نسيت المفتاح فى العربيه وقفلت عليه ولقيت الحل

**A.Elsheikh.01** · 12-02-2009 06:52 PM

النهارده الصبح بعد ما جيت من مشوار وطلعت وجيت انزل تانى وامشى بالعربيه ملاقيتش المفاتيح
دورت عليها لحد ما افتكرت انى نسيتها
اعدت الف على الناس وكده
1- قالى ب30 جنيه يابيييييه
2- قالى اكسرلك الازاز واعملك غيره
3- قالى دب فيها منشار حدادى من عند الازاز وطفشهاااااااا
قولت ما اشغل دماغى شويه
جبت سلك نحاس تخين شويه وطويل يعمل بتاع متر
جبت حته حديده تخينه ومبططه ولفيت حواليها الفوطا الصفرا
سخنت طرف السلك النحاس لدرجه انه احمر
ونفدت السلك لحد المسوجر بتاع الباب وقمت مثبته فى المسوجرلحد ما برد وقمت رافع قام فاتح معايا :)
ودلوقت بقى عندى خرم سرى افتح بيه الباب بعد كده لو نسيت تانى

**M.Osama** · 12-02-2009 07:38 PM

نفدت السلك لحد المسوجر ازاي بالظبط ؟ خرمت الازاز ولا الصاج ؟ :d :d

**Ahmad Allawy** · 12-02-2009 08:25 PM

نصيحة لوجه الله.. اعمل زي ما انا عامل..
مفتاح حديد من ابو 5 جنيه ده.. من غير يد بلاستيك حتي.. و تقوم راميه ف المحفظة.. و تنساه.. و مش هتحس بيه اصلا..
بينفع ف المواقف اللي زي كده..
و برضه لو حد عايز ياخد حاجة من العربية او كده و مش عايزه يدورها تديهوله..
و مفتاحك المشفر الاحتياطي ف البيت..

**tamertamer** · 12-02-2009 09:58 PM

ياسلام قلى مكانك بقا عشان اعمل الواجب معاك هههههههههههههههههه

بتفكرنى كان فى حرامى كبير كان بيسرق الشقق ومكنش حد عارف يمسكة فكان بيتريق على سزاجت الناس بيقول مرة راح بيراقب واحد صاحب محل موبيلية فدخلة الراجل اعد يورية فى اوض نوم فشاف وحدة قلة دية فيها جيوب سحرية انا عندى فى البيت وطبعا وراة الجيوب راح سرق بيت الراجل وطبعا الراجل كان شايل فلوسة وحجتة فى الجيوب دية نبية اوىههههه
عرفت انا بتحك لية

**Ahmad Allawy** · 12-02-2009 10:06 PM

في مثل بيقولك ايش ياخد الريح من البلاط..؟؟ :) :)
العربية فيها ايموبلايزر.. مفتاحها مشفر يا معلم..
هاسيبهالك مفتوحه.. و اللي تقدر عليه خده..
الكاسيت..؟؟ بايظ و شغال راديو بس..
اكتر من كده مفيش غير كوريك و بطارية.. و دول انا مسامح فيهم.. بس انت تعالي و اشوفك.. و خد اللي انت عايزه..

**tamertamer** · 12-02-2009 10:16 PM

طيب ادينى العنوان احتمال احتاج بطرية كمان كام شهر اهو ابقا عارف مش يمكن يجيلى زبون ليها والكست بردة مش هيخسر اهو على فكرة انت ممكن تدورها من غير مفتاح انا شفت ابل كدة ميكانيكى بيدورها من غير مفتاح متقلقش انت بس سبها مفتوحة وقلى العنوان وتكمل جميلك وتسبلى المفتاح مع البواب تبقا راجل برنس وتشكر اوى اوى اوى وانت عارف كلها سنتين وجى متخفش هههههههههههههه

**nemonemo430** · 13-02-2009 12:34 AM

اخى الكريم

كنت اتكلمت فى موضوع المفتاح قبل كدة

اولا لو انت عندك امبولايزر

من الافضل خلى نسخة مع حد من اقاربك

وتعمل كا الاتى

لو العربية قفلت و المفتاح جوة

هتتصل بية

وتكلمة بالموبايل وبكون هو كمان بيكلمك من الموبايل بتاع قول لة اضغط على الرموت

هتلاقى السنتر فتح معاك

لان كدة الارسال تم من خلال الموجات

انما لو مش مشفر اعمل زى ما البشمهندس علاوى قالك

الحل بقى بتاع الناس المتخصصة زينا

هتقوم تفك العجلة الامامى شمال

تفك كرتيرة التراب من ناحية الباب هتلاقى بعدها عازل للصوت هتشيلة

هتلاقى فيشة الباب

هتحاول تفكها

ويكون معاك الناحية الى راحة الى الباب

هتجيب لمبة تست وتجرب على الترامل ارضى لانى مش فاكر انهى واحدة فيهم

الى حد ما تسمع صوت تكة السنتر

وتروح تفتح الباب الخلفى الاول

وربنا معاك بعد كدة اضرب المفتاح برحتك هههههههههه

**Ahmad Allawy** · 13-02-2009 09:18 AM

المشاركة الأصلية كتبت بواسطة tamertamer

طيب ادينى العنوان احتمال احتاج بطرية كمان كام شهر اهو ابقا عارف مش يمكن يجيلى زبون ليها والكست بردة مش هيخسر اهو على فكرة انت ممكن تدورها من غير مفتاح انا شفت ابل كدة ميكانيكى بيدورها من غير مفتاح متقلقش انت بس سبها مفتوحة وقلى العنوان وتكمل جميلك وتسبلى المفتاح مع البواب تبقا راجل برنس وتشكر اوى اوى اوى وانت عارف كلها سنتين وجى متخفش هههههههههههههه

الاوبل اللي الميكانيكي بيدورها من غير مفتاح دي اكيد مفيهاش ايموبلايزر اصلا..
عشان اللي انا عارفته.. انه موضوع صعب جدااااااااااااااااااااااا عشان تدورها لو المفتاح ضاع ولا حاجة.. و كمان عشان تلغي الدايرة دي.. او تعمل عليها bypass موضوع في منتهي الصعوبة.. و مجهود جامد قوي..

عموما تعالي المقابلة.. و خدها معاك و انت ماشي.. و نبقي ريحنا نفسنا..

**tananybasha** · 14-02-2009 12:21 AM

مفيش حاجة صعبه انا بدورها من غير المفتاح المشفر اتعلمتها والله العظيم من حرامى عربيات و بعرف افتح المرسيدس و الى ام و اى عربية خلقها ربنا
خبرة يا عالم

-

الموضوع: نسيت المفتاح فى العربيه وقفلت عليه ولقيت الحل

LinkBack

أدوات الموضوع

عرض

نسيت المفتاح فى العربيه وقفلت عليه ولقيت الحل - انشر الموضوع فى :

-

-

-

-

-

-

المواضيع المتشابهه

نسيت المفتاح فى العربيه .. ايه الحل؟

المفتاح جوة العربية وقفلت العربية اية الحل؟

هارد عليه باد سيكتور وعليه داتا مهمة ، ايه الحل؟

هل المفتاح المشفر فعلا بقلل من أحتمال سرقة العربيه

نسيت المفتاح داخل العربية ... مفيش مشكلة الحل...

الكلمات الدلالية لهذا الموضوع

المفضلات

المفضلات

ضوابط المشاركة