رابع حصه ولسه..!

**walidjawad** · 12-02-2009 01:09 PM

السلام والتحيه على احلى منتدى فى المنطقه . دى اول مشاركه ليا معاكم واتمنى اكون معاكم على طول عشان بجد استفدت جامد من المعلومات اللى موجوده على المنتدى اللذيذ ده.
انا لسه بقول يامسهل فى السواقه رابع حصه كانت ليا النهارده . مش عارف اوصف شعور رجلي عامله ازاى (رجلى متكونه من الساق والقدم للعلم) مشدوده على الاخر بالذات اليمين لدرجه مكنتش حاسس بدواسه البنزين خالص . مش عارف ده طبيعى ولا لأ. المدرب بيقولى انه طبيعى بس انا مش بالع كلامه لانى بجد كنت تعبان اوى وبالذات النهارده لان المدرب خلانى نطلع على طريق كرداسه وكنت محمل شويه اكتر على البنزين . ياريت حد يقولى هو شده الرجل دى طبيعى ولا لأ . وحاجه كمان انا لسه مش متحكم فى الدركسيون لغايه دلوقتى بعد اربع حصص .
وشكرا ليكم اوى ومنتظر اى حد يرد على تساؤلاتى

**A.Saad** · 12-02-2009 01:17 PM

ريح اعصابك شوية
انت مقلق
غالبا علشان طلعت على الطريق
انا المدرب قالى امسك الدركسيون فى مكان الساعة 3 و 9
وايد تدى ايد
بكرة تطير طيران

**KoDaK_Gti** · 12-02-2009 01:49 PM

بالنسبة للبنزين حاول تثبت كعب رجلك وتدوس بمشط رجلك بس
بعكس الدبرياج والفرامل لازم تدوس برجلك كلها

**walidjawad** · 12-02-2009 02:33 PM

شكرا للردود الجميله والسريعه دى
انا فعلا بدوس على البنزين بمشط رجلى بس دواسه البنزين عاليه شويه فمش قادر اتحكم فيها كويس عشان كده رجلى بتشد

**emadkamel** · 12-02-2009 03:57 PM

اولا اهلا بيك فى المنتدى

لا مش طبيعى ان رجلك تشد ... انت بس تلاقيك مشدود شوية فمشنج رجليك على البنزين حبتين من غير ما تحس .... ريح رجليك شوية واهدا هاتلاقى كل حاجة زى الفل ن شاء الله

**lancerevolution** · 12-02-2009 04:06 PM

ياه خد من ده كتير شد فرجلك و جع فى ضهرك لحد لما تاخد على الوضع و بعدين حتستريح أكنك رايح الجيم أول مرة أو بعد توقف طويل شوية شد بيروح مع التمرينة الى بعدها

**mahmoud_magdy** · 12-02-2009 04:42 PM

هدي اعصابك ومتخافش
السواقه محتاجه هدوء وبرود جداااااااااا
وسيب رجلك تشتغل زي ما اتعلمت من غير ما تحكمها
ومتشدش نفسك واطمن
المدرب معاه فرامل ولو حصل اي شئ لاقدر الله هيعرف يتصرف
اطمن ومتقلقش

**islambana** · 12-02-2009 09:26 PM

ياباشا ده طبيعي في الحصه الرابعه ومعلش ماتتوقعش انك بعد ماتخلص المدرسه انك هتبقي بتسوق كويس لازم حد يكون بيسوق كويس يمشي معاك علي عربيتك علشان تثق في نفسك ماتستعجلش وكل شيء بأوانه

**mo7a_mo7a** · 13-02-2009 12:43 AM

كل ده طبيعي
بس انت حاول تريح اعصابك
وانت بتدوس بنزين حاول تعتمد علي وزن رجلك اكتر شوية من عضلاتك
واسترخي علشان تتحكم احسن
وعدين انت متنتظرش ان بعد عدد معين من الحصص تلاقي نفسك بتسوق تمام لا لا
انت حتتعلم تدريجي لدرجة انك ممكن تلاحظ انك مبتتقدمش

الموضوع: رابع حصه ولسه..!

LinkBack

أدوات الموضوع

عرض

-

-

-

-

-

-

-

المواضيع المتشابهه

العلامات الي ورا اتسرقت رابع مرة !!!!

رابع مره اشحن التكييف ويبوظ بعد اقل من شهر

كلاكيت رابع مره

التكييف باظ رابع مره

الكلمات الدلالية لهذا الموضوع

المفضلات

المفضلات

ضوابط المشاركة