الزفة ومفتاح الانتظار

**shefa** · 13-02-2009 01:14 AM

السلام عليكم أعضاء المنتدى الكرام امبارح كنت فى زفة واحد صاحبى عقبالكم جميعا المهم فضلت مشغل الانتظار طول الزفة يعنى تقريبا حوالى نصف ساعة المهم بعد ما الزفة خلصت اكتشفت ان الانتظار وكمان الاشارات مش شغالة روحت للكهربائى وفك التابلوه وجد ان مفتاح الانتظار فيه طرف ضرب وباظ قولت ليه اروح اشترى واحد قالى مش هتلاقى المهم عمل تعديل وهو ان الاشارت تشتغل من غير الكونتاكت وطبعا الانتظار كده كده كان بيشتغل من غير الكونتاكت بس النور الاحمر بتاع مفتاح الانتظار اختفى واكتشفت الكلام ده باليل فهل حد عنده تفسير للحكاية دى وهل ممكن يكون النصف ساعة اللى شغلت فيهم الانتظار هما اللى بوظوا المفتاح زى ما الكهربائى قاللى والمفتاح ده بيتباع ولا لق ولو بيتباع بكام ومنين العربيه لانوس 2000 هاف اوبشن ولكم جزيل الشكر والتقدير

**shefa** · 13-02-2009 03:15 AM

يعنى يا جماعة 16 واحد شاف الموضوع ولا حتى اى رد عموما متشكرين بس هستنى عمالقة الدايوووو برد وا هما اللى هيفيدونى

**أبو ياسين** · 13-02-2009 04:15 AM

المشاركة الأصلية كتبت بواسطة shefa

يعنى يا جماعة 16 واحد شاف الموضوع ولا حتى اى رد عموما متشكرين بس هستنى عمالقة الدايوووو برد وا هما اللى هيفيدونى

اصبر متستعجلس
انا عن نفسى اسف مش هاقدر افيدك
لا انا عارف المفتح باض ليه و لا عارف تجيبه منين

**samirayad** · 13-02-2009 08:13 AM

المشاركة الأصلية كتبت بواسطة shefa

السلام عليكم أعضاء المنتدى الكرام امبارح كنت فى زفة واحد صاحبى عقبالكم جميعا

ربنا يسمع منك....بس خليها فى سرك

المهم فضلت مشغل الانتظار طول الزفة يعنى تقريبا حوالى نصف ساعة المهم بعد ما الزفة خلصت اكتشفت ان الانتظار وكمان الاشارات مش شغالة روحت للكهربائى وفك التابلوه وجد ان مفتاح الانتظار فيه طرف ضرب وباظ قولت ليه

علشان ممكن يكون حصل سخونه على المفتاح...وعمر أفتراضى برضه وممكن توصيل مش جيد يعمل شرر داخلى ويعمل نقاط شرر وتسخين تبوظ المفتاح

اروح اشترى واحد قالى مش هتلاقى المهم عمل تعديل وهو ان الاشارت تشتغل من غير الكونتاكت

ماهو لازم يفكر كده علشان فيه علاقه كهربيه بين الأشارات والأنتظار

وطبعا الانتظار كده كده كان بيشتغل من غير الكونتاكت بس النور الاحمر بتاع مفتاح الانتظار اختفى واكتشفت الكلام ده باليل فهل حد عنده تفسير للحكاية دى

دى لمبة البيان بتاعة مفتاح الأنتظار وطبعا مش حتنور علشان المفتاح ملغى دلوقتى

وهل ممكن يكون النصف ساعة اللى شغلت فيهم الانتظار هما اللى بوظوا المفتاح زى ما الكهربائى قاللى

ممكن ونص للأسباب الل قولتهالك فوق

والمفتاح ده بيتباع

ممكن تلاقيه عادى

ولا لق ولو بيتباع بكام ومنين العربيه لانوس 2000 هاف اوبشن ولكم جزيل الشكر والتقدير

أسأل عند بتوع قطع الغيار فى محل أقامتك والجميع أكيد حيدلك......وأعتقد الثمن مش حيزيد عن 30 جنيه بكتيره.........وعقبالك مانجىء ونزفك بس من غير منبوظ حاجه......

**shefa** · 13-02-2009 06:20 PM

الف شكر يا باشا على الرد وكنت متوقع الرد من حضرتك على فكرة انا محل اقامتى العريش يعنى سيناء وطبعا بالعافية بلاقى الفيوزات فممكن اسأل فى بورسعيد او المنصورة (محل الميلاد) وان شاء الله لازم اعزم كل أعضاء المنتدى الكرام على فرحى وانته أولهم وشكرا مرة تانية

**samirayad** · 13-02-2009 06:24 PM

المشاركة الأصلية كتبت بواسطة shefa

الف شكر يا باشا على الرد وكنت متوقع الرد من حضرتك على فكرة انا محل اقامتى العريش يعنى سيناء وطبعا بالعافية بلاقى الفيوزات فممكن اسأل فى بورسعيد او المنصورة (محل الميلاد) وان شاء الله لازم اعزم كل أعضاء المنتدى الكرام على فرحى وانته أولهم وشكرا مرة تانية

أنا جنبك على طول وأول واحد حيجيلك أن شاء الله......عموما مفيش أى ضرر من الأستمرار على الوضع الحالى لحين العثور على مفتاح الانتظار المطلوب.............تحياتى لك

**abzoabzo** · 14-02-2009 12:00 PM

اكيد هتلقى واحد استيراد

**ahmedezzat78** · 14-02-2009 12:06 PM

انا غيرت المفتاح بواحد جديد اصلى ب 40 جنيه من شارع دمشق

اللى عندك كده حل مؤقت لغايه ما تنزل مكان فيه قطع غيار

**Akram** · 14-02-2009 10:30 PM

لو هتنزل بور سعيد فممكن تجيب المفتاح و الساعة كمان و يكونوا استيراد , أعتقد الإثنين مش هيعدوا 100ج ,
و بما إنك بتقول إن قطع الغيار قليلة في العريش فحاول تجيب الحاجات إللى ممكن تتزنق فيها ,
زي طقم فيوزات و السيور و غطاء الإربة الأصلي او بتاع الأوبل ,
و ممكن الناس برده تفيدك علشان متتزنقش و العربية تقف على حاجة بسيطة.

**tananybasha** · 14-02-2009 11:02 PM

حصلتلى فى الأوبل و المفتاح طار بس انا لما عرفت انه المفتاح و الكهربائى قاللى هظبطهولك قلتله شكراً و نزلت جبت مفتاح و بتاع قطع الغيار ركبه بأيده و جربة و تمام التمام

الموضوع: الزفة ومفتاح الانتظار

LinkBack

أدوات الموضوع

عرض

الزفة ومفتاح الانتظار - انشر الموضوع فى :

-

-

-

-

-

المواضيع المتشابهه

فتح باب الحجز الخامس .. لكـــيت (ريموت ومفتاح 2*1 ) نيسان صنى الشكل القديم

الانتظار!

بخصوص سرقة السيراتو ومفتاح البصمة ومفتاح العادة

cps الى متى الانتظار ؟ ؟

فكره جامده لتزيين عربيتك في الزفة

الكلمات الدلالية لهذا الموضوع

المفضلات

المفضلات

ضوابط المشاركة