أنا عن نفسي بحب الموضوع ده جدا وأول ما أركب العربية سواء لابس حذاء أو شبشب أقلعه على طول ، بحس كده إن رجلي وهي حافيه على الدواسات بمتعه وتحكم أكثر فيهم فهل ده مرض عندي مثلا ولا فيه حد زيي ؟؟؟؟
عرض للطباعة
أنا عن نفسي بحب الموضوع ده جدا وأول ما أركب العربية سواء لابس حذاء أو شبشب أقلعه على طول ، بحس كده إن رجلي وهي حافيه على الدواسات بمتعه وتحكم أكثر فيهم فهل ده مرض عندي مثلا ولا فيه حد زيي ؟؟؟؟
زمان اول ما تعلمت السواقة كنت باسوق حافى وقعدت مدة كدة لكن اكتشفت انها عادة لازم اغيرها وخصوصا انك لو لابس بدلة مثلا ومطقم ووقفت وعاوز تنزل من العربية .. حتلبس الجزمة فين فى العربية ولا لما تنزل رجليك .. شكلها وحش .. والحمد لله تغلبت على العادة دى ودلوقت باسوق بالجزمة .. وهى فى رجلى قصدى يعنى :lol: :lol:
مرض ايه لا سمح الله، أنا زيك بالظبط بس فى مشاوير الغردقة و الأقصر و أسيوط، غير كده بالبس جزمة خفيفة بقالها معايا 7 سنين :oops: :oops: :oops: للسفر فقط
انا لما باجي بسوق وانا لابس "عفواً (شبشب)" بحس ان في حاجة غريبة بس لما بسوق وانا "حافي" بحس ان في حاجة اغرب :D اصل انا كل الاحزية بتاعتي مقاسات كبير واوزان تقيلة :D فبحس ان في حاجة ناقصة من غيرهم :lol: .
انا مركب دواسات سبور فا اى جزمة او شبشب كبار لازم اقلعهم عشان اعرف اسوق... و فى الغالب السواقة بحذاء خفيف احسن عشان بيبقى عندك احساس اكبر بالدواسة تحت رجلك و مترهقش عضلات رجلك فى الحركة
MMamdouh
مرض ؟؟ أيه يا باشا الكلام ده .. اللى عندك ده لا مرض ولا حاجه على فكره أنا أول ما اتعلمت السواقه مكنتش بعرف أسوق غير حافى لكن واحد صاحبى قاللى مينفعش الكلام ده و نصحنى أخرج بالعربيه بالليل و الطريق فاضى عشان أتعود على السواقه و أنا لابس كوتش أو جزمه و فعلا عملت كده و دلوقتى مبعرفش أسوق و أنا حافى خالص .. المهم اللى أنا عايز اقولهولك الموضوع كله تعود حاول كده فى كام مشوار صغير تسوق و أنتا لابس حاجه فى رجلك عشان الموضوع ده ممكن يسببلك مواقف بايخه ممكن مثلا واحد صاحبك يندهلك و انتا بتسوق و المفروض انك تنزل من العربيه و تروح تسلم عليه هتعمل أيه ساعتها . جرب كده و تبقى قولنا عملت أيه :wink: :wink:
إيه يا عم إنت وهو الموضوع ده :) هههههههههههههه
أنا لا يمكن أعرف أسوق حافى أو حتى (شبشب) بيبقى وضع غير مريح بالمره طبعا
حاول تتعود يا إسلام تبطل الحوار ده عشان هايعملك مواقف بايخه
بالشبشب ماشي ساعات بتحصل اما حافي دي غريبة شوية
انا بقى مش فارقة معايا خالص باى حاجة بسوق او حافى بسوق برده :D :D :D
بما ان الموضوع قلب رجلين و كدة... حد جرب يفرمل بشمالة؟؟
MMamdouh