الموضوع: سؤال مهم عن الالنترا الرجاء الافادة ضروري

المشاركة الأصلية كتبت بواسطة fahd_628

يا باشا مفيش حاجة اسمها التكييف مش بيأثر على السحب و انا بقولك التكييف عندى زى عندك بالظبط بيقلل السحب و تلاقى العربية تقيلة و دة عادى متقلقش منة و بلاش تروح يعكولك فى حاجة

و على فكرة عربيات كتيير جدا جدا جدا جدا ركبتها و سوقتها و التكييف بيأثر عليها 100 % و بشكل ملحوظ

1- هيونداى جيتز ( عربية 1600 و بدى صغير قوى و طيارة على الطريق و التكييف بيكتمها كدة و متحسش انها بتسحب كويس )

2- هيونداى I30 التكييف بيأثر جامد برضة و بيكتمها

3- رينو ميجان برضة التكييف بيأثر عليها

4-تويوتا ياريس التكييف بيأثر برضة

و حاجات كتيير اوى اوى متقلقش انا بقولك كلام ثقة كل العربيات الى انا سوقتهم و فيهم تكييف حتى ال 1600 ( مجربتش حاجة 2000 الصراحة او اعلى ) بيأثر التكييف عليهم بشكل ملحوظ

و نفسى اعرف ازاااااااااااااااااااى الناس بتقول ان التكييف مش بيأثر على السحب يا جماعة والله الفرق ملحووووووووووووووووووظ لأى واحد و مش عيب ان التكييف يأثر على العربية لأننا مش راكبين عربيات 5000 سى سى يعنى

اوافق 100% ان التكييف بيأثر علي السحب في اغلب العربيات اللي في البلد......ما لم يكون كومبرسور التكييف مش متوصل بالموتور(بسير) ولكن لية موتور منفصل لوحدة غير متصل بموتور الحركة زي بعض موديلات المرسيدس(حريقة بنزين يعني)
....ولكن بالعقل كدة حتلاقي كل التكييفات في عربياتنا متوصلة بسير بالموتور وطبعا لما بتشتغل بتاخد من عزم الموتور للتكييف و عدد لفات الموتور بتزيد واستهلاك البنزين بيزيد ......
وينصح لتقليل الشعور بتاثر السحب وايضا استهلاك البنزين ان الناس تشغل التكييف بعد ما العربية تاخد سرعتها (بعد الغيار الرابع)
ولكن كلنا طبعا بنضطر ان نشغل التكييف داخل المدينة ،ودة بيستهللك بنزين كثير...