تسارع الهيونداى I30 من 0-100 "فيديو" فى حوالى 10 ثوانى اوتوماتيك ( من تصويرى )
السلام عليكم
النهاردة قلت احسب التسارع بتاع العربية و اشوف اية الأخبار انا حسبتة قبل كدة و كان حوالى 11 ثانية بس دة كان معايا واحد فى العربية فا النهاردة جربت تانى و كنت لوحدى فى العربية و جربت طريقة تخلى الأنطلاق اسرع بالنسبة للأوتوماتيك لأنك مينفعش تعلى ال RPM قبل ما تطلع لازم تطلع و ال RPM على 1 تقريبا و بشوفهم بيعملو كدة فى البرامج ( Top gear و Fifth gear ) عن طريق انك تدوس فرامل برجلك اشمال و بعدين تدوس بنزين برجلك اليمين و بسرعة تسيب الفرامل علشان متحملش على الجيربوكس و بكدة بتحصل على انطلاق اسرع شوية
و كان الهواء محايد تقريبا لأنة كان جى فى جمب العربية و كنت انا لوحدى فى العربية و الطريق كان مستقيم 100 % مش مايل ولا حاجة و اخترت ارض تكون مفيهاش رملة علشان العربية متفركش و هية طالعة لأن دة الى حصل المرة الى فاتت و حسيت انى ضيعت وقت فى الفركة دية و البنزين المستخدم كالعادة 92 و الحمد لله جابتها فى تقريبا 10 ثوانى او ازيد سنة بسيطة جدا مع العلم ان العربية اوتوماتيك
اسيبكم مع الفيديو انا عملتلة ابلود على Youtube علشان يبقى اسهلكم تشوفوه و الناس كلها تشوفة
http://www.youtube.com/watch?v=3JGckeO3Yr4
:S_thum1[1]::S_thum1[1]::S_thum1[1]::S_thum1[1]::S_thum1[1]:
و مستنى تعليقاتكم و شكرا