بعد تجربة الطلاء المط ....مشروع ألسنة اللهب Fire Flames
بما اننا في أجازة نص السنة و الواحد ايديه بتاكله
بدأت محاولة التمكن من رش اللهب و غيره على السيارات
بدأت اتعلم بعمل أبسط الطرق لأنها الأسهل و الأقل في الأدوات
أولا ...
أخدت رفرف محروق من نسيبي قاللي أنه بايظ و مش محتاجه
و لاقاني شابط فيه قاللي خده ياسيدي ..لله
و اشتريت لوازم الشغل ( ما صرفتش كتير )
أهم حاجة كان مزيل الدهان لأنه فعلا فعلا سائل سحري
تحطه على الدهان و تسيبه نص ساعة
و تشيله زي المهلبية :w6266d
بس كنت باسمع ان دهانات المصنه بتاخد وقت أطول و طلعت الإشاعة صحيحة
لحااااد ما وصلت للمرحلة دي
و بعدها بدأت الصنفرة تشتغل
بعد ربع ساعة صنفرة عنيفة و صلت للنتيجة دي
و بعدين يأتي دور البطانة علشان نغطي لون المعدن و الدهان "يعظم" في الصاج ...
و بعدين لزقت اللهب و قفلت الرفرف
و خلطت الألوان
و.....
بصو كده
و بعد ما نشف ....
طبعا في بعض عيوب الفنيش علشان أنا عملت الفيلم ده كله في يوم واحد و ما كنتش باستنى على الطبقات لحد ما تشد كويس ...بس ملحوقه و لا يهمكو
و في النهاية صورة كلية للعمل
و أنا أهو تاني
طبعا صاحب الرفرف لما شافه بقى كده قاللي انه عاوزه بس بعينه طبعا
هو دخول الحمام زي خروجه :confused:
و انتظروا تطوير الفكرة و توسيع للعمل بعد وصول العدة الجديدة من Amazon إن شاء الله
و عمار يا مصر
هههههههههههههه