| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 19

  1. #1

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي اعرف كل شيء عن التعديل من الالف للياء - Facebook Twitter whatsapp انشر الموضوع فى :

    hasad">

    هنتكلم النهارده عن خطوات التعديل من الالف للياء

    نبتدي بالموتور

    بص عشان تعدل اداء موتورعربيتك قدامك حلين
    1-تسقط موتور اكبر واقوي
    ود موفره اكتر بس المشكله في الورق بتاع المرور وحاله الموتور اللي هتسقطه وقطع الغيار ويستحسن الموتور يبقي بفتيسه وياريت بالعفشه بتاعته والفرامل بتاعته
    راجع الموضوع التالي
    http://www.nilemotors.net/Nile/showthread.php?t=32793

    http://www.nilemotors.net/Nile/showthread.php?t=46779

    2-تعدل الموتور اللي عندك وده كالاتي

    1-stroker kits

    ودي بتتم بأنك مثلا لو عندك موتور 1800 سي سي ممكن تخليه 2000 والعكس بتغيير عمود الكرنك مثال (موتور ال 504 ال 1800 والموتور ال2000)

    2-out bore

    ودي بيتم فيها تكبير الموتور بمعني انك بتركب بساتم اكبر عشان تزود السعه اللتريه

    3-go forced induction (اجهزه تزويد القدره )

    ودي زي التربوتشارجر والسوبر تشارجر والنايتروس والحاجات دي ليها قواعد معينه في تركيبها مثلا لو انت عايز تاخد اداء صح من موتورك بالتربو هتضطر تغير بعض الاجزاء الداخليه لموتورك وهتركب حاجات احسن وافضل بمعني هتغير الكرنك والبيلات بحاجات اقوي عشان تستحمل التربو وتغير البساتم ببساتم ذات ضغط منخفض

    4-exhaust
    ودي عباره انك بتعدل نظام العادم عندك بمعني كل ما مجاري العادم تكبر عندك العادم يخرج اسرع والموتور يتنفس احسن وده بيتم بأنك تركب مواسير ابر وهيدرز للشكمان عندك

    5-port and polish head
    ودي عباره عن انك تكبر مجاري الهواء والبنزين عندك (الصبابات ) ودي بتسهل عمليه دخول البنزين للموتور وعمليه خروج الهواء(العادم )

    6-engine
    weight reduction


    ودي بمعني انك تخفف وزن موتور العربيه وبتبقي بأنك تجيب مكونات من مواد اخف مثلا كرنك او فلام او بيلات اخف علشان تقلل الفقد في قدره المحرك

    7-engine fuel management
    طبعا بعد ده كله مخلوط البنزين والهواء هيحتاج يتظبط فهتضطر تعدل نظام حقن الوقود (الكربراتير ) وبتركب مكونات تانيه
    bigger injectors , reprogramable engine management unit , higher flow fuel pump , fuel regulator ,


    الجزء التاني وده مرحله متقدمه هيا انك تعدل في العريبه نفسها

    8- Drivetrain upgrad
    ودي بيتم فيها تعديل نظام الجر في عربيتك بمعني انك بتغير نسب التخفيض بتاعت الفتيس والكرونه حسب احتياجاتك لو عايز عزم اعلي او سرعه اعلي ودي بيسموها gear ratio وممكن كمان تستعمل short shift kit ودي عباره عن تعديل لعصايه الفتيس علشان يبقي مشوارها قصير (الثانيه بتفرق في السباقات ) وممكن كمان تركب اسطوانه وديسك رياضي

    9-difranssel upgrade
    ودي بالنسبه للعربيات الدفع الخلفي ودي بتتم عن طريق تركيب كرونه لوك ودي بتبقي كرونه العجلتين فيها بيلفوا مع بعض وبنفس السرعه والقوه وبيبقي لها نسب مختلفه وممكن تعرف الرونه اللي في عربيتك لوك ولا لا عن طريق انك ترفع العجلتين الللي وراء وتمور الفتيس وتلف عجله من الاتنين لو لفوا مع بعض في نفس الاتجاه تبيق كرونه لوك لو لفوا عكس بعض يبقي مش لوك

    10-suspension
    ودي بقي تعديل نظام التعليق او العفشه وبتتم عن طريق انك تركب مساعدين وسوست رياضي ودي بتدي ثبات اعلي وبتوطي العربيه عشان مركز الجاذبيه عشان الثبات وممكن كمان تركب بارات في الكبوت والشنطه والعربيه من تحت عشان الشاسيه وممكن كمان تركب camber plates ودي لازمتها انها بتظبط زوايا العجل عشان السباقات وكده وممكن تركب علبه دريكسيون تاني

