عرض للطباعة
قول رايك لو الجمارك اتشالت خالص من العربيات و فى نفس اللوقت الدعم على البنزين اتشال
يعنى تروح تلاقى اللتر ب 5 جنية
فى الحالة دى هتشترى عربية كبيرة ولا تجيب عربية صغيرة عشان توفر فى البنزين؟؟
ايهما تفضل؟؟
يا جماعة دة فعلن اللى هيصل فى كل مرة الحكومة تخفض الجمارك هتقلل دعم البنزين ودة اللى حاصل فى كل دول العالم ما عدا دول الخليج العربى
ياريت الناس تفكر شوية وتقول رايها00
هتشترى عربية كبيرة واحولها غاز و بعدين فية حاجة تانية احنا من الدول المنتجة للبترول و بنصدرة خام و بنرجع نشترية مكرر باضعاف اضعاف سعرة المفروض نخلى عندنا مخ و بما اننا بننتجة نكررة و بالتالى سعرة هيرخص جامد و مش هتحتاج الحكومة انها تدعمة زى ما هو حاصل فى دول الخليج
أوافق على كده... من باب ترك الحرية والاختيار لصاحب المصلحة ورفع الوصاية عنه....
يعنى ساعتها كل واحد يشوف امكانياته.. اللى عايز يجيب 1000 سىسى يجيب ... واللى عايز 1600 يجيب..... واللى عايز 2500 يجيب... واللى عايز 5000 يجيب....
كل واحد أدرى بظروفه ويقدر يظبط أحواله على قده... إنما بقى قصة الجمارك العالية والبنزين مدعم من الحكومة باعتبار انها وصية علينا وعارفة مصلحتنا أكتر من نفسنا... متهيألى كلام قدم قوى ... كان يمشى سنة 1959 مش 2009.....
الحقيقة أنا أعتقد اننى ممكن أجيب 1600 سىسى طالما البنزين ساعتها حيكون غير مدعم...أو حاجة فيها محرك الـ TSI بتاع فولكس..... أو أبقى أشوف ايه نظام العربيات الـ Hybrid
اقتباس:
المشاركة الأصلية كتبت بواسطة mk20022002
موضوع ان احنا نعمل مصافى لتكرير البترول دة مكلف جدا بالمليارات والحتياطى اللى مصر ما يستهلش
ماتبصش لدول الخليج دة موضوع تانى دى ناس بتصدر لعالم احتياطى جبار
سبحان العاطى٠٠٠
مهما كانت التكلفة فرق الخام من المكرر رهيب و مش هنبطل احتياج لمنتجات البترول المكررة و بعدين بجملة المصاريف محنا استثمارنا مئات المليارات فى توشكى ولحد دلوقتى العائد منها ضعيف و سمعت ان فية فيها مشاكل وسايبنها لما تبوظ فمتهيالى كان البترول اولا و بعدين لو مش هنقدر على التكلفة ناجر محطة تكرير فى اى دولة من دول الخليج و متهيالى بردة العائد القتصادى بعد دفع مصاريف الايجار هيكون مجدى لحد ما ربنا يكرمنا و نبنى واحدة تكفينا شر السؤال....نفس الموضوع دة حاصل فى القطن بنصدرة برخص التراب و نشترية باسعار غالية جدااا:U_thin1[1]::U_thin1[1]::U_thin1[1]::U_thin1[1]::U_thin1[1]:اقتباس:
المشاركة الأصلية كتبت بواسطة midnightman_74
الواحد فعلا ممكن يحول العربية للغاز ولو الموتور جرا فية حاجة يغيروا لكن طبعا دا هيكون لصالح المستهلك.
يعنى الحكومه عاوزه تقنع اى حد ان الجمرك للى هى بتاخده على العربيات اللى بيوصل 500 الف فى العربيات فوق ال 2500ccبيساوى البنزين اللى هى بتدعمه!!
