ما هو اسرع طريق من مدينة نصر (جامع رابعة) لابراج نايل سيتي كورنيش النيل ذهابا الساعة 8 ص و عودة الساعة 5 م ؟؟
عرض للطباعة
ما هو اسرع طريق من مدينة نصر (جامع رابعة) لابراج نايل سيتي كورنيش النيل ذهابا الساعة 8 ص و عودة الساعة 5 م ؟؟
بص ياباشا انت ممكن تاخد صلاح سالم ومنه الى رمسيس ومنه الى التحرير - كورنيش النيل
أو تطلع اكتوبر وتنزل نزلة عبد المنعم رياض وتاخد الكورنيش
و الوصفة دي تنفع رايح جاي ؟
و بتاخد وقت قد ايه ؟
تنفع الصبح
بلاش الساعة 5 لان كوبرى اكتوبر بيكون بطىء الوقت ده
ممكن تنزل على شبرا
الزاوية الحمرا
كوبرى الفنجرى
طريق النصر
انا شايف انك ممكن تاخد الاوتوستراد طوالى وبعدين تطلع الدائرى اتجاه الهرم وتنزل منه النزله بتاعت دار السلام ثم الكورنيش لابراج النايل سيتى دى الصبح اما اخر النهار ممكن ترجع عن نفس الطريق بس متنزل من الدائرى فى الاوتوستراد وخليك على الدائرى وانزل مدينه نصر من الحى العاشر هى اطول لكن تفاديا للزحمه
طبعا طريق النصر وتاخد كوبرى الفنجرى الزاوية فيها اشارات رخمة
وبعد كده شبرا الكورنيش من عند المظلات تخلى الكورنيش يمنك وتكمل ع طول هتلاقى الابراج ع الشمال وع فكرة مشوار مش طويل لان شبرا نفس شارع النايل سيتى
وممكن تاخد صلاح سالم لغاية التحرير الكورنيش وتكمل وتخلى ماسبيرو ع يمينك بعد ماسبيرو ب 150 متلر ع نفس الصف