انا عربيتى النترا اوتوماتيك لما بركن بسبها على N علشان السايس يعرف يحركها ده عادى ولا غلط؟
عرض للطباعة
انا عربيتى النترا اوتوماتيك لما بركن بسبها على N علشان السايس يعرف يحركها ده عادى ولا غلط؟
عادي طبعا... مفيهاش حاجه... بس هل بتعرف تشيل المفتاح من العربيه من غير ما تجيب الفتيس على الـ P؟
اه بيخرج عادى
شكرا لردك واهتمامك
فى عربيات لازم يكون علىp علشان المفتاح يطلع
مش كل العربيات المفتاح بيطلع فيها على ال P بس انا عندى برضة بيطلع على ال N
مش كل العربيات ينفع تطلع المفتاح و هى على N أو P و برضه المفروض مترضاش تدور لو مش عليهم.
المهم الموضوع الأصلى أنا سمعت عنه حاجة بس مش متأكد منه.....أن حتى و أنت ماشى غلط أنك تجيب ال N فى منزل كوبرى مثلاً عشان الزيت ساعتها مش بيبقى بيوصل لكل أجزاء الفتيسو بالتالى بيأثر على الأجزاء المختلفة.......والله أعلم.
لو غلط كان يبقى غلط بردو و العربيه واقفه. مظنش الكلام ده صح... و مقريتوش في اي كتالوج عربيه قبل كده... في الغالب ده حد بيفتي. هوه اللي ممكن يكون غلط ان العربيه الاوتوماتيك تتجر و هيه مطفيه... يعني لو فيها عطل يا اما تدورها و تجرها.. يا اما تتشال (السوبارو الاوتو كده علشان الجر الرباعي) معرفش العربيات الاوتو الباقيه نظامها ايه.
هو فعلا موضوع المنحدرات ده مكتوب عليه حاجه فى المانيوال بتاع العربيه انك ماتسبهاش تنزل وانت عامل N بس مش كاتبين حاجه على الباركينج
ما هو عشان كده أنا كتبت أن اللى سمعته والعربية شغالة.....يعنى و هة مطفية برضه غلط........و برشه عشان مش متأكد قولت أنى مش متأكد........بس فى العموم الحركة دى ملهاش لازمة والعربية مطفية أو شغالة.
وهى بتتزق ممكن السايس يحكها ولا حاجة أو يلزقها فى اللى قدامها و دى بشوفها كتييييييييييير
عمليه شيل المفتاح علي p & N
دا علي اسلاس معدل الامان اللي في العربيه في عربيات الامان بتاعها علي الامريكي و دا مينفعش المفتاح يطلع الا و هوا علي P و لو طفيت العربيه و هيا علي N عمرها ما هتدور الا لو جبت الا P
و لحظت لو طفيت العربيه علي N و بعدين جبت P و شيلت المفتاح بيبقي في صعوبه في نقل الفتيس في المره اللي بعديها
و الموضوع دا عند ناس اصحابي كتير و شوفته علي النت
ثانيا الغلط في انك لما تنزل علي مطلع او حتي لما تقرب من الاشاره و هيا حمرا و تجيب علي N لغايه لما تقف
لما كنت بعمل كده وبركن العربيه ساعات اصلا الفتيس ميتحرك الا لما افتح الغطاء اللي جمب الفتيس من تحت و اجيب مفك و ادخله و احرك الفتيس و الموضوع دا جبته من المانويل بتاع العربيه
و لما معدش بعمل الحركه دي لقيت الفتيس الحمد لله معلقش بعد كده خالص
و لما سألت مهندس قالي ان N مفروض يبقي RPM يبقي علي الصفر بس لما العربيه بتبقي ماشيه RPM بيبقي عالي و دا بيأثر علي الكنترول بتاع الفتيس و من الاخر بيلخبطه و طبعا و هيا ماشيه انت ممكن تنقل علي D و اول لما العربيه تمشي هتشوف قرايات مختلفه RPM عالي وهيا لسه علي بدايه D
العربيه بتحس ان في حاجه غلط في الفتيس و بتأثر علي الكنترول
من الاخر متنقلش علي N الا لما العربيه تكون واقفه خالص
واما تركن متجبش من D علي P علي طول لازم تقف و بعدين N وبعدين P وبرضه متنقلش من R الي P الا لما تتأكد ان العربيه واقفه خالص
دا اللي بعمله دلوقتي بعد لما لفيت لفه في النت و جوا المانويل و الحمد لله من بعدها العربيه بقت مظبوطه بعد لما الفتيس كان بيهيس شويه
بالتوفيق يارب اكون عرفت اوصل المعلومه
اى اوتوماتك بيدور على ال N او ال P
موضوع المفتاح مايخرجش الا على ال P ده بيتحكم فيها دائرة كهربية تانية لزياده الامان وممكن تفصلها عادى من الفتيس
ودى كمان بتتحكم فى ان العصاية مش تتحرك الا لو حطيت المفتاح وفتحت الكونتاكت
مع العلم ان فى حاجة زى سنة (شنكل) ممكن تحركه بمفك من تحت غطا الفتيس عشان تحرك العصاية من ال p لاى حاجة تانيه
والموضوع ده معمول عشان لو الدائرة اللى اتكلمنا عنها دى حصل فيها اى عطل تعرف تمشى العربية
موضوع بقى تحط على ال N وانت نازل منحدر والكلام ده
انا معنديش معلومات اكيده
بس اللى اعرفه ان ماينفعش الاوتوماتك تتجر مسافة طويلة
بس مفيش مشاكل لو جريتها مسافه بسيطه او زقتها وهو راكنه (على الوضع N )
مرسى للجميع على المعلومات القيمه
عندي في الاوكتافيا المفتاح بيخرج في اي وضع عادي اناما البي ام لازم p
وفي كتالوج الاوكتافيا عندي مكتوب مسموح بالجر لمسافه 30 كيلو متر كحدا اقصي
لو تتطلب اكتر من كده ترفعها من قدام علي ونش ويكون العجل الي وره هوه الي ماشي علي الارض علشان الفتيس ما يضرش مش العكس
والمعظم دلوقتي العربيه كلها بتتشال علي كساحه
مش كل الاوتوماتيك بيدور علي N - P و اقل مثال العربيه بتاعتي متدورش الا لو علي P و ومتديش اي حاجه لو علي N
و موضوع المفك تمام زي ما حضرتك قولت لو فيه مشكله في الدايره و انا كانت علي طول بتعلق و الحل كان المفك
بس ليه بتعلق دا اللي انا قولته في الرساله
و الله ينور يا باشا
شوف ياجماعه الموضوع n ده عادى وانا دايما بسيب العربيه عليه لان مره قريت فى الجرنال ان فى ناس كانت راكنه فى البارك اللى قدام عمارات العبور وبعدين كان فيه تشرفيه معديه وواحد عنده هوندا سسيفك اتو قاعدوا ينادوا شيلوا عربيتكم هو مكنش سامع جه الونش رافعه وشالها ورامها بعيد نزل الراجل يدور عليها لغايه لما لقاها ولقى الفتيس بايظ فى وقتها كلفه 21 الف جنيه ومش عرف ياخد حق ولا باطل معهم لا الونش شالها غلط وبوظوا من ساعتها بحاول انى م شاحطى على p وانا راكن الا فى اضيق الحدود
وربنا يستر
العربيات اللى متشلش المفتاح الا ع P
نيسان الصنى - بى ام 2009 القديم ممكن