الموضوع: يا صيادلة المنتدى.. هو صحيح الصيدليات كلها هاتقفل؟

- مبيعاتها فى اليوم 3000 بحد اقصى، و ده رقم كبير على كتير من صيدلات الأرياف
- يبقى فى الشهر هيبيع ب 90000
- لو فرضنا انه هيعمل اكبر هامش ربح محدد للدواء، اللى هو 15%، مع ان اغلب الأدوية هامش ربحها مش اكتر من 10%
- يبقى صافى ربحه فى الشهر 13500
- بيدفع 4500 مرتبات ل 2 دكاترة صيادلة و 4 عمال فقط على الأقل غير شغله هو و ابنه فى الصيدلية و لازم العدد ده كله علشان اغلب المبيعات عبارة عن باكو فوار و بربع جنيه اسبرين و الخ الخ، يعنى محتاج عمالة كثيرة لمبيعات قليلة القيمة.
- بيدفع كهرباء و مياه و ايجار حوالى 2000 جنيه
- بيدفع حوالى 2500 جنيه ضرائب فى الشهر حسب الاتفاقية اللى عاوزين يلغوها
- هنفرض انه بيتسرق منه على الأقل 500 جنيه فى الشهر

يبقى دخله هو و ابنه فى الشهر حوالى 4000 جنيه، مش هتناقش الدخل ده كويس ولا وحش، كل واحد ادرى بحاله، بس ايه رأيكم؟ عايش فى يغمة ولازم نضاعف عليه المصاريف و الضرائب؟

على نفس الحسبة دي
لما الصيدلية ها تمسك دفاتر حسابات نظامية
كل تكاليفه المذكورة هتدخل ضمن المصروفات
وبالتالي مش ها يدفع ضرايب الا على صافي الربح بعد خصم كل التكاليف والمصروفات المؤيده بالمستندات
يعني لو افترضنا انه دخلة الاجمالي السنوي(اجمالي المبيعات) 1،080،000 جنيه مصري يعني اجمالي الربح (15% من المبيعات ) يساوي رقم 162،000
يخصم منه اجمالي المصروفات السنوية (وفقا لحساباتك) بس ممكن تبقى اكتر من كده بكتير لان يخش فيها بنود كتير قوي غير المكتوبه زي الايجار والاهلاكات والانتقالات وخلافه
بس قول هتبقى 100،000
يعني صافي الربح الخاضع للضريبة هيبقى 62000 جنيه
ياخد اعفائته الطبيعية زي اي مواطن في البلد
يبقى الربح الخاضع للضريبة تقريبا مبلغ 50000 جنيه
يعني هيدفع ضرايب في السنه حوالي 8200 جنيه
في الشهر حوالي 700 جنيه
زيه زي اي موظف في البلد

الموضوع باختصار اننا لم نفهم بعد معنى الديمقراطية وطريقة ممارستها - المشكلة بين اصحاب مهنة ومصلحة الضرائب - وفيه قانون ينفذ على الجميع - لاننا عايشين فى دولة - ولابد من نكون متحضرين فى تناول مشاكلنا والبحث عن حلول لها 000 بمعنى ان الصيادلة لهم نقابة ومهمتها الدفاع عن مصالحهم فى اطار القانون والنظام وهى المنوطة ببحث موضوع الضرائب مع المصلحة او مع وزارة المالية لكن ان تدعو للاضراب فهذا خطأ كبير جدا - ولايغتفر - فى حق المرضى والشعب بصفة عامة - والموضوع لن يحل بالقوة أو فرض الرأى فنحت نعيش فى دولة لها قانون وسيادة وارجو ان تشاهدوا على الطبيعة الصيدليات وكيف اصبحت عبارة عن محلات للوازم المكياج والبارفانات ولعب الاطفال والدباديب لدرجة انه عندما تدخل الصيدلية لا يلفت نظرك اى ادوية او شىء يدل على انها صيدلية كما كان فى الماضى 000
واصبحت موضة هذه الايام كل نقابة او مهنة ترغب فى تشريع خاص بها يضع على راسها ريشة بين فئات المجتمع الاخرى 000 شىء عجيب وغريب 00
الصحفيين - قانون الحبس
الصيادلة - قانون الضرائب
اذا فليلغى القانون وكل فئة تشرع لنفسها 000
سؤال - هل يمكن للمرضى أن يقوموا باضراب لارتفاع اسعار الدواء والعلاج والمستشفيات ويمتنعوا عن العلاج 0000
يا أيها الصيادلة افتحوا الصيدليات الآن لتوفروا الدواء للمرضى حتى لا يغضب الله عز وجل منكم 0000 وليسامحكم الله فيما فعلتم 0000