ياترى اية اكتر مسافة سوقتها دون توقف نهائى واية نوع العربية ؟
عرض للطباعة
ياترى اية اكتر مسافة سوقتها دون توقف نهائى واية نوع العربية ؟
انا أكتر مسافه فى يوم واحد كانت حوالى 1000 كم ودو كانت مابين 6أكتوبر والرحاب ومدينه نصر وانتهت بالأسماعيليه بس طبعا كنت باقف فى النص وكانت ب لانسر 1600 أوتوماتيك
انا العادى ان باسافر مثلا 250 كم بدون توقف ودى كانت بعربيات كتير يعنى مثلا كانت ب بيجو 505 و اسكودا فليشيا واللانوس واللانسر والأوكتافيا لأن ده بيكون مشوار الإسكندريه أو بورسعيد وانا باسافر هناك كتير
اطول مسافة كانت انى رحت شرم رايح راجع يدوبك فرق كام دقيقة كنت بوصل حاجة خت وقت كتير حوالى 1200 يمكن اكتر مش فاكر عربية اوبل فكترا 1600 منوال
اطول مسافة كانت من مارينا الى العاشر دون توقف
انا اكتر مسافه سوقتها كانت 300ك متواصله وبصراحه انا لوسوقت اكتر من ساعه بتجنن
مية وخمسين هههههه طبعا هتتريقو بس اعمل اية انا لسة جديد سواقة
اولا ياباشا تسلم علي الموضوع
انا سوقت من قنا للقاهره مباشرة
كنت ماشي زراعي قنا اسيوط ومن اسيوط اخدت الغربي لبني سويف وبعد كده الكريمات حلوان ده كله كله هيوصل معاك تقريبا ل 700 كيلو وعربيتي بيجو 504 وده كان مباشرة بدون ريست
انا اخدتها من بنها للغردقه
مرورا بالاسكندريه الزراعي لحد الدائري ومنه لطريق السخنه الجديد ومنه الي الغردقه
مسافه حوالي 550 كيلو متواصل بدون راحه تمام الا لتموين العربيه