يا صيادلة المنتدى.. هو صحيح الصيدليات كلها هاتقفل؟

**OlaOsman** · 13-02-2009 01:30 PM

سمعت عن خلافات بين وزارة المالية و نقابة الصيادلة بخصوص فرض ضرائب على الصيدليات بأثر رجعي أو حاجة زي كده.

يا ريت اللي عنده معلومات عن الموضوع ده من صيادلة المنتدى ينورونا.

**memohamada** · 13-02-2009 03:43 PM

النهاردة فى اجتماع طارئ فى النقابة عشان يشوفوا هيعملوا اية فى موضوع الضرائب بس لسة مفيش اخبار

عموما احب اطمنك نقابتنا اخرها تشجب و تستنكر و تتوسل اكتر من كدة مفيش و البركة فى نقيبنا د/ذكريا جاد

**mohmd76** · 13-02-2009 05:06 PM

موضوع قديم واعيد فتح ملفه لان اغلب الصيدليات تبيع كلينيكس وعطور وحفاضات اطفال وهذا خارج نطاق الدواء فى نظر الضرائب
وبالتالى تطالبهم بضرائب على هذه الاشياء

**نور العمر** · 13-02-2009 05:08 PM

معلش .... مصلحة الضرائب اتجننت ... الدور على الأطباء
متعرفوش إنكوا لازم تعملوا فواتير مقابل الكشف .... وإلا :k26:
أراهن ......... زوبعة والموضوع حيتلم ....

**OlaOsman** · 13-02-2009 10:39 PM

خلاص طيب يبقى الصيدليات تبطل بيع أدوات تجميل و تخليها دوا بس و هي تتحل.. و لا ايه؟

**نور العمر** · 13-02-2009 10:51 PM

المشكلة مش في أدوات التجميل .... هما ليهم نظام خاص لأنهم مبيعتبروش تجار ... بيعتبروا موزعين بالعمولة ... وليهم وضع خاص في الضرائب .... ولازم يتمسكوا بموقفهم بحزم ... لأن ما ينفعش يطبق قرار فجأة وبأثر رجعي
ده اتفاق تحاسبي يعني مش تعليمات منفردة من جانب المصلحة ... ده اتفاق المصلحة طرف من اطرافه
هيـــــــــــــــــــــــ ــــــه دنيــــــــــــــــــــــ ــــــــــا

**Dr.A.Nabil** · 13-02-2009 10:59 PM

المشاركة الأصلية كتبت بواسطة mohmd76

موضوع قديم واعيد فتح ملفه لان اغلب الصيدليات تبيع كلينيكس وعطور وحفاضات اطفال وهذا خارج نطاق الدواء فى نظر الضرائب
وبالتالى تطالبهم بضرائب على هذه الاشياء

عفوا أخي العزيز
كلامك غير صحيح بالمره وأرجو من حضرتك التاكد من المعلومات قبل وضعها لأن الموضوع مالهوش صله لا من قريب ولا من بعيد لا بالمناديل ولا بالبامبرز

الموضوغ كالاتي:

عند وضع قانون الضرائب الجديد المعمول به من سنة 2005
تم الاتفاق بين نقابة الصيادله ومصلحة الضرائب على اسس التي سيتم محاسبة الصيدليات وكيفية دفع الضرايب.. على اعتبار الصيدليه مشروع صغير..
والصيدلي بيقدم اجمالي مسحوباته من شركات الدواء بخطابات رسميه من الشركات توضح اجمالي المسحوبات خلال العام
ومنها بيحسب الصيدلي ارباحه ومصاريفه وقيمة الضرايب

وتم العمل بهذا الاتفاق حتى جاء رئيس المصلحه الجديد اشرف بيه العربي
الذي ألغى الاتفاق وقرر معاملة الصيدليات على انها مشروع كبير وملزمه بامساك دفاتر
7 دفاتر مش عارف دفتر مصروفات وايرادات وموظفين ومش عارف ايه تاني كده حاجات كتيييير...
وده طبعا شيء صعب جدا لأن مشروع صغير وأقوم باداره الصيدليه لوحدي..

والرئيس الجديد بيطالب انك تكتب كل حاجه صغيره وكبيره في الدفاتر..
وطبعا الدفاتر دي بتكون في الشركات والمؤسسات الكبرى وليس المشاريع الصغيره..

الأسوأ من كده انه بيطالب بتقديم الدفاتر بأثر رجعي من 2005 والا سيتم تحويل الصيادله الى التهرب الضريبي

-انا حضرت الجمعيه العموميه واتخذنا عدة قرارات للضغط على رئيس المصلحه ووزير الماليه
وان شاء الله هايكون فيه اضراب من يوم الاثنين

ودي صور انا صورتها من الوقفه الاحتجاجيه