عرض للطباعة
امبارح فى ملحق اهرام السيارات ....المصرية للسيارات عاملة اعلان و بتقول انها فتحت باب التقسيط المباشر من الشركة بدون بنوك و بفائدة مذهلة ......4% سنويا .
هل ممكن الكلام ده يكون صحيح ؟
لو فيه حد قريب من اى فرع من فروع المصرية لسيارات يستفسر لنا ؟
لانى حاسس انى دى خدعة منهم كالعادة ... يعنى ممكن يقولك ادفع 80% من تمن العربية ...و الباقى بفائدة 4% ؟؟؟؟؟:b4_237:
السلام عليكم على فكرة انا اول مرة اشارك فى هذا المنتدى الرائع المفيد لكل الفئات من مالكى السيارات
بمناسبة سؤال حضرتك انا كنت النهاردة فى المصرية فرع مصر الجديدة- الميرغنى- كلية البنات عشان استفسر عن الاعلان الجهنمى اللى اتنشر فى اهرام الجمعة بص يا سيدى :
1- أول صدمة الفائدة الـ4% مش بتنطبق على كل الموديلات بمعنى بيطبقوها على موديلات واقعة فى البيع مثلا سوناتا و بعض الموديلات الصينى الكلام ده على لسان المندوب اللى جلست معاه.
2- تانى صدمة فترة التقسيط لا تزيد عن 24 شهر وبيطلبوا ضامن وبيعملوا توكيل يثبت ملكيتهم للسيارة يعنى هتشترى سمك فى ميه.
اتمنى اكون وصلتلك حاجة بس والله هو ده اللى حصل واسم المندوب اللى جلست معاه / محمد هندى -موبايل 0101908284 :Ta_clap[1]:
المصرية طول عمرهم حرامية و نصابين
ده انا اللى ابقى هندى لو اتعاملت معاهم فى يوم من الأيام...اقتباس:
المشاركة الأصلية كتبت بواسطة eng_ashraf2007
لا تثق فى اى اعلان لشركه المصريه دى ابداااااااااااااااااااااا اا
نصابين اخر حاجه
ابعد خالص عن المصرية ... لو حتى قال انه هيوزع السيارة ببلاش لأنه ساعتها هيكون مفخخ السيارة علشان يقبض التأمين :k48:
هو حد طايل يبقى هندى ؟؟؟ ده الهند و صلت و عدت من زماناقتباس:
المشاركة الأصلية كتبت بواسطة badry
عندك حق و الله......اقتباس:
المشاركة الأصلية كتبت بواسطة gemino
خلاص...ده انا اللى ابقى مصرى اصيل لو اتعاملت مع الشركة دى تانى....
في 2007 كنت روحت مع والدتي فرع الميرغني عشان كانت عاوزة تجيب عربية...
سألناهم على نظام التقسيط عندهم....لقينا الراجل بيقوللنا لو عاوزين تقسّطوا يبقى لازم تحطّوا وديعة بتمن العربية في سيتي بنك وبعد ما تخلّصوا أقساط العربية ممكن تسحبوا الوديعة تاني وعليها الفوايد بتاعتها!!!
بصراحة إحنا قعدنا نضحك عالهبل ده...طب ما الواحد لو معاه تمن العربية مايجيبها كاش ويخلص....وديعة إيه وكلام فاضي إيه
الواحد دلوقتي بصراحة فرحان إن سيتي بنك ده قرب يفلس....عشان النصبة اللي كانوا عاملينها مع المصرية دي.... :049:
وقال إيه اللي يدخل في النظام ده يدخل سحب على عربية هدية! :k48:
ناس مهابيل بجد
شكرا يا باشا على المعلومات، فعلا كده بيأكدوا ان كل دعايتهم بتبقى شغل نصب مش أكتراقتباس:
المشاركة الأصلية كتبت بواسطة eng_ashraf2007
انا اكتر حاجه مستغربها انهم بيتكلفوااا فلووس كتيير فعلا في الدعاايه حرام والله العبط ده
ولما بروح فروع مصريه فعلا بلاقي زحمه وناس بتشتري
ولا كان المصريه دي نصابه ولا اي حاجه
في حين لو سالت الشعب كله مش هيختلف ان الشركه دي مبنيه اساسا على النصب و
اعلانات الجرايد كلها بتبقى جر رجل والواقع بيكون حاجة تانية
اوعي حد يشتري من المصرية
صح والله مفيش فايده فيهم........................
يا جماعه بالنسبه لاقل فايده للتقسيط المباشر ده موجود فى توكيلات دايهاتسو بيقسطوا انواع كتير بفايده 9% ومن غير اى صعوبات ودى شركه تبع عبد اللطيف جميل
واحنا قربنا نقلدهم اهوة مش احنا جبنا التكاكت منهم بعد متخلوا عنها وصنعوا عربية هانت اهوة يعنى كمان كشرى سنة نبقى زيهم .اقتباس:
المشاركة الأصلية كتبت بواسطة gemino
على فكرة احنا لسة مكلمين مدير المصرية - فرع كلية البنات ....... و سألنا على موضوع فايدة 4% مباشر اللى فى الجرايد اليومين دول...
و قالنا انه موضوع 4% ده على العربيات موديلات 2006 و 2007 يعنى القديم فقط و على 24 شهر ... يا ترى ايه رايكم ؟؟؟؟؟
رأيي يا abohalmos إنهم ناس لذيذة ودمهم خفيف :,:
+++++100000000اقتباس:
المشاركة الأصلية كتبت بواسطة mada121977
الصراحة موضوع جميل ومهم جدا ولازم ناخده بايجابية وانا بتفق مع ناس وبختلف مع ناس كتير انامعاهم ان 90 فى المائة من معرض السيارات والوكلاء حرامية وناس بتقول ان اسعار السيارات هاتنزل اكتر من كدة واصبر والكلام ده كله انا رايى اننا نسيب الخبرة الاقتصاديين يتكلموا وسيبكوا بقى من الفتى الى مصر اشتهت بيه برة وجوة انا متاكد ان لو دخلت عضو يسئل عن الكفت هايلاقى اعضاء كتير دخلت تفتى يا جماعه دعوا الخلق للخالق وخلينا فى نفسنا