شوية استفشارات ، قبل ما أبدأ في موضوع التظبيط للعربيه
السلام عليكم
انا اشتريت طبعاً بيجو 305 من مدة بسيطة ، و الحمد لله العربيه تمام ، و عفشتها و كل حاجه فيها تمام ، محتاج بس شوية تظبيطات بسيطه أنا اللي عاوز أعملها علشان أحافظ بيها علي العربيه و بنفس الوقت أظبطها مره واحده
- أول حاجه هديها دهان ميتالك فرن ، سألت عليه و لقيت انه هيكلفني بحدود 1000 جنيه ، فأنتم ايه رأيكم ؟ السعر تمام ولا مبالغ فيه ؟
- تاني حاجه ، العربيه مفيهاش شغل سمكره الا بسيط جداً جداً ، يعني بعجة بسيطة جداً جداً في السقف فوق ، و السمكري هو اللي هيفك العربيه قبل دهانها و هيركبها بعد الدهان و الحوارات العادية دي ، المهم سألته علي حدود التكلفة . قالي هتكون في حدود 500 جنيه ، فأنا مستكترتهم ، فأنتم ايه رأيكم ؟
دمتم ،
