الموضوع: صرخه خفيفه وانا بهدى

المشاركة الأصلية كتبت بواسطة zeka127

محصلش اى حاجه هى موجوده من زمان وانا منفضلها وبتحصل كمان وانا ماشى لو لافف الدركسيون على الاخر بتحصل نفس الصرخه انا كان كل الى فى دماغى ان الموضوع ده بسيط ومحتاج ظبط زوايا مش اكتربس انا ظبط زوايا والصوت موجود برضه
ممكن ارجع تانى لبتاع ظبط الزوايا؟؟

لا الصوت ده مش من الزوايا....لأن الزوايا لو مش مظبوطه حتخللى العربيه تحدف منك يمين أو شمال.......وأنت بتقول أن الصوت بيظهر عندك لما تهدى فقط......وده مالوش معنى غير أن الطنابير بتاعة التيل فيها عالى وواطى....والعالى اللى فيها هو اللى بيعمل صوت الصريخ ده لما تهدى السرعه وتدوس فرامل خفيف.....دى وجهة نظرى المتواضعه وبرضه حنستنى تعليق باقى الزملاء لأخذ رأيهم.....ممكن تكون حاجه غايبه عنى

فى الغالب دى الفرامل مش الكاوتش

الف شكر ياجماعه على اردود والاهتمام
كده واضح ان الموضوع تيل انا هكشف عليه واشوف بس هو مبيصفرش .
هو ممكن التيل يفضى منغير ميصفر؟

المشاركة الأصلية كتبت بواسطة MMamdouh

الموضوع مش تيل خالص

الموضوع كاوتش

اضبط الكاوتش على 32

راجع الزوايا لان ممكن العجل يكون مقفول شوية زيادة (و دة مش حيخللى العربية تحدف)

انا كان عندى الحوار دة و ضبط زوايا فى محل جولدن تايرز فى العشرينى و كان فعلا العجل مقفول بالرغم من ان العربية مبتحدفش

و خللى بالك ان فية انواع كاوتش بتصفر كتير و انواع لا... و الموضوع بيفرق حسب الاسفلت... يعنى ممكن شوارع معينة تسمع تصفير و شوارع تانية متسمعش حاجة

MMamdouh

اولا حمدلله على السلامه المنتدى كله مفتقدك فى الفتره الى مكنتش موجود فيها يارب يكون خير.
صح فعلا فيه شوارع مبسمعش فيها صريخ بس فى الغالب بسمعه والكاوتش عندى نوعه GT
هو العجل 32 ده الصح بتاع الشتا اصلى بظبطه على 30 هما بتوع الكاوتش بيعملوه كده تلقائى.