أمر اللواء سراج زغلول مدير الإدارة العامة لمرور القاهرة ضباط الدوريات الراكبة بعدم تحرير أي مخالفات للسير عكس الاتجاه, إلا بعد التأكد من وجود لافتة تشير إلي أن السير في الطريق اتجاه واحد.
جريدة الاهرام
عرض للطباعة
أمر اللواء سراج زغلول مدير الإدارة العامة لمرور القاهرة ضباط الدوريات الراكبة بعدم تحرير أي مخالفات للسير عكس الاتجاه, إلا بعد التأكد من وجود لافتة تشير إلي أن السير في الطريق اتجاه واحد.
جريدة الاهرام
يعني لو ظابط واقفني ماشي عكسي في اي شارع جانبي مفيهوش لافته اتجاه واحد ما اطلعلوش الرخص...
تفتكر هايسبني...
تفتكر الكلام ده الظباط عرفوه...
و لو عرفوه تفتكر هاينفذوه...
ده كلام بس علشان الجرايد و يبقي شكلهم حلو قدام الريس الكبير...
خبر حلو والله والدنيا بتحلو والاخطاء بتتصلح
ربنا يهدي وينفذو
الحمد لله كده بقى الواحد يمشى وهو مطمن
ويارب دايما المزيد من الاصلاح
و الله حاجة جميلة قوى....
بس عندى سؤال رخم شوية...
الناس اللى اتمسكوا و اتمرمطوا رغم عدم وجود اى علامات فى اول تطبيق القانون...هيحصل لهم ايه.....سيادة اللواء هيصرفلهم تعويض؟؟؟ ولا اعتذار رسمى من وزارة الداخلية؟؟؟ ولا عادى زى اخواتنا و يستحملونا؟؟؟؟؟
نفسى نبطل سياسة رد الفعل اللى موديانا فى داهية دى....
كان فيها ايه لما الوزارة تفكر الأول قبل ما تطبق القانون على سهوة ؟؟؟؟؟؟؟
ايه ده...هو انا قلت تفكر؟؟؟ معلش مخدتش بالى.......
هما لسة فاكرين ؟؟؟ دى ناس بتهرج
ماكان قبل مايطبقوا القانون يعملوا اليفط واللا الواحد هيمشى يضرب الودع علشان يعرف الشارع اتجاة واحد او اتنين
ايه ده هو انت متعرفش انت المفروض اول لما تدخل الشارع قلبك يدلك اتجاه ولا اتجاهين
او اقولك الاحسن الشارع اللي تلاقي علي اوله شجر اعرف انه اتجاه واحد وان في يافطه ورا الشجر بتقولك بخ الشارع اتجاه واحد
وبعدين ايه اللي مزعلك قوي كده ايه يعني كام الف ولا تتحبسلك 4 ايام علي زمه التحقيق عادي اهو تغيير وتشوف اشكال جديده
كلام لللأستهلاك المحلى
يا عم خير وكويس اهيه دي البدايه
بس هحكيلكم موقف حصل معايا
انا من اسيوط ده ولا ومعايا عربيه 504
المهم انا ماشي في الشارع عادي جدا الشارع ده بعيد عن بيتي بحوالي 200 متر المهم لاقيت لجنه وكنت ماشي عادي غالبا علي 60 ورحت لاقيت فاجاه واحد امين شرطه طالعلي جري من عند العربيه بتاعة اللجنه وبيشاورلي بايديه (الرخص) المهم انا اساسا من جريه كده فرملت مره واحده وطبعا احلي صوت فرامل تسمعه في الشارع المهم اخد الرخص قالي اركن
ركنت ونزلت من العربيه لاقيته بيقولي انتا ماشي عكس اتجاه
بقوله نعم ؟؟؟ البيت بتاعي هنا هوه انا ليا 22 سنه متربي هنا وبمشي في الشارع ده كده طيب هما سيادتك لاغوه وخلوه اتجاه واحد قالي لا ده من ساعت متعمل وهوا اتجاه واحد
