الحمدلله استلمت السيراتو الهاى لاين
الحمدلله اخيرا استلملت السيراتو الهاى لاين. انا استلملت من حوالى 10 ايام بس كنت مستنى ارخص عشان اجربها و اقدر احكم على العربية
-انا اشتريت العربية بالتقسيط من كونتاكت عن طريق محمد زكى و على فكرة كونتاكت طلعوا محترمين جدا لدرجة انهم بعتوا مندوب يرخصلى العربية و لما انا روحت المرور لقيت المندوب مخلص كل حاجة و استلمت الرخصة و اللوحات فى اقل من نص ساعة
-::نرجع تانى للعربية اللى كانت افضل من توقعاتى و هى بالمناسبة زى ال EX العادية بالضبط مع زيادة ال ABS&Airbags
**الصالون: -من اوسع العربيات الموجودة حاليا فى السوق لدرجة ان رجلى لا تلمس الكرسى الامامى عند جلوسى على الكنبة الخلفية(رغم ان طولى 182سم)
-تصميم المقاعد مريح جدا جدا مع وجود ميزة رفع او خفض مقعد القيادة للحصول على افضل وضع و رؤية اثناء القيادة
-امكانية رفع و خفض الدركسيون
-امكانية طى الكنبة الخلفية او جزء منها
-بالنسبة للتابلوة فهو بسيط و مفهوش اى حركات او اختراعات لكنه فى جميع الاحوال شيك
**الشكل الخارجى:-العربية شكلها كلاسيكى جدا و مش هتكون محتاج اى مجهود عشان تتعود على ابعادها
-لكن ابعاد العربية كبيرة شوية يعنى محتاجة شوية حرص خصوصا فى الاماكن الزحمة
**اداء العربية: -طبعا مش هاقدر احكم بالكامل دلوقتى لان انا لسه فى اول 1000 لكن مبدئيا العربية جراية و ثابتة بطريقة غير طبيعية(مشيت بيها على الدائرى على 100 و مكنتش حاسس بالسرعة ابدا)
-الملاحظة الوحيدة ان فى تاخير بسيط فى تسارع العربية و ده ممكن يكون بسبب مرحلة التليين
-عفشة العربية ناعمة جدا و دى اكتر حاجة فرحت بيها لان المعروف ان الكورى عموما عفشته ناشفة شوية
-بالنسبة للتبترونيك فبصراحة انا ماجربتهوش لكن واحد صاحبى ساق العربية و جربه و قال ان سحب العربية وقتها احسن من وضع الاوتوماتيك
-بالنسبة لل ABS فهى فعلا مريحة للسائق (يعنى مش محتاج تكارك الفرامل زى الفرامل العادية)
انا اسف لانى مقدرتش اتكلم على كل حاجة لكن انا تحت امركم فى اى استفسار وفى نفس الوقت مستنى النصيحة و خصوصا من كبير السيراتوية Ahmed_SU