الموضوع: سيفيا

السلام عليكم انا معايا سيفيا 2000 مانيوال
فيها كام مشكله
اولا لما اقف بالعربيه والموتور داير العربيه فيها رجه جامده جدا ولما اشغل التكيف بيحصل زلزال جامد جدا
ثانيا اطلع على الاول كأنى راكب معزه بتسحب بالعافيه لكن بعد التانى بتطير
ثالثا التكيف بياخد حوالى تلت عزم العربيه يعنى لو شغلته وانا ماشى كأنى حملت 500 كيلو على العربيه
رابعا زهقت من الفرامل كل شويه طنابير و تيل دى كورى ودى المانى ودى صينى وتقعد 5000 كيلو كويسه و بعدها رفه فى الفرامل و رجرجه فى الدركسيون مع الفرامل
وللعلم انا غيرت طقم دبرياج شكمان كامل بوجيهات وسلوك كتير
كل السيور
لو حد يعرف دكتور بيفهم فيها و يعلجهالى لانها عزيزه عليا وصعب ابيعها
هيا عربيه بنت ناس اوى و صراحه فابريقه وزى الفل و صعبان عليا تعبها اوى

فعلا العفشجى قاللى على الطنابير ال برومبو بس من زهقى قلت زيها زى غيرها
شكرا على توجيهاتك وربنا يباركلك فى عربيتك