كيفية تخزين العربية الجديدة لمدة 3 شهور

**meromar** · 14-02-2009 09:19 AM

ازيكو يا جماعة ..ياريت اللى يعرف ازاى ممكن تتخزن العربية الجديدة لمدة 3 شهور يقولى عشان ميجرلهاش حاجة من الوقفة مع العلم انها وقفة تحت البيت وانا بصراحة خايف عليها من الهوا ومغطيها ولو عليا اطلعها معايا البيت ..انا خايف يجرلها حاجة من الركنة ياريت اللى عندة فكرة وخزن عربيتة قبل كدة وهى لسة زيرو يقولى وشكرا جزيلا للجميع

**lancerevolution** · 14-02-2009 09:35 AM

انا مخزنتش عربية جديدة قبل كدا بس ممكن تشوف جراج جنب البيت بس لو مش ناوى تمشى بيها ال3 شهور يبقى فك البطارية و إرفعها

**meromar** · 14-02-2009 10:04 AM

فالحقيقة مافيش جراج قريب من البيت خالص ..انا خايف افك البطارية تبوظ وتاثر على كمبيوتر العربية

**karimone** · 14-02-2009 10:20 AM

لو مش عايز تفك البطاريه يبقي لازم تسخنها كل فتره علشان البطاريه ماتنمش...

حاول تركنها في مكان بعيد عن ركنة العربيات التانيه علشان محدش يخبط فيها و هو بيركن او تكون عربيه مثلا بتاخد ملف علي الواسع فتروح لاطشها ولا حاجه...

**2hmed_7osam** · 14-02-2009 10:31 AM

طلاما مش عايز تركنها بعيد
انزل الصبح كدا على الساعه 10 يكون الناس كلها راحت شغلها ونقي احسن وأأمن مكان ف الشارع واركن العربية وربنا يستر

بس انا من رأيي الجراج احسن بكتير من ركنة الشارع خصوصا لو العربية جديدة ومش هتتحرك فترة كبيرة

**ahmad7610** · 14-02-2009 10:39 AM

3 شهور .. مش مدة كبيرة مش مستاهلة ترفع العربية فى رأيى .
بس لازم تسخنها على الأقل مرة أو يفضل مرتين فى الأسبوع ...
ويفضل تحرك العربية ولو فى الجراج مرة كل أسبوع للامام والخلف .
-
لو مش حتعرف تسخنها كل أسبوع يبقى أرفعها فعلا أحسن وأأمن

**meromar** · 14-02-2009 10:51 AM

ان حاططها فالبركنج بتاع العمارة ومغطيها فمكان يعتبر كويس تحت الشجرة ..انا خايف من العربيات اللى حتركن جنبها عشان اكيد حيلطشو فيها من فتح البيبان واكيد بردو اى حد بيرجع بظهرة ولا حاجة حيلمسها ..انا خايف عليها جدا يا جماعة وتقريبا مش بنام وكل شوية ابص عليها من البكونة لدرجة ان امى بتقولى العربية حتجننك يابنى سيبها مش حيجرلها حاجة مدام متغطية ..وطبعا انتو عارفين بقى العيال فالاجازة والكورة والتنطيط على العربيات ..مش عارف بصراحة اتصرف ازاى

**lancerevolution** · 14-02-2009 02:44 PM

ممكن تعطيها بغطا وتر بروف عشان بيبقى مبطن من جوه البطانة دى بتحمى العربية فى حالة حاجة حكت فيها عن تجارب شخصية كتير خد بالك تحت الشجرة حتتبهدل من التراب الى على الشجرة بيتجمع فى الورق و يروح نازل على العربية نقط صغيرة بتلزق دا غير العصافير و الطيور الأخرى الى بتقوم بالواجب و الواجب بتاعهم بيخلى الدوكو يشقق

**meromar** · 14-02-2009 04:33 PM

اجيب منين الغطاء الوتر بروف المبطن دة يا جماعة وسعرة كام ؟ وهل عملى ولا بيبوظ بسرعة انا عاوز غطاء بيمنع دخول الماية والتراب لجسم العربية ..هل فى منة دة يا جماعة وفين مكانة

**Salah_sr** · 14-02-2009 07:19 PM

أولا من الأفضل تفك سلك البطارية أما بالنسبة لتركها في الشارع طبعا مجزفة شديدة و مش لازم تحطها في جراج جنب البيت ممكن تحطها في أي جراج في أي مكان و لما ترجع ركب سلك البطارية ودور العربية و لكن مش لازم ترفع العربية علشان 3 أشهر فقط (أنا برفع عربيات منذ 16 عام غربة في القاهرة 10 أشهر في السنة و 2شهر عربية في مسقط و لم يحدث لي أي مشكلة و الحمدلله بس في جراج )