كيفية تخزين العربية الجديدة لمدة 3 شهور

**K.LOTFY** · 14-02-2009 07:22 PM

حتلاقيه عند محلات اكسسورات العربية وفي محطات البنزين وممكن كمان تلاقيه عند التوكيل بتاع العربيه
أنت بس قولوه العربية نوعها كذا وهو حيديك الغطا المناسب ليها

**lancerevolution** · 15-02-2009 01:34 AM

الغطا عند أى حد بتاع إكسسوار قوله عايز غطا وتر بروف حيبقى من 140 جم"كان بتاع لانسر " ل 170 جم بنتاع الفكترا مقاسه xxl تقريبا العملية مقاسات أعرف واحد كان جايبه ب 200جم من التوفيقية طبعا غالى بس بتقول للبياع نوع العربية و هو بيبقى عارف

**meromar** · 15-02-2009 08:51 AM

العربية لانسر شارك وانا كنت لقيت موقع اسمة توب كفر..بصراحة عندة موديلات شيك اوى بس سعرة غالى شوية ب200 +مصاريف الشحن حوالى 20 او 25 جنية ..مش عارف اجيبة من عندهم ولا اجيبة من برة بس الخامات عندهم حلوة وقالى ضد الماية والتراب بس مش بيمنع دخول الماية لجسم العربية بنسبة 100% بيدخل الماية بنسبة 10 % فقط فمعنى كدة ان الغطاء مش مبطن ...ان شاء الله ححاول اشوفة برة عن بتوع الاكسسوار

**جمال** · 15-02-2009 02:28 PM

انا جبته من توب كفر لل هايما فاملى وكان ثمنه 200 ج ومصاريف الشحن للاسكندرية 3 ج
هوه ممتاز جدا وعلى مقاس العربية تماما و مش بيطير من الهوا وفعلا بيفوت ميه وتراب بنسبة بسيطة جدا 10 % فعلا وانت عارف طبعا المطر عندنا

**جمال** · 16-02-2009 12:08 AM

المشاركة الأصلية كتبت بواسطة meromar

هايل يا استاذ جمال بشكرك جدا خلاص حتوكل على الله واجيبة من عندهم وشكلة شيك فعلا بس ربنا يستر وميتسرقش دة ب200 جنية غير مصاريف الشحن

لاشكر على واجب
انا كاتب عليه بالبوية رقم العربية من الاربع جهات , وكمان اتقطع منه حتة صغيرة , يعنى مش ممكن يتسرق
على فكرة ممكن تطلب منهم يكتبو عليه رقم العربية و اسمك قبل ارساله لك

**tamohsen** · 16-02-2009 09:15 AM

معلش هو مش فك قواطيش البطاريه وإعاده العربيه ممكن يأثر علي كومبيوتر العربيه؟
متهيألي في طريقه معينه للفك والتركيب

**meromar** · 16-02-2009 10:03 AM

بيتهيالى ان فك البطارية بياثر على الكمبيوتر مش متاكد من المعلومة دى بس ياريت اللى يعرف يقولنا يا جماعة

**جمال** · 16-02-2009 02:19 PM

المشاركة الأصلية كتبت بواسطة meromar

بس تفتكر لما يكتبو علية اسمى ورقم العربية مش حيبوظ شكلة؟؟ وهل هما بيكتبو على الغطا بالطباعة ولا باليد

انا الحقيقة ماجربتش بس هما كاتبين كده فى الموقع بتاعهم
و اكيد لو هما اللى هيكتيوهم هيكون طباعة و مش هيبوظ شكل الغطاء
عموما اتصل بيهم و اسأل و اتأكد الاول