تصليح فواصل كوبري أكتوبر

**mo7a_mo7a** · 14-02-2009 02:40 AM

دا جازاتهم انهم سابوكوا تتفسحوا الاسبوعين اللي فاتو
مش كفاية بيصلحوا اللي النتم خربتوه؟
وبعدين الكبري ده مين اللي بناه مش انتم
زمين اللي اتحمل تكاليفه مش انتم
مين اللي بوطه مش انتم
وبعدين الحكومة بتصلح ومش عاجبكم

دا المفروض يعملوا عند كل كبري كارتة علشان يلموا حق التصليح
او يخلوا السير في وسط البلد بتذاكر
علي الاقل اهي فرجة علي السرك المصري الحلزوني

انتم مش مقدريين النعمة
دي الناس بتيجي من اخر الدنيا وتدفع فوس علشان يتفرجوا علينا

**PRO-DRIVE** · 14-02-2009 04:40 AM

المشاركة الأصلية كتبت بواسطة nabaster

هموووووووووووووت من الضحك علي التعليق ده

بس ليا طلب رفيع عن حضرتك

نفسي اعرف بتجيب صور توقيعاتك دي منيييييييييييييييين

نفسي اعرف دماغك ماشيه ازاي

هو لينك واحد بيعمل تغيير للصور :)

**NaderNabil** · 14-02-2009 09:54 AM

امبارح كنت في صلاح سالم اتجاه حلوان....و مطلع كوبري أكتوبر كان متوقف تماما...و ده معناه ان الكوبري بطوله كله واقف....
فما كان من السائقين الا انهم يرجعوا بضهرهم طول المطلع ده :):)
تخيلوا بقى الشكل عامل إزاي :)

**karimone** · 14-02-2009 09:57 AM

انا كمان كنت معدي من هناك... بس انا لاحظت انهم كانوا موقفين المطلع بس لان الكوبري من فوق كانت العربيات ماشيه عليه عادي...

هي عموما البلد كلها كانت زاحمه في كل حته امبارح

**OlaOsman** · 14-02-2009 10:33 AM

المشاركة الأصلية كتبت بواسطة karimone

انا كمان كنت معدي من هناك... بس انا لاحظت انهم كانوا موقفين المطلع بس لان الكوبري من فوق كانت العربيات ماشيه عليه عادي...

هي عموما البلد كلها كانت زاحمه في كل حته امبارح

و الدنيا تبقى زحمة يوم الجمعة لييييييييييه؟

هو عشق في الزحمة و خلاص؟ الناس شكلها كده ما بقتش تقدر تعيش من غير زحمة

**karimone** · 14-02-2009 10:42 AM

انا كنت مستغرب جداً امبارح من الزحمه...

علشان انا كنت نازل العتبه و بعد كده روحت النادي الاهلي في الجزيره و بعد كده رجعت علي مدينة نصر... انا طبعاً نازل و مش مدي خوانه ان الدنيا زحمه...

الشارع كان واقف من قبل النفق... النفق كان ماشي طبعاً بس بعد كده من وسط البلد لحد النادي كان الطريق صعب قوي

**tamer_samy** · 14-02-2009 10:43 AM

المشاركة الأصلية كتبت بواسطة aif

ده ممكن يبقى رد الدعفشاوي بيه مدير الادارة العامة لإدارة المديريات بتاعت قنطرة اكتوبر ( ده حاجة تخينة اوي في الحكومة )

يعني نسيب الكوبري بايظ ... مش عاجبكم
نصلح الكوبري عشان المقاول حبيبي يسترزق ..... مش عاجبكم
شعب مقرف ما يعجبهوش العجب ......
طب لعلمكم بقى ح نقفل الكوبري من غير ما نصلح حاجة لمدة 6 شهور عشان تتعلمو الادب مع اسيادكم
وكمان ح نبوظ المفصلات اللي لسة ما باظتش

جتكم البلاوي مليتو البلد

هي الشعب المصري كده ميعجوش العجب و لا الصيام في رجب
حسبنا الله و نعم الوكيل و ربنا يهدينا و يهديهم

**دينا أبوالعلا** · 14-02-2009 10:43 AM

والله يا جماعه بتهونو علينا مصائب الحياه بدمكو الخفيف
انا راجعه يوم الخميس من مدينه نصر قبل الاصلاح وكان الكوبري واقف برده رغم ان الاصلاح في الاتجاه التاني اصلا وخدت صلاح سالم فمش كل حاجه تجيبوها علي الاصلاح عادي بدل ما تقف ساعه هتقف ساعتين ايه يعني افتح الشبك واتعرف علي اللي جنبك واكلم معاه والوقت هايمر هوا متحبكوهاش بقي

**OlaOsman** · 14-02-2009 10:58 AM

المشاركة الأصلية كتبت بواسطة دينا أبوالعلا

والله يا جماعه بتهونو علينا مصائب الحياه بدمكو الخفيف

انا راجعه يوم الخميس من مدينه نصر قبل الاصلاح وكان الكوبري واقف برده رغم ان الاصلاح في الاتجاه التاني اصلا

وخدت صلاح سالم فمش كل حاجه تجيبوها علي الاصلاح عادي بدل ما تقف ساعه هتقف ساعتين ايه يعني افتح الشبك واتعرف علي اللي جنبك واكلم معاه والوقت هايمر هوا

متحبكوهاش بقي

ردك ده يا دينا بموضوع كان عامله موتورايزر على وقفة المحور اليومية و هو رايح الكلية انما كان موضوع تححححححححححفة :k49: http://www.nilemotors.net/Nile/showthread.php?t=43598

-

الموضوع: تصليح فواصل كوبري أكتوبر

LinkBack

أدوات الموضوع

عرض

-

-

-

-

-

المواضيع المتشابهه

عاجل - تنبيه هام لمستخدمي كوبري أكتوبر

إصلاح فواصل بكوبرى 6 أكتوبر

إصلاح فواصل بكوبرى 6 أكتوبر

العربية متبهدلة معايا في فواصل كوبري أكتوبر

المتوتوسيكلات و كوبري 6 أكتوبر

الكلمات الدلالية لهذا الموضوع

المفضلات

المفضلات

ضوابط المشاركة