استاذ حسام
مثال حضرتك غير واقعى بالمرة ولا ينطبق على 80% من الصيدليات
واسمحلى اديلك مثال تانى لصيدليتين اشتغلت فيهم بعد التخرج من سنة فاتت .
كان اجمالى مبيعات اليوم مابين 300 الى 500 جنية فى اليوم
بحسبة بسيطة هتلاقى ان المكسب خلال شهر هو 2400 , اخصم سيادتك الايجار و الماء والنور و مرتب مساعد الصيدلى و الصيدلى الثانى هيتبقى اقل من 1500 جنية هما المكسب الحقيقى لصاحب الصيدلية قبل الضرائب
اكيد حضرتك بتسأل نفسك الصيدلية دى فى قرية اية؟ ولا نجع اية حتى ؟ بس احب اقولك انها صيدلية فى مدينة فما بالك بصيدليات القرى؟!!!!
بالنسبة للبية صاحب المشاركة 34 و 43 فسيادتك الجهل لامثالك نعمة , ويكفينى انك لم تكلف نفسك عناء البحث عن سبب المشكلة و اكتفيت بسب جميع الصيادلة بالتالى اقل ما توصف بية هو السلبية والامبالاة
اما الاعضاء الى بيقولوا ان الصيادلة بتهربوا من الضرائب او طالبين معاملة خاصة فأحب اوضحلكم ان الصيادلة ميقدروش يتهربوا من الضرائب اساسا لسبب بسيط جدا هو ان مفيش قشاية بتدخل الصيدلية الا بفاتورة بعكس اصحاب المهن الحرة زى الطبيب و المحامى ..الخ الى بتدفع لهم مقابل الكشف او اتعاب القضية مثلا مقابل لاشئ لا وصل ولا فاتورة ولااى حاجة تثبت انك اتعاملت معاهم اصلا
وبعدين لب المشكلة ان اشرف العربى رئيس مصلحة الضرائب لغى الاتفاقية الى بين الضرائب و النقابة و بأثر رجعى من سنة 2005 !!! و كمان رافض التفاهم فهل دة معقول تطالبنى بضرائب من 4 سنين فاتت , واضح ان سيادتة كان نايم فى العسل .
بغض النظر عن طريقة الصيادلة فى المطالبة بحقهم فمش معقول انكم تشوفوا الصيادلة بيدبحوا و تزعلوا لانهم بيقولوا اةة !! ولا المطلوب اننا ندخل السجن لله و للوطن
المفضلات