يعنى لما الانسر او السيفيك كل واحده ترخص 60 الف
هل انا هدفع 60 الف لما البنزين يبقى اللتر ب 5 جنيه ؟؟
+111111111111111111اقتباس:
المشاركة الأصلية كتبت بواسطة blazer
yes i agree with youاقتباس:
المشاركة الأصلية كتبت بواسطة yehia
يا ريييييييييييييييت
ونركب عربيات ذوات الستة والثمانية سلندر بقا وكفاية حرقة دم
ياريت فعلا.......
لو لغو الجمارك...الواحد هيوفر حوالى بالميت 30000 فى العربية ال1600
و لو ساعتها البنزين حتى وصل ب 10 اللتر...فرق الجمارك ده يجيبلك 3000 لتر...يعنى يفول تانك العربية 60 مرة (التانك 50 لتر)....يعنى يمشيك 30000 كيلو (استهلاك 10 كيلو\لتر) !!!!
يعنى بنتكلم فى بنزين العربية لمدة سنة و نص مثلا....و بتدفعهم براحتك و حسب استهلاكك....
و كمان ده هيشجع الناس على انهم يركبوا مع بعض و يشتركوا فى البنزين....خصوصا لو رايحيين الشغل مثلا...
دا على اساس انهم بياخدو 30 الف جنيه بساقتباس:
المشاركة الأصلية كتبت بواسطة badry
انت ممكن تقول 50 الف
مينفعش نقول ان فلوس الجمارك اغلى من دعم الببزين او نقارن بينهماقتباس:
المشاركة الأصلية كتبت بواسطة blazer
بس بنقول لو الدعم اتشال و اتحرر سعر البنزين
هتروح تجيب عربية مرسيدس 3000 CC وتفول كل مرة ب 300 جنية؟؟
انا بقول كدة عشان سعلر اللتر فى فرنسا واحد يورو!! يعنى اكتر من 7 جنية
وتلاقى معظم الناس راكبة فيات الصغيرة و البيجو الصغير حوالى 1000 CC
وفى نفس اللوقت اقل مشوار بالتاكس 7 يورو يعنى حوالى 50 جنية
لا حضرتك ساعتها كل واحد هيقدر يحدد هو عاوز يركب ايه بلسعر الى يريحه
مش الحكومه تاخد فلوس عشان مبررات واهيه مثل حمايه الصناعه الوطنيه اللى نفسى اشوفها قبل اما اموت
دلوقتى مشوار التاكسى متوسط اللى بيدفع 25 جنيه
راعى بقى فروق المرتبات والدخول بينا و بين فرنسا
عاوز واحد عايش فى دوله متوسط دخولها 10او20 الف يورو
بدوله متوسط الدخول فيها 250 جنيه
اليورو بالنسبالهم زي الجنيه بالنسبالنااقتباس:
المشاركة الأصلية كتبت بواسطة midnightman_74
يعني في فرنسا علبه السجاير ب 6 يورو
طبيعي جدا السعر يكون عندهم 1 يورو
ولو مثلا مرتب واحد 5 الف يورو
بالضبط يعيشوه زي ما بيعيش في مصر ب 5 الف جنيه
الاختلاف فقط في السلع المعمره وبعض السلع الاستهلاكيه
هتلاقي موبايل جامد جدا ب 500 يورو مش ب 5 الف جنيه
عربيه محترمه جدا 20 الف يورو مش ب 200 الف جنيه
انا معاك فى اللى انت بتقوله
بس على اقل تقدير مستويات الفقر هنا غير هناك
مصر 60% من سكانها تحت خط الفقر
يبقى السلع المعمره بلذات اغلى من هناك بأضعاف وكمان مع فرق كماليات و جوده رهيب دا غبر سوء خدمات ما بعد البيع والضمان والتامين وما شابه
يا جمااااااااعه المشكله ان البلد دي فيها فلوس بالعبيييط بس مش بتستخدم لصالح الشعب للاسف