وانا بفكر طيب ازاي وازاي يحصل ده؟؟
المهم قلتله طيب سعادتك فين اليافطه الي بتقول ان ده عكس اتجاه؟؟
قالي اتفضل امشي مع العسكري وهيورهالك المهم مشيت معاه
ولاقيته بيوطي بقوله يا عم بتعمل ايه؟؟
تخيله الاقيه بيعمل ايه ؟؟؟ هاااااااااااااا
الاقيه يا جماعه بيرفعلي العلامه من علي الرصيف
العلامه واقعه علي الرصيف وبيقولك هيديك مخالفه
المهم رجعتله بقوله طيب انا ازاي هشوف علامه زي دي؟؟
قالي دلوقت لازم حضرتك واحد هيركب معاك العربيه وهنروح القسم تسلم العربيه هناك وتسلم نفسك قلتله نعم؟؟
قالي السير عكس الاتجاه عقوبته غرامه وحبس
قلتله سيادتك اوك يبقي نعمل اثبات حاله بالعلامه الي واقعه وانا موافق اتفضل معاك للمكان الي يريحك وقتها راح ادخل امين الشرطه وقالي موافق تدفع غرامه فوريه؟؟
فكرت كده وبيني وبينكم لفيتها في دماغي قلت غرامه فوريه احسن من المرمطه وقلة القيمه قلتله كام ياباشا قالي 200 جنيه قلتله غرامة ايه الي 200 جنيه دي؟
قالي هكتبلك المخالفه حزام وتعطيل خط السير
قلتلو ودول يبقو 200 جنيه؟؟ راح امين الشرطه قالي خلاص 50 و 50 يبقي كده 100
رحت زي الباشا مطلع ال 100 جنيه وروحت عطهاله
ايه بقي رايكم في الي بيحصل ده؟؟
وانا اسف جدا اني طولت عليكم
:confused::confused:
ايه ده جه هزار ولا بجد اكيد دي الكاميرا الخفيه وبيعملو فيك مقلب يعني مش كفايه انها علي الارض ولا كمان عاملك خصم والله كتر خيرهم
انا اول لما قريت 200 جنيه استغربت كويس غيرلك المخالفه اللي هي مش مخالفه اصلا
ومليون فالميه اصلا لا اداك وصل ولا حاجه وحط الفلوس دي فجيبه هو واللي معاه
انا مش متخيله نفسي فمكان حضرتك واحس انهم بيستهبلو ممكن اعمل ايه متهيالي هروح القسم ده رايي دلوقتي معرفش ساعتها ممكن يتغير:k48::k48:
لا بجد هما دول ممكن اطلبلهم البوليس ولا مينفعش والله فعلا عايزه اعرف؟؟؟؟؟؟؟؟؟؟؟
والله يكون فعونك من ده موقف
احنا شارعنا برده بقي اتجاه واحد من قريب وانا بدخل من الشارع اللي بعده واخرم ابقي فشارعنا بدخله من نصه يعني متهيالي هلاقي في يوم حد واقفلي تحت البيت بيقولي رخصك يا شاطره:k49::k49:
ياراجل عيب الكلام ده ..تعويض ايه واعتذار ايه ..ده احنا اخوات واهل ولازم نستحمل بعض ..يعني فيها ايه ان كام الف واحد اتحبس 4 ايام ودفع 1000 جنيه غرامه و1000 كفاله وعربيته اتسرق محتوياتها والكاوتش اتفضى:confused: ..يعني الدنيا مش هتتهد يعني وبعدين الجايات اكتر من الرايحات ...والوزاره هتكرمنا اخر كرم ...هيخصصوا حبس مخصوص للناس اللي هيتمسكوا ...اظن كده عداهم العيب
انت كان لازم تنزل من العربيه و ترفع العلامه و تشوف مكتوب عليها ايه...!!!!!!!!!!
:k48::k48::k48::k48::k48::k48::k48::k48::k48::k48: :k48::k48::k48::k48::k48: