الموضوع: اخبار العمرة ايه معاكم

السلام عليكم
يا جماعة معظم الشركات اللى بتعمل عمرة (خصوصا الطيران) بتكون ملتزمة إلى حد بعيد ببرنامج الرحلة إللى بتعرفوه قبل ما تسافرو من مصر لأن الطيران بيكون معرفك تاريخ الرحلة من قبلها بأسابيع ومواعيده مظبوطة ... سليم
النقطة بقى إللى فيها كلام هى نقطة الفنادق
فبعد التوسعات اللى السعودية بتعملها حاليا فى الحرمين بمكة والمدينة أصبح أبعد فندق بمقياس أمس قريب بمقياس اليوم لأن فيه مولات ومحلات وأسواق وفنادق كثيرة اتشالت بغرض توسعة الحرم .

الدليل على ذلك إنك تلاقى فى المدينة مثلا عربيات ميكروباصات واقفة تحت الفنادق لتحمل الناس مجانا إلى الأسواق والمولات للشراء وإعادتهم مرة أخرى إلى فنادقهم
فيبقى أى حد حيطلع عمرة يكون واخد فى باله إن فيه مشقة إلى حد ما
(هذا الكلام لا بنطبق على الفنادق الخمس نجوم إللى بتطل على الحرم مباشرة لأنها تعتبر قريبة جدا )
تقبل الله منا ومنكم جميعا وكل عام وأنتم بخير