الموضوع: حساس الكرنك

السلام عليكم
قبل ما اولع فى العربية النحس دى عايز ردود
اللى حصل نازل الصبح فى امان الله رايح الشغل بعد ما كنت مروح 3 الصبح ادور العربية مش عايزة تدور
غريبة ده انا سايبها باليل زى الفل
فضلت واقف اتصلت بالميكانيكى اللى جنب البيت واد لذيذ يشوفلى فيها ايه
قاللى العربية الموبينة مش مطلعة كهرباء خالص
طيب ازاى هى بتطع على غفله قللى و الله ما اعرف بس شكله كده ده اللى حصل
رحت الشغل و معايا الموبينة و انا بضرب كف على كف و لأجل البخت شغلى كان فى عماد الدين النهاردة
عموماً خلصت شغلى و اتمشيت لغاية التوفيقية عند الشيماء قاللى بتاعت الألفين سى سى مش موجوده مفيش غير بتاعت 1600
رحت شامبليون سرور قاللى البوش ب 300 جنيه قلت ماشى اسأل فى امريكان ستارز قاللى البوش ب 470 جنيه ؟؟؟؟؟؟؟؟؟؟؟؟؟؟؟؟؟؟؟
عموماً اتصلت بمحمد ثشطة قاللى استيراد ب 175 جنيه
و محل فى شارع سوريا فى المهندسين عنده دنماركى ب 270 و المانى - بس المانى ما اعرفش الماركة - ب 240 جنيه
فسألت واحد كهربائى شكله بيفهم فى شامبليون نسيت اسمه بقلوله على حصل - قاللى ممكن الموبينة - ممكن المشط قلتله مافيهاش مشط - قاللى ممكن الكنتاوكت و ممكن حساس الكرنك لغاية الكلمة دى افتكرت حاجة و انا مروح امبارح لمبة الموتور نورت ثانية وطفت على طول بس ماحتطش فى دماغى
خدت ديلى فى اسنانى و روحت بالمترو و جنب البيت جبت كهربائى قعد يلعب شوية و شاف ان الكهرباء وصله لفيش الموبينة و بتقطع اول ما اجى اشغل العربية
فكينا فيشة حساس الكرنك اللى فوق لقيناها ملينة صدأ لونة اخضر اديناها WD40 لما عميناها - مارضيتش تدور برضة - قللى كده موبينة قلتله طيب نجرب تانى
هوب - هيييييييييييييييييييييييي يه دارات و لمبة Check Engine منوره و شوية و راحت طافية و الموتور ابتدا يتظبط
و خدت بعضى و قلت الحمد لله
و انا جاى نازل على المكتب هوب المبة نورت الثانية وراحت طافية تانى بس حسيت ساعتها ان العربية هاتبطل
دلوقتى اللى عندى ده حساس كرنك و ده سعره كام لأنى سمعت انه ب 325 جنيه و لا عيب تانى
و باظ ليه وايه اسباب بوظانة
عذراً للأطالة و اللى مش هيرد عليا هاخاصمه

___________
تم إضافة لينك الموضوع إلي المواضيع الهامة في قسم اوبل
مشرف القسم