الموضوع: && إبعت رسالة ..في عيد الحب &&&

المشاركة الأصلية كتبت بواسطة MoDyBeNz2008

مش دة الفلانطين بتاع طمورة برضو

المشاركة الأصلية كتبت بواسطة MoDyBeNz2008

فلانطين ايه و كلام تافه ايه كفاية تشبه بالغرب احنا مناخدش منهم غير الحاجات التافهة عامل زي اللي راح الهند مخدش منهم غير التكتك اللي يعتبر احد مظاهر التخلف هناك .

دة رأي و اللي مش عاجبه و جهة النظر دي يتفضل يقول رأيه و أنا متقبلها

و شكرا

أهلا بمرورك وبشكرك على رأيك

فلكل منا رأيه ولابد من احترام آراء الآخرين

طالما يعبرون عنها بطريقة تستحق احترامها

ولكن ليا تعليق على موضوع التوكتك

هو يمكن فاشل عندهم لكن تفتكر هو فشل عندنا

لا أعتقد إن الاجابة نعم ..لأنه اقتصادي مليون

بالمية بالنسبة للطبقة المتوسطة والفقيرة

وما أكثرها فى بلدنا للاسف ..اذن هو نجح

بمصر بدليل انتشاره فى جميع المحافظات بتلك

الصورة (( وأيضا هذا رأيي ))

تقبل تحيتي

كل سنة و كل المحبين بخير

المشاركة الأصلية كتبت بواسطة aif

فيه محل هدايا تحت البيت ....
وبينما احنا واقفين في البلكونة كان هذا الفيلم الكوميدي الواقعي
المحل كله احمر × احمر
وواخد الرصيف اللي قدامه كله عامله معرض للهدايا بتاعة عيد الحب ....
والدباديب بأحجام واسعار متفاوتة .... من 10 الى 500
وواحدة بنت أمورة وروشة جاية ومعاها شاب شكله ميسور الحال ... وراكب عربية لانسر شارك .... ونزلو ودخلو المحل قعدو شوية وطلعو من المحل ... البنت شايل دبدوب كبير اوي وشكله غالي جدا .... وبالونة حمرا علي شكل قلب .... ووقفو شوية قدام المحل يتكلمو والبنت في منتهى الهيام وعماله تبوس في الدبدوب وتحضنه .... وحاجة كده زي قيس وعبد الفتاح .... قصدي قيس وليلى .... لغاية ما الشاب المريش مشي بالعربية وسابها قدام المحل ... يظهر انها ساكنة قريب .... وهي عمالة تشاورله ...بااااي ... وح تعيط من شدة التأثر
لغاية أخينا ما مشي بالعربية وكانت المفاجأة ...
البنت دخلت المحل تاني لوحدها ...... وطلعت وفي ايدها البالونه الصغيرة الحمراء ... بس .... ورجعت الدبدوب للمحل ... واستردت الثمن ....
فين الشاب اللذيذ يشوف الرومانسية اللي على حق

..... الكلام ده كان امبارح
دلوقت وانا جاي لقيت نفس البنت واقفة قدام المحل .... ؟؟؟؟؟؟
يا تري منتظرة ايه ؟؟؟
كان نفسي اقف اشوف باقي الفيلم .... لكن عندي شغل

ههههههههههههههههههههههه

صدقنى أنا اتخيلت اللى انت بتحكيه ومصدقاك

بس موقف بجد محرج وفى الوقت نفسه سخيف منها

ياتري هى مستنية كام فلانتينو ؟؟عشان يجيبلها كام دبدوب؟

تقريبا موسم لم الدباديب عندها هههههههههههههههههههه
ههههههههههههههههههههه

شكرا على المرور والشكر الاكثر على هذا الموقف

المشاركة الأصلية كتبت بواسطة Nourelomar

دي بنت عملية .... يا مستر / aif .... طبعا واضح هي بتحب إيه !!!!!!!!

نوووووووور هههههههههههههههههه

دي مش بنت عملية دي بنت لصة وبتلعب بعواطف الناس

وجيوبهم كمان ههههههههههههههههه

نورتي يانور وميرسي على تواجدك الدائم

المشاركة الأصلية كتبت بواسطة acer4000

كل سنة و كل المحبين بخير

وأنت طيب ومبسوط بحب كل اللى حواليك

وكل عيد حب وانت بخير