    11-Brakes
    تعديل الفرامل عشان تعرف توقف العربيه عشان بعد ماتديها القوه دي مش هتعرف توقفها وبيتم عن طريق انك تركب قطع مخصوصه performance parts

    12-tires & rims
    طبعا بتركب كاوتش عريض وجنوط اكبر ولازم تكون خفيفه عشان الوزن


    نيجي للمرحله الاخيره ودي مرحله متقدمه اوي اوي اوي

    weight reduction
    طبعا بتخفف وزن العربيه عشان كل ما العربيه تخف هتبقي اسرع لان الموتور هيبقي بيجر وزن اقل وبيتعمل فيها الاتي

    تشيل كل حاجه مالهاش علاقه بالاداء في عربيتك (تكييف- كاسيت- استبن -الكنبه اللي وراء)
    تغير الزجاج بحاجه اخف اسمها plexi or macrolon
    تغير الصاج كله من رفارف وشنطه وكبوت وخلافه بحاجات مصنوعه من ماده اسمها كاربون فايبر عشان تبقي خفيفه جدا
    بتغير الكراسي اللي قدام بكراسي رياضي (ريكارو مثلا )وبتبقي اخف
    تلعب في الضفيره وتشيل كل السلوك والتوصيلات اللي مالهاش لازمه
    حتي اللباد الحراري بتاع العزل تشيله


    styling

    وده بيتم فيه انك تشيل كل حاجه مش انسيابيه عندك وتركب حاجات انسيابيه مكانها عشان مقاومه الهواء للعربيه

    امثلة للتعديلات والكلام اللي اتكلمنا عنه (الامثله منقوله من احد مواضيع الاستاذ محمد ممدوح ):

    فلتر رياضى


    هدر


    سوست و مساعدين رياضية


    strut bar


    طنابير فرامل مخرمة


    دبرياج رياضى


    تربو


    NOS


    جنوط اكبر من الاصلى/اخف من الاصلى


    كاوتش اعرض من الاصلى/معامل تماسك اعلى (traction)


    شداد شاسية


    مواضيع للأستزاده

    كده انت عدلت عربيتك من الالف للياء ومفيش حاجه تاني تتعمل علي فكره الكلام ده مش كله كلامي فيه حاجات فيه من علي النت وانا مترجمها

    مع تحياتي /أسلام البنا



  2. #2

    الصورة الرمزية mrpop007

    رقم العضوية : 63415

    تاريخ التسجيل : 26Feb2010

    المشاركات : 1

    السيارة[2]: 128

    الحالة : mrpop007 غير متواجد حالياً

    افتراضي -

    موضوع جامد
    بس ممكن اسأل سؤال
    عاوز اجيب جنوط لعربيتي 128
    اجيب مقاس كام 13 ولا 14
    ومنين أنا ساكن في الهرم
    ممكن تقولي علي واحد أجيب منه وبكام
    وشكرا


  3. #3

    الصورة الرمزية mo7amed3afifi

    رقم العضوية : 39910

    تاريخ التسجيل : 09May2009

    المشاركات : 244

    النوع : ذكر

    الاقامة : شبرا الخيمة

    السيارة: COROLLA 2007 A/T

    السيارة[2]: B M W (E36) 1992

    دراجة بخارية: vespa 150 cc Italy

    الحالة : mo7amed3afifi غير متواجد حالياً

    افتراضي -

    تسلم يا كبير علي الموضوع الجامد ده

    سبحان الله وبحمده
    سبحان الله العظيم
    "لا تدع النت او اللعب يلهيك عن الصلاة
    "


  4. #4

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    اقتباس المشاركة الأصلية كتبت بواسطة mrpop007 مشاهدة المشاركة
    موضوع جامد
    بس ممكن اسأل سؤال
    عاوز اجيب جنوط لعربيتي 128
    اجيب مقاس كام 13 ولا 14
    ومنين أنا ساكن في الهرم
    ممكن تقولي علي واحد أجيب منه وبكام
    وشكرا
    انسب مقاس مقاس 13 وهو المقاس الاصلي للعربيه وماتحاولش تركب مقاس اكبر علشان هيأثر علي العفشه وهيتقل العربيه جامد معاك


