تصليح فواصل كوبري أكتوبر

**OlaOsman** · 13-02-2009 07:11 PM

سمعت امبارح في الراديو تنبيه على إن كوبري اكتوبر هايحصل في تجربة تصليح الفواصل و هاتستمر لمدة يومين من منتصف ليلة الخميس و حتى الساعة 6 صباح يوم الأحد و ان ده هايتسبب في كثافة مرورية في التحرير و وسط البلد و إنهم هايغيروا مكان مطلع الكوبري من ميدان عبد المنعم رياض.

ده اللي سمعته.. حد عنده معلومات أكتر عن الموضوع ده يفيدنا بيها؟

**PRO-DRIVE** · 13-02-2009 08:13 PM

و يوم ما يعملوا كدا يعملوها و الناس خلاص راجعه دراسه و الدنيا طبيعي بتتزحم اكتر :s

ما الاسبوعين اللي فاتو يعملوا فيه براحتهم !!

**aif** · 13-02-2009 08:36 PM

المشاركة الأصلية كتبت بواسطة PRO-DRIVE

و يوم ما يعملوا كدا يعملوها و الناس خلاص راجعه دراسه و الدنيا طبيعي بتتزحم اكتر :s

ما الاسبوعين اللي فاتو يعملوا فيه براحتهم !!

يعني حضرتك تقصد ايه بالظبط ؟؟؟؟؟؟؟

انهم مش بيعرفو يختارو الوقت المناسب
وانهم مش بيعرفو يخططو
وانهم غاويين يقرفو خلق الله
وانهم بيدورو علي اسوء توقيت ينفذو فيه الاصلاحات
وانهم كانو منتظرين لما الباشا المسئول يرجع من اجازة نص السنة في اسوان
وانهم اساس ما عرفوش يعملو كوبري صح من الاول
وانهم في منتهي البطئ في عمل الاصلاحات الحيوية دي
وانهم مش حاسين بالمعاناة اللي فيها الناس
....
:k30:
لأ ..... بصراحة انا مش متفق معاك في كل الكلام ده

**badry** · 13-02-2009 11:06 PM

المشاركة الأصلية كتبت بواسطة aif

يعني حضرتك تقصد ايه بالظبط ؟؟؟؟؟؟؟

انهم مش بيعرفو يختارو الوقت المناسب
وانهم مش بيعرفو يخططو
وانهم غاويين يقرفو خلق الله
وانهم بيدورو علي اسوء توقيت ينفذو فيه الاصلاحات
وانهم كانو منتظرين لما الباشا المسئول يرجع من اجازة نص السنة في اسوان
وانهم اساس ما عرفوش يعملو كوبري صح من الاول
وانهم في منتهي البطئ في عمل الاصلاحات الحيوية دي
وانهم مش حاسين بالمعاناة اللي فيها الناس
....
:k30:
لأ ..... بصراحة انا مش متفق معاك في كل الكلام ده

انا متفق مع سيادتك تماماااااااااا..

المسؤلين فى مصر هم الحكمة مقطرة.........

**aif** · 13-02-2009 11:18 PM

ده ممكن يبقى رد الدعفشاوي بيه مدير الادارة العامة لإدارة المديريات بتاعت قنطرة اكتوبر ( ده حاجة تخينة اوي في الحكومة )

يعني نسيب الكوبري بايظ ... مش عاجبكم
نصلح الكوبري عشان المقاول حبيبي يسترزق ..... مش عاجبكم
شعب مقرف ما يعجبهوش العجب ......
طب لعلمكم بقى ح نقفل الكوبري من غير ما نصلح حاجة لمدة 6 شهور عشان تتعلمو الادب مع اسيادكم
وكمان ح نبوظ المفصلات اللي لسة ما باظتش

جتكم البلاوي مليتو البلد