الموضوع: فضفضة ( متجدد )

و انا هبدأ
عندي مشكلة كبيرة اوي و مكرهاني في حياتي كلها
و ببقى نفسي اسيب الدنيا كلها و اروح مكان بعيد
و لا اشوف حد و لا حد يشوفني ولا اتكلم مع حد و لا حد يكلمني

عندي احساس بالظلم و القهر
و للاسف من ناس كنت اتخيلهم قريبين مننا جدا
المشكلة باختصار خلاف على الميراث مع اهل المرحوم بابا
لكن الجانب المعنوي فيها اكبر بكتير
مكنش حد يتخيل ابدا ان ده اللي يحصل في التوقيت ده من الناس دي
ده مكنش العشم ..

انا بس بطلب منكم الدعاء لنا ان ربنا يرفع عنا ظلم العباد
" و ما ربك بظلام للعبيد "
لكن نقول ايه في البشر
مش هقول غير حسبي الله و نعم الوكيل

الأخت العزيزة سندريلا
هونى على نفسك واصبرى ، لو مقدر لكم ميراثكم هتحصلوا عليه بإذن الله ، ولو مش مقدر لكم فصراع الأقارب معكم بمثابة سبب لابعاده عنكم ، وفى جميع الأحوال يجب أن نؤمن بأنه من السذاجة عدم التسليم بضعف النفس البشرية حتى لو كانت من أقرب الأقرباء ، مثل تلك المواقف يجب أن تكون بمثابة خبرة ومعرفة أكثر بالوجه الحقيقى للحياة وللبشر ، ومع كل صدمة ينضج الانسان ويتخلى عن جزء من سذاجته وبرائته.
لا تتركوا حقكم واستعينوا بالله على مكائد الأعداء وعلى الصدمة فيمن احتسبتموهم أخلاء.

المشاركة الأصلية كتبت بواسطة fiatto

الأخت العزيزة سندريلا
هونى على نفسك واصبرى ، لو مقدر لكم ميراثكم هتحصلوا عليه بإذن الله ، ولو مش مقدر لكم فصراع الأقارب معكم بمثابة سبب لابعاده عنكم ، وفى جميع الأحوال يجب أن نؤمن بأنه من السذاجة عدم التسليم بضعف النفس البشرية حتى لو كانت من أقرب الأقرباء ، مثل تلك المواقف يجب أن تكون بمثابة خبرة ومعرفة أكثر بالوجه الحقيقى للحياة وللبشر ، ومع كل صدمة ينضج الانسان ويتخلى عن جزء من سذاجته وبرائته.

لا تتركوا حقكم واستعينوا بالله على مكائد الأعداء وعلى الصدمة فيمن احتسبتموهم أخلاء.

معاك حق في كل كلمة قلتها يا فياتو
ما هي معادن الناس مش بتبان غير في الاوقات دي
كل شيء بينهار امام الماديات

و حسبي الله و نعم الوكيل

المشاركة الأصلية كتبت بواسطة pro_samir

عادى
انا جدى متوفى بقالة 10 سنين تقريبا ولحد الأن مطولناش حاجة من الميراث
و حسبنا الله

حسبنا و حسبك الله و نعم الوكيل
اللهم اعنا على من ظلمنا

سندريلا .... حبيبتي
عاوزة أقولك حاجة مهمة ..... متتعشميش في مخلوق مهما كان درجة قرابته .... ولتعلمي .... إن الصدمات إللي حتقابلك في الناس كل ما العمر يمر بيكي .... أكبر بكتير من إللي شوفتيه وإللي حتشوفيه ... حاولي تقوي نفسك ومعنوياتك ... وتوكلي على الله .... للأسف ... ولا حول ولا قوة إلا بالله ... اهنا بقينا نشوف أيام مفيش خير في حد ولا في مخلوق .... مهما كانت درجة قربته
حصني نفسك بمستقبلك .... ومتحاوليش تبقي تابع لأي ظرف ... اتظلمتي في الميراث ابحثي عن العمل واجعلي راتبه هو ميراثك الحقيقي من الدنيا .... لا تعتمدي على أحد ..مهما كان عشان مش حتاخدي من حد إللي بتحلمي بيه أو بتتمنيه حتى لو كان أقل وأبسط الحقوق .... كوني جاهزة لمفاجآت الحياة .... وربنا يعينك ويحفظك .... ويكتبلك كل خير ... وينصرك بإذن الله

آسفة ... مش عاوزة أخوفك من الدنيا ... عاوزاك بس تعرفيها على حقيقتها ... دنيا .... من الشئء الأدنى ... سبحان الله