ثروااات البلد دي بتروووح فييين
الجماارك دي بتروووح فيين
الضرايب
المخاالفااااات
المصااالح الحكوميه وخلافه
كاااارته المطااااار وجميع الكارتاااات خااصه مصر الصحراوييي
------------------------------
كل ده لو تم الاستفاده بنصفه فقط في مشاريع لتكرير البترول في مصر
هيبقى سعره رخيص جدااا
لو تم الغاء الجمارك اولا هتلاقي كل العربيات القديمه اختفت تماما وده في مصلحه الناس كلها
بدل 128 ب 18 الف هتبقى كرولا 94 او سيفيك
هتلاقي انضف عربيات دلوقتي هي اقل عربيات بعدين
قطع غيار ترخص تبقى ببلاش
اخي الفاضل blazer
الاختلاف في السلع المعمره ده نتيجه الجمارك
هو ليه العربيه الي ب 20 ال يورو ب 200 جنيه هنا.؟؟ الجمارك هي الاجابه
لعلمك الفولكس الي معدى تمنه هنا 200 الف
في المانيا سياره الشعب واسعاره عاديه جدا ومنتشر اكتر من البني ادمين اساسا
بريليانس جالينا لما طورهوا عشان اختبار الصدمات الفاشل
الموديل الي اتطور وبقى اختبار صدماته مشرف بقت اغلى من الباسات
في المانيا
ثم ان اشمعنى يعني الى راكب عربيه فوق 2000 سي سي يدفع مش عارف كام من تمنها ضريبه وكل سنه
قال يعني عشان الحد من العربيات في البلد
وهو الي راكب فوق 2000 سي سي كام واحد اساسا
لو دعم البنزين اتشال اللتر حيبقي ب 11 جنيه مش ب 5 جنيه بس علي الاسعار الحالية
واتلله فكره جميله جدا بس ليه يتشال الدعم عن البنزين
ماهو احد مشتقات البترول يعنى ملكيه عامه للشعب والدعم ده احنا لينا حق فيه
ماهى دي النقطة اللى غايبة للأسف عن كتير مننا... يا جماعة الواضح إن الأمور مش حتستقيم أبدا زى ما احنا متخيلين لما يخفضوا الجمارك أو يشيلوها - يحيينا ويحييكم ربنا - عشان ببساطة القرش اللى كان بيطلع من الجمارك حيطلع أضعافه من حتت تانية... زى رسوم الترخيص وضرائب المبيعات....اقتباس:
المشاركة الأصلية كتبت بواسطة حماده المصري
ديتها ايه وقتها يعنى... تعديلات صغيرة فى قوانين المرور وضريبة المبيعات.. ونسمع بقى عن النسب المهولة ساعتها سواء للرسوم أو الضرائب .....
ساعتها مش حارف حنقول ايه... ولا يوم من أيامك يا جمارك !!! :C_laugh[1]:
معلش مع احترامى للكل محدش فكر فى الناس الغلابة اللى معندهاش عربيات . لما البنزين يغلى واقل مواصلة تبقى ب 3 جنيه هيبقى موقف الناس ايه . وبعدين يتهيالى مش من مصلحة مصر انها ترخص العربيات وتخلى كل واحد بدل ما عندوا عربيا هيبقى عندوا 3 . لان دا طبيعة شعب مصرى . فاكرين زى ما كانت مثلاً دقيقة الموبايل ب جنيه كنت بتتكلم دقيقة وتقوول كل اللى انت نفسك فيه ولما بقت ب 20 قرش بقيت حضرتك بتتكلم اد ايه بقى .بردوا بنفس التمن 5 دقايق ودفعت نفس الجنيه . الفكر المصرى مش سهل التعامل معاه . مع احترامى لكل الاراء انا شايف ان لو سعر البنزين غلى والعربيات غلت مش هتعرف تمشى فى القاهرة .