ايه رايكم يا جماعة ....
كنت فى الفترة اللى فاتت بدور على يارس لحد ما شوفت اعلان مينى فابيا و خصوصا بعد ما نزلوا سعرها 11000 جنيه وبقت ب 88900
تفتكروا اشترى انهو اليارس ولا النيو فابيا وخصوصا ان الاوبشنز اللى فيها كتير وبصراحة عاجبنى .
ياريت كل واحد يقولى رأيه ويقولى الأسباب اللى اختار علشانها
وكمان فيه الابيزا- قرطبة
مش عارفة اختار انهو واحدة فى ال3
ايه رايكم
؟؟؟؟
بصراحه سكودا ماركه جميله وعظيمه لكنها ام تحقق أى نجاح مع الفابيا خاصة فى مصر
فلو عندك استعداد للمغامره يبقى سكودا حتديكى عربيه أدائها أفضل من الياريس
لكن لو عايزه تبقى فى المضمون يبقى الياريس وبرضه مش حتندمى لو جبتيها
العربيتان احلة من بعض
لكن لو عايز شنطة اوسع يبقى الياريس و موتور ناعم
لو عايز حاجة زاى المينى كوبر يبقى المينى فابيا
خليكى في المضمون وهاتى اليارس
انا رأيي كده برضهاقتباس:
المشاركة الأصلية كتبت بواسطة محمد ابراهيم 1
ميني فابيا..كفاية إنك تركب عربية مش منتشرة وeye catcher. ده غير إن كماليات وإمكانيات الميني فابيا أكتر.
أنا عندي الياريس من اكتر من سنة بامانة هي عربية ممتازة
وبتتميز عن الميني فابيا بان صالونها اوسع شنطتها اكبر استهلاك بنزين اقل
الفابيا انا رحت شفتها في المعرض لكن ما سوقتهاش وهي برده عربية جميلة لكن ما اقدرش احكم على ادائها لاني ما سوقتهاش لكن هي عربية شكلها جميل وشبابي وفيها اوبشنز اكتر من الياريس لكن ما فيهاش مرايات كهربا ما عرفش ليه وقطع غيارها رخيصة كمان .
ممكن تعملي تست درايف في معرض المقطم ايام الاحد والاربعاء من الساعة 9 ل 3.
وكمان ممكن تعملي تست درايف للياريس في العباسية اكيد دة هيسهل عليكي الاختيار.
لو عايزه عربيه متينه تستحمل خبطات و مطبات و حاجات من دى يبقى فابيا و كمان شكلها احلى من الياريس(اذواق)و فيها كماليات اكتر من الياريس .
الياريس تتