-
يوم مدرس سواقه
يوميات تعليم قيادة
النهاردة اول يوم اعلم واحد صاحبى السواقه فى الشوارع برة
هو بقى معقول الى حد ما فى الشوراع الداخليه جنب البيت
خدته مشوار عمرة النهاردة خدته مطلع الدائرى و رحت بيه حلوان كان عندنا شغل هناك
ومن حلوان رجعنا خدنا صلاح سالم ومنه خدنا كوبرى قصر النيل نزلنا وسط البلد ثم التحرير و الدقى و بولاق اخر الخط
اة انى امشيه كل دة كان جنان بس انا عندى مبداء زى بتوع البحريه ارميه فى البرح وهيتعلم العوم :049::049:
:36_3_10[1]:محصلش اى خسائر فى الارواح على الرغم من كدة ولا اى خبطات ولا حتى حكات مع العلم ان المشوار بداء 12 الضهر وخلص 6
فى خسائر فيا انا ضغطى على
تقريبا من 12 الضهر لحد مركن واحنا بنتشتم:F_eyeb1[1]:
حصل كام موقف ابوخ من بعض عربيتى ربنا يمد فى عمرها شويه
الابلتين لدع بسببه وبقت تعوم فى الفرامل و طير غطاء الردياتير بمنتهى الذكاء ركنا ودخلت اجيب كرت شحن طلعت لقيت العربيه بتطلع بخار ميه من الكبوت ودة لان العربيه سخنت جدا
دة عادى العربيه كانت واقفه
لسه هخرج ازود ميه لقيته بيهوى غطاء الردياتير النتيجه حمام ميه سخنه بس الحمد لله محصلش حاجه لحد و غطاء الردياتير انتهى والحمد لله جبت واحد ب 9 جنيه و حطيت ميه وكملنا عادى
:k30:بس جابلى صرع فى منطقه شق التعبان ماشى وسط مقطورتين وهو خايف وعايز يهدى لحد مهما يعدوة ولو هدى هنتعجن وسط المقطورتين ورا وفضلنا على كدة بتاع ربع ساعه شلنى فيها
و المنطقه دى اتعلم يمشى وسط العربيات من غير ميرمى على حد
منطقه وسط البلد ظبطت رجله على الدواسات غصب عنه مش بمزاجه
كوبرى قصر النيل ظبط رجليه على الدواسات فى طلعه الكوبرى غصب عنه برضه
:k49:هفتح مدرسه تعليم باجر رمزى
:k49:اعتقد انه م هيركب عربيات تانى
:w6266dاى حد عايز يتعلم يجيلى اعلمه بنفس الطريقه كل الدروس اللى لازوم تعرفها وانتت بتسوق توفرت فى هذا المشوار
:fdsa:دة لا يمنع انه جابلى صرع وقراع وكل الامراض
والعربيه بقت ريحتا شياط من كل حته
وكان هيموتنا كذا مرة بس ربنا ستر
:ask:بكرة هنروح اسكندريه وربنا يستر
-
اسكندرية ايه؟! اعقل! أنا مش عارف انت خليته يسوق عربيتك 6 ساعات ورا بعض ازاي. كفاية حكاية المقطورتين دي!
-
-
-
اسكندريةةةةةةةةةةةةة :fdsa:
قشطة وانا جاى القاهرة بقى :confused:
ربنا معاك يا باشا
-
بجد بجد.. انت فدائي :M_yes[1]:
على فكرة مافيش أصحاب زي كده دلوقتي خلاص.
ربنا يخليك لصاحبك و يستر طريقكوا يارب :_Alshmokh22[1]:
-
بعد اللى حكيته فده اكيد اخوك مش صاحبك ابدا ...
بس برده ده ميمنعش ان حياتكم كانت معرضة للخطر ..
ربنا يديم المحبة .
-
والله حضرتك راجل محترم بمعنى الكلمة
كنت بعلم واحد صاحبى عند محكمة الاسره اللى فى اكتوبر
طريق فاضى 100%
طريق واسع جدا
مفيش اى احتمال للخطأ
طبعا ريحة الشياط مفيش فيها مشاكل / الابلاتين والكونديثنسر بالسلامة(كان على العربية القديمة) / دور العربية كذا مره وهيه دايره اصلا (مش مشكلة)
والحمد لله انتهى الدرس بأنى كنت بتكلم فى التليفون والباشا قرر انه يلف يمين وهو ماشى على 50 - الله يخرب بيت need for speed
الحمد لله جت على الكبالن وبس
-
اعقل يا مجنون اسكندرية ليه وسط البلد ارحم
-
ربنا يديك الصحة ههههههههههه
Content Relevant URLs by
vBSEO 3.6.0 PL2