مساء الخير يا شباب,
أنا رايح التوكيل يوم الأحد القادم عشان أعمل صيانة كاملة و تشيك أب علي كل حاجة في عربيتي الماتيريا. لو حد يصادف انة رايح في نفس اليوم ياريت يرد و نتقابل و يبقي يوم جميل و معرفة جميلة.
عرض للطباعة
مساء الخير يا شباب,
أنا رايح التوكيل يوم الأحد القادم عشان أعمل صيانة كاملة و تشيك أب علي كل حاجة في عربيتي الماتيريا. لو حد يصادف انة رايح في نفس اليوم ياريت يرد و نتقابل و يبقي يوم جميل و معرفة جميلة.
أنا مش رايح التوكيل يا باشا بس كان لي سؤال على المتريا هي عملة معك إيه أنا حاسس انها وتيا شوية بتحك في المطبات ولا لأ يا ريت تقولي رأيك عشان بفكر اشتريها و ابقى طمني باءة عملت إيه في المشكلتين إلي فيها لما ترجع من التوكيل
أهلا يا نجم,
بص يا سيدي, أنا كنت فاكر في الأول انها هتحك عشان وطية و كدة بس ولا مرة حكت معايا.. بصراحة! مع اني بعدي علي مطبات متنوعة الشكل و اللون!
العفشة بقي.. هي عفشتها نشفة جدا جدا جدا بحس انها بتخبط في عظمي!
السحب تمام..
التكييف تمام..
الأتزان جيدة بس مش جيد جدا!
العربية مريحة جدا في السواقة و واسعة بحر من جوة و شياكة, كفاية كل الناس بتعد تتفرج علي العربية دي و هي ماشية.. سيان بيحبوها أو بيكرهوها عشان شكلها!
بس العربية مريحاني نفسيا من كل حاجة.
أنا تحت امرك في أي اسئلة.
مساء الخير يا أحلي ناس,
أنا لسة راجع من التوكيل من شوية, المهم عملت صيانة كاملة بس بدون زيت و فلتر.. أصل أنا بغير زيت و فلتر برة.. بحط شل ألترا.
المهم يعني التوكيل كان زحمة.. كنت هناك علي 9 و نص و استلمت العربية علي الساعة 12
المشكلة بقي بتاعة لمبة ال Abs اللي كانت منورة دايما و هي قعدت 3 أيام منورة بعد كدة طفت, و هي ان أنا ركبت زينون و الدفيرة أكيد أتلعب فيها فا في التوكيل كشفوا بالجهاز و كان كاتب Error
عشان الدفيرة أتلعب فيها, نزلولي برنامج جديد.. و غيرت تيل فرامل أمامي و كلة تمام, العربية بقت عروسة.. أكنها لسة زيرو..
و في التوكيل ناس محترمة و معاملة راقية.