انا لاحظت ان عربيات كتير قوي في مصر وجديدة للأسف ومسروق منها طاسة ولا اثنين فحبيت اعمل استطلاع
1 - لم تسرق مني اطلاقا
2 - اتسرقت مني مرة واحدة
3 - اتسرقت مني اكثر من مرة
وياترى اذا اتسرقت منك بتعمل ايه بتشتري غيرها ولا بتستسلم وتخليها من غير طاسات
وياترى مافيش حل غير انك تجيب رنجات بدل الطاسات
الحمد لله ماتسرقتش قبل كده بس هما كانوا بيقوعوا واحده ورا التانيه...
بيقعوا بس لسه هايتسرقوا قريب
الحمد للة لسة متسرقتش
اتسرقت منى واحدة وانا راكن العربية قدام البيت وطبعا اشتريت اربعة جداد غصب عنى حسبنا الله ونعم الوكيل وكمان الاشارة الجانبية اللى بتكون راكبه على الرفرف
اتسرقت مني مرة واحدة
كانو بيقعو لغاية مجنط اسبور
قبل كده اتسرقت منى الفردة الاستبن من جوة شنطة العربية....
الباشا اللى فتح الظاهر كان مزنوق فيها... عشان كان فيه عدة مفكات كاملة والكوريك اللى بيشتغل بضغط الزيت ( الأحمر ) فى علبته ومجموعة زجاجات زيوت وعلبة بوجيهات مقفولة وكابلات شحن البطارية لو نامت وغطاء العربية وجركن كبير حديث ليه خرطوم عشان لو العربية قطعت منى بنزين ( من اللى بيتابعوا فى كارفور دول ) .. كل ده كان موجود فى الشنطة واتساب زى ما هو...
حرامى غشيم :whtauwant:
طبعا أنا باهزر..... الحمد لله انه عمى عينيه عن الحاجات ديه... صحيح هى جت فى التقيلة بس ربنا يعوض على... يعنى لو كنت بلغت كان ايه اللى حصل يعنى :majd(2):
فعلا انا لاحظت عربيات كتييييييييييييييييييييييي ر ماشية من غير طاسات
امال الناس الى بتسرقها بتركبها فين ؟؟؟؟؟؟؟
انا الحمد لله الطاسات بالمسامير ولسة متسرقتش
انت حاطط كل الحاجات ديه في الشنطه... ما شاء الله... :k49:اقتباس:
المشاركة الأصلية كتبت بواسطة yehia
من الحاجت الحلوة فى الفيرنا ان الطاسات بيتربط عليها بنفس المسامير اللى بتقفل على الجنط نفسه ... ( انا اقصد الجنط الحديد الأصلى بتاعها طبعاً )
و بكدا صعب انها تقع او تتسرق :)
فضلو يتسرقو لغايت مبقاش غير وحدة فشلتها ومخليها كدة كدة احسن واوفر هجيب جنوت
بتبقي حلوه فعلا الطاسات اللي بتركب مع المسامير بتاعت الجنط... بس فيه مشكله ان ساعات بتاع الكاوتش و هو بيربطهم لما يتك عليهم جامد يروحوا مكسورين... حصلت معايا قبل كده...
مهو عشان كدة لازم تقعد على ايد الصنايعى :majd(2):اقتباس:
المشاركة الأصلية كتبت بواسطة karimone
احسنت التصرف واللهاقتباس:
المشاركة الأصلية كتبت بواسطة tamertamer
ممتاز طبعا ياريت كل الشركات تعمل كده مش هيكلفهم حاجةاقتباس:
المشاركة الأصلية كتبت بواسطة SuccessCre8or
ولا يمكن مش عاملين حسابنا معاهم
انا عندى طاسة نيكل اتسرقت و الحل انى شلت الباقى
لأ .. حضرتك الفكرة مش فظيعة اوي يعنى غير لبدلنا ...اقتباس:
المشاركة الأصلية كتبت بواسطة albasha37
لأن طبعا مفيش دولة فى العالم بيتسرق فيها الطاسات عشان كدا مش عاملية حسابهم ... زي العلامات اللى على العربية نفسها ...
ربنا معنا و معاكوا
خلاص ياإما يلغوا الطاساتاقتباس:
المشاركة الأصلية كتبت بواسطة SuccessCre8or
ياإما نبعتلهم شوية من حرامية الطاسات
أنا مرة في شهر رمضان كنت بافطر عند ناس و نزلت بعد الفطار علطول عشان كان ورايا مشوار لقيت الأربع طاسات مسروقين ,
و اللي يغيظ إن كان قاعد قريب جدا من العربيه ميكانيكي بسأله قاللي ماشفتش حاجه , و طبعا معرفتش اخد منه حق و لا باطل
يمكن لو كان المفتش كرومبو موجود أياميها كان عرف يجيبهملي !!
لا سعادتك لبنان برضك بتتسرق فيها الطاساتاقتباس:
المشاركة الأصلية كتبت بواسطة SuccessCre8or
و الدليل: أغنية الفور كاتس الشهيرة
نحنا منسرق يالساحات و منسرق طاسات
و بنقضي الليالي دكات و رعبات
نحنا منفارقنا طاسي و بتذيع الاخبار
من الناس بتدعي علينا تحرقنا النار
و كبار السراقين قاعدين و مرتاحين
عميسرحوا و يمرحوا و بيمضوا الصفقات
:POINTI~2[2]:
ههههههههاقتباس:
المشاركة الأصلية كتبت بواسطة A_H_M_A_D
في رمضان
هو تلاقيه فطر وبعد مافطر حب ياخد الحلو
ف حلى بالطاسات بالهنا والشفا
انا ريحت دماغي و ركبت جنط