  5. #5

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    اقتباس المشاركة الأصلية كتبت بواسطة mo7amed3afifi مشاهدة المشاركة
    تسلم يا كبير علي الموضوع الجامد ده
    متشكر ياباشا علي المشاركه والرد


  6. #6

    الصورة الرمزية moh19227

    رقم العضوية : 57005

    تاريخ التسجيل : 26Dec2009

    المشاركات : 1,412

    النوع : ذكر

    الاقامة : El Minya

    السيارة: بردو لسا

    السيارة[2]: لسا

    دراجة بخارية: لا يوجد

    الحالة : moh19227 غير متواجد حالياً

    افتراضي -

    شكراا على الموضوع الجميل ده

    تحيااااااااااتي


  7. #7

    الصورة الرمزية م.أحمد_حماد

    رقم العضوية : 55173

    تاريخ التسجيل : 08Dec2009

    المشاركات : 268

    النوع : ذكر

    الاقامة : October

    السيارة: لايوجد

    السيارة[2]: OPEL Vectra A 2.0 cc M\T

    دراجة بخارية: لا يوجد

    الحالة : م.أحمد_حماد غير متواجد حالياً

    افتراضي -

    موضوع جامد جدا و خصوصا أن كل الشباب تحب تعمل دا بس نسيت حضرتك البوجيهات و السلوك بتعتها و (الإتشبات) شرائح الكنترولو الفلاينج دورز- الأبواب الطائره.
    بس فيييري نيس


  8. #8

    الصورة الرمزية Ahmed_lol2007

    رقم العضوية : 41669

    تاريخ التسجيل : 02Jun2009

    المشاركات : 1,863

    النوع : ذكر

    الاقامة : Giza

    السيارة: لا يوجد حاليا

    السيارة[2]: Ford Focus 1.6 2006

    دراجة بخارية: بدور على هوندا 250 او 400

    الحالة : Ahmed_lol2007 غير متواجد حالياً

    افتراضي -

    تسلم إيدك يا إسلام باشا بجد موضوع رائع

    أرجو من جميع الأعضاء قراءة هذا الموضوع
    مفاجأة عبدالله أوبل ........ هام (أرجو الدخول من الجميع)
    http://www.nilemotors.net/Nile/249572-a.html


  9. #9

    الصورة الرمزية ahmedtunning

    رقم العضوية : 70235

    تاريخ التسجيل : 10May2010

    المشاركات : 729

    النوع : ذكر

    الاقامة : ambaba

    السيارة: VW GOLF 2

    السيارة[2]: Seat Ibiza VR6

    دراجة بخارية: nooooo

    الحالة : ahmedtunning غير متواجد حالياً

    افتراضي -

    موضووووووع بجد جامد جدا


  10. #10

    الصورة الرمزية kasten

    رقم العضوية : 32619

    تاريخ التسجيل : 10Feb2009

    المشاركات : 2,217

    الاقامة : El Haram

    السيارة: ___

    السيارة[2]: Golf 1

    الحالة : kasten غير متواجد حالياً

    افتراضي -

    hasad">

    موضوع ممتــــــاز
    تسلم ايدك



 
صفحة 1 من 2 1 2 الأخيرةالأخيرة

المواضيع المتشابهه

  1. بشد عربية من الالف للياء 128 3p
    بواسطة Mina Mody في المنتدى ورشـــة نــايل مــــوتـــورز
    مشاركات: 12
    آخر مشاركة: 25-10-2018, 01:30 PM
  2. المطلوب : طريقة تظبيط ال 128 من الالف للياء
    بواسطة eng.m7md.ali في المنتدى فــــيات
    مشاركات: 18
    آخر مشاركة: 31-03-2012, 08:22 PM
  3. تعلم ميكانيكا السيارات من الالف للياء
    بواسطة khaled_bibo في المنتدى ورشـــة نــايل مــــوتـــورز
    مشاركات: 2
    آخر مشاركة: 06-08-2010, 02:58 AM
  4. تعديل بيجو 205 من الالف للياء
    بواسطة Nour_Peugeot في المنتدى تعـــديل الســـيارات و الإضافات
    مشاركات: 3
    آخر مشاركة: 22-07-2010, 04:23 AM
  5. *****سيارات الفورميلا وان من الالف للياء بالصور*****
    بواسطة islambana في المنتدى المنتــــــدى العـــــــــــام للسيــارات
    مشاركات: 30
    آخر مشاركة: 15-10-2008, 04:57 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2