حساس الكرنك

**tananybasha** · 12-02-2009 10:18 PM

الشيخ محمد قاللى الحساس 420 جنيه
والله العظيم يشكر وقاللى تعالى بكره بعد الصلاه عشان ده مش عيب الحساس ده خالص

**samirayad** · 12-02-2009 10:24 PM

المشاركة الأصلية كتبت بواسطة Ahmad Allawy

طيب معلش بس يا هندسة.. سؤال فني محتاجين خبرة عشان حد يفهمنا و يشرحلنا..
وظيفته ايه حساس الكرنك ده..؟؟ و بيشتغل ازاي..؟؟!!!!

أأقول لحضرتك......حساس الكرنك وظيفته التعرف على البستم الأول وترتيب البساتم وبيبعت أشاره لوحدة التحكم علشان يعرفها حتبعت بنزين وشراره لأى بستم (من خلال تنبيه الرشاشات والبوبينا).....يعنى ببساطه كده هو عين وحدة التحكم اللى بتشوف بيها.....ولو حصل فصل فى الفيشه بتاعته أو أختلاف فى الثغره....بيبطل المكنه على طول

**samirayad** · 12-02-2009 10:25 PM

المشاركة الأصلية كتبت بواسطة tananybasha

وقاللى تعالى بكره بعد الصلاه عشان ده مش عيب الحساس ده خالص

أنا مع هذا الكلام.................

**samirayad** · 12-02-2009 10:38 PM

وممكن برضه تكون محتاج فقط تنظيف التوصيلات الأرضيه...بتاعة وحدة التحكم ....وتوصيلات الكابل الأرضى بتاعة حساس الكرنك(عندنا فى الدايو بيكون أرضى حساس الكرنك واصل لعلبة الفيوزات اللى فى الغرفه).....وفى الغالب حيكون نفس الوضع للأوبل

**tananybasha** · 12-02-2009 10:40 PM

الراجل ربنا يباركله قاللى حاجة جامدة قوى
تعرف ازاى الحساس ده بايظ و لا مش بايظ بعيد عن موضوع الربط الكويس و مكانة
قاللى انه اول ما العربية تسخن تبطل و مترداش تدور الا لو بردت مش العكس قلتله اللى حصل معايا قاللى غالباً ده ايديال كنترول مش الكرنك بس برده ليه العربية قطعت كهربة الموبينه مش غريبة دى ؟؟؟؟

**samirayad** · 12-02-2009 10:45 PM

المشاركة الأصلية كتبت بواسطة tananybasha

بس برده ليه العربية قطعت كهربة الموبينه مش غريبة دى ؟؟؟؟

الله ينور عليك.....طالما قطعت كهربة الموبيته يبقى الحساس بتاع الكرنك هو اللى فصل الاشاره عن وحدة التحكم....وعلشان كده وحدة التحكم مودتش كهربه للموبينه

**tananybasha** · 12-02-2009 10:49 PM

طيب الصح فين انا هتجنن
حساس كرنك و لو بايظ العربية ازاى اشتغلت زى القرد بعد ما نضفنا الكابل مع العلم ماجنيش ناحية الحساس نفسه مع العلم انه فصل و العربية تلج و مركونه كام ساعة مش فاهم حاجة خالص
وايه علاقة Ideal Contoral
الشيخ محمد بيفهم و مش تلميذ يعنى ده شكله استاذ بس افهم

**samirayad** · 12-02-2009 10:55 PM

أتأكد من الترامل بتاعة الفيشه اللى راكبه على الحساس برضه.....حتى لو وصلت تحل الترامل وتركبها تانى كويس.....وبرضه الترمل بتاع الأرضى بتاع الحساس اللى واصل لعلبة الفيوزات

لازم تتأكد من المواضيع دى الأول قبل منقول الحساس هو اللى عامل المشكله.......دا لو مكنش الكهربائى حل الحساس من عللى البلوك.....وبرضه حاول تشوف بأيدك أو حد فاهم أن الحساس نفسه مربوط كويس على البلوك ومش مهوى ولا حاجه.

**tananybasha** · 12-02-2009 11:02 PM

كلامكم يا سادة شرح قلبى ان فيه ناس بتحب بعض بجد مش اى كلام
هو الحساس على ما شفته على النت مفيهوش فيشه تانى ده دايركت للفيشة اللى فوق
و هجرب بردة مع العلم ان علبة الفيوزات مفيهاش حاج لحساس الكرنك او غيره من واقع الكتالوج