان عمرته مش رخيصه بس بتعيش عمر طويل انا سمعت مره ان واحد عمر ماتور البتلز عاش معاه 15 سنه
انا شفت بيتلز ب 8000 جنيه
64 وشفت حاجه وستين برده مش فاكر بالظبط كانت ب 18000 وشفت بيتلز امريكى ب 17500 وشفت اللى ب 27000 فى الايام دى
فالمقصود ان البيتلز حاله
مش موديل
وكمان مهم جدا اذا كانت متعدله سبعينات ولالا
يعنى الطنابير 5 خرم ولا 4 والدنجل والشكل العام لانها لو مش متعدله يبقى السعر ده كتير عليها
مفيش صور أو رسمة لمكان الرقبة بالضبط؟؟اقتباس:
الرقبه ماتكونش واكلها الصدأ او فيها لحامات وهى بتكون موجوده تحت التانك والافضل علشان تشوفها كويس ترفع التانك
لاكن الميكانيكى المحترف بيعرف يشوفها من تحت العربيه من قدام
ده يا باشا رسم موضح فيه مكان الرقبة ( علي حدود معرفتي )
http://i404.photobucket.com/albums/p...ieny/Rakba.jpg