الموضوع: && إبعت رسالة ..في عيد الحب &&&

المشاركة الأصلية كتبت بواسطة Terrible_DaRsH

هههههههههه والله انتوا ناس زى العسل ...

وللاسف مش فاهم منكم اى كلمة بصراحة والله ..
واحد خلانى مأكتاب والتانى بيطالب باقامة الحد علشان جرحت مشاعر حضرته .. !!!
وعلى فكرة انا داخل انصحك مش استهزء بيك لان مفيش حاجة اسمها عيد حب ..

اولا بشكرك على التصحيح الرهيب للكلمة وما شاء الله على النباهة !!
ثانيا احب اوضح لحضرتك حاجة ...
الناس المؤمنة هى اللى بتحتفل بالاعياد الاسلامية (فقط) ...
عيد اضحى وعيد فطر ومولد نبوي شريف ومناسبات دينية ...
لكن عيد الحب بتاع حضرتك ده على اى اساس مش فاهم !!!
ثانيا : لو كل واحد مراعى ربنا فى نفسه وفى مراته فمش هيستنى يوم واحد فى السنة علشان يحبها ولا يجيب لها هدية ...
والله ما كنت عايز ارد اساسا بس مينفعش للاسف ..
يلا اسيبكم تحبوا بعض بقي ..

الأخ الكريم / .........

اليك ردودي على ما ورد من تعليقاتك

أولا : ممكن جدا تقول رأيك بدون أن تفرضه على الآخرين أو أن تستهزأ بما يقولونه

ثانيا : لستُ أنا من اخترع عيد الحب
ولستُ أول من تكلم عنه فالاذاعة والتلفزيون والشوارع والناس أنفسهم
يفعلون ذلك ويحتفلون به سواء تكلمتُ أنا أو لا

ثالثا : لا يعلم ما بيني وبين ربي غيره هو وليس من حق أى انسان التشكيك فى كوني مؤمنة أو لا

رابعا : للأسف انت نظرت للموضوع بنظرة قاصرة لا تتعدي النظر تحت موضع قدميك
واذا رجعت تقرا بتفهم ما ورد هتلاقي إني قلت إننا بنجدد حبنا للى حوالينا
سواء اب أو أم أو أخوات أو أصدقاء

وذلك حتى أبعد شبح التشبه بغيرنا ممن يحتفلون بهذه المناسبة للقديس فلانتين

هي دعوة للحب من أخت مسلمة
عن طريق الهدية والكلمة الحلوة

وإليك هذا الحديث الشريف

وعن أبي هريرة رضي الله عنه عن النبي صلى الله عليه وسلم قال: (تهادوا تحابوا) رواه البخاري

وهذا ما قصدته تجديد الحب فى قلوبنا لمن هم حولنا
عن طريق أي هدية


مش مهم هى ايه ولا مهم هتروح لمين

خامسا : سأجدد شكري لك على هذا المرور وذلك الهجوم الغير معروف سببه
؟؟؟؟؟؟؟؟؟؟؟؟؟؟؟

ممكن جدا تقول رايك من غير ما تجرح مشاعر حد ولا تتريق على حد

واذا كان الموضوع من أساسه لا يعجبك فعدم المرور كان اسلم حل دون أن تفسده وأن تحتفظ بآراءك لنفسك

آخر جملة إنت قولتها ردها مش عندي المفروض يكون ردها عند الإدارة والجملة كانت
(( يلا أسيبكم تحبوا بعض بقة ..))
للأسف مرورك على موضوعي غير مرغوب فيه

اولا بس احب اوضح لك حاجة ...
كلامك كله مبررات مش اكتر ..

المشاركة الأصلية كتبت بواسطة totaa

ممكن جدا تقول رأيك بدون أن تفرضه على الآخرين أو أن تستهزأ بما يقولونه

انا مفرضتش رايى على حد انا دخلت اعترضت على (الفلانتين) مش حب الابن لابوه ولا حب الاخ لاخوه وفى زملاء كتير اعترضوا معايا واعتقد انك شفتى بعينك محدش حكالك يعنى ..

المشاركة الأصلية كتبت بواسطة totaa

لا يعلم ما بيني وبين ربي غيره هو وليس من حق أى انسان التشكيك فى كوني مؤمنة أو لا

انتى محدش اساسا سالك علاقتك ايه بربك .
انا اتكلمت على المؤمنين عموما ومختصكيش انتى بالكلام ..
هو تلفيق كلام على الصبح ولا ايه ..
ده تانى مبرر ليكى على فكرة ..

المشاركة الأصلية كتبت بواسطة totaa

واذا كان الموضوع من أساسه لا يعجبك فعدم المرور كان اسلم حل دون أن تفسده وأن تحتفظ بآراءك لنفسك

فعلا الواحد غلطان انه دخل يتناقش فى حوار فاشل اصلا .. واعدك ان لو شفت لك موضوع ممكن اقفل المنتدى اساسا ..
(( حرية شخصية بقي ))

المشاركة الأصلية كتبت بواسطة totaa

آخر جملة إنت قولتها ردها مش عندي المفروض يكون ردها عند الإدارة والجملة كانت
(( يلا أسيبكم تحبوا بعض بقة ))

انتى ليه مخك وداكى بعيد كده !!
انا اقصد تحبوا بعض كاخوات فى الله مش اكتر ولا اقل ..
زى مانتى ما قلتى اهه ..

المشاركة الأصلية كتبت بواسطة totaa

هتلاقي إني قلت إننا بنجدد حبنا للى حوالينا
سواء اب أو أم أو أخوات أو أصدقاء

متبقيش تفهمى غلط تانى بليز ..
اما حكاية مرورك غير مرغوب فيه دى .
فلما حضرتك تكونى قاعدة فى بيتك فلكى الحق ان تتحكمى كما تشائين لكن انتى هنا فى منتدى ومن حق كل واحد يشارك باللى هو عايزه واعتقد ان الادارة بتشوف شغلها مش منتظراكى لما تتحكمى حضرتك فى ادارة المنتدى ...

وأنا من منطلق دعوة الحب اللى كنت بنادي
بيها هقولك :ـ

كل سنة وانتوا طيبين

ونفضل أعضاء وأخوات نحترم بعض

ونقدر مشاعر بعض ونتكلم بلطف

مهما اختلفت أراؤنا أو وجهات نظرنا

لأننا فى بيت واحد هو منتدي نايل موتورز

وبيجمعنا كلنا حب واحد هو الأخوة فى الله

لا أجد ما أقوله غير ذلك

وتحياتي للجميع وهقولها تاني

بحبكم فى اللــــــــــــــــه