بسم الله الرحمن الرحيم
سمعت ان فى حاجة اسمها تفتيح الموتور وده بيخلى العربية تبقى سريعة جدا وان لما بتعمل موضوع تفتيح الموتور ده ممكن تقفل العداد ... هل الكلام ده صحيح
ممكن حد يوضحلى.
اخوكم يوسف
عرض للطباعة
بسم الله الرحمن الرحيم
سمعت ان فى حاجة اسمها تفتيح الموتور وده بيخلى العربية تبقى سريعة جدا وان لما بتعمل موضوع تفتيح الموتور ده ممكن تقفل العداد ... هل الكلام ده صحيح
ممكن حد يوضحلى.
اخوكم يوسف
والله انا حقولك علي حاجه
موضوع تفتيح الموتور ده انا كنت بعمله كتير بس المشكله انه بيهلك الديسك والإسطوانه بسرعه
حقولك بيتم ازاي
دلوقتي انت لما تنقل من الغيار الاول للغيار التاني وانت ماشي طبعا بيبقي تقريبا أخر سرعه الغيار الأول بيبقي 10 او 20 تقريبا وبعد كده بتنقل علي الغيار التاني وهكذا
لأ دلوقتي علشان تفتح الموتور حتعمل ايه
يبقي أخر سرعه الغيار الأول 30 او 40 وأخر سرعه غيار الثاني 80 او 90 والتالت من ال 90 لل 110 وهكذا يعني تزود سرعه الغيار كل فتره واحده واحده بلاش مره واحده يعني تدريجيا
وحتلاقي فرق كبير في سحب العربيه وممكن اوي تقفل العداد
بس انا ليه وجهه نظر في موضوع تقفيل العداد ده :-
اولا : الأمبير إلي قدامك لو مكتوب فيه 200 او 220 او 240 كل ده بيبقي مش حقيقي يعني مجرد كتابه أستاندرد لكل العربيات ..
ثانيا : مش كل موتور يقدر يقفل لحد أخر العداد ولو حصل وهو مش مهيأ لكده حتقصر جامد من عمر الموتور ويمكن يحصل له أضرار علي المدي القريب والناس إلي فرحانه بعربياتها الجديده وبتقولك انها قفلت العداد تعالي بعد تلات سنين كده ولا أربع سنين شوف كلامهم حيبقي ازاي وقتها والعربيه حيبقي حالتها ايه
ثالثا : متفكرش في موضوع تقفيل العداد ده لان العربيات كلها معدنها خفيف علشان تحس بسرعتها اكتر وكل ما العربيه سرعتها زادت علي الطريق كل ما وزنها بقي خفيف علي الأرض مهما كانت العربيه حتي لو قالك انها دبابه تقيله..كل الاجسام المتحركه خاضعه لنظريه للإنحراف اللامركزي يعني بصوره اوضح وأبسط انها كل ما زادت سرعتها علي الأرض كل ما فرصه انحرافها وعدم تحكمك فيها بقي اعلي بكتير مما تتخيل حتي لو كنت مجنط ومهبط العربيه
وفي النهايه سوق عربيتك بأمان وأرجع لاهلك ولبيتك بسلام
وربنا يكفيك شرها ويبارك لك في خيرها
سلام
اتفق معالك قلباً وقالباً
لو حطيت في دماغك إنك ماشي على هواء حتعرف أد ايه انك راكب حاجة ممكن زي مبتفيدك تموتك!!
وربنا يبعد عنك أي شر
:S_thum1[1]: :S_thum1[1]: :S_thum1[1]: مش هاأقول غير كده ,. يصراحة أنا زهقت من مواضيع السرعة و تقفيل العداد
ياجماعة شوفوا الطرق بتاعتنا عاملة أزاي قبل ماتجروا , و اللي عايز يقفل العداد ممكن يبقي يشترك في الفورميلا وان :B4_048:
ربنا يهدي :_Alshmokh22[1]: :_Alshmokh22[1]:
ولله دة الكلام الخلاصة ..
الف الف شكر ليكم انا عارف انى تعبتكم معايا
بس بسمع ان فى عربيات مواتيرها مفتوحة يعنى بتيجى من الشركة كده زى المرسيدس والفولو والكزس
اخوكم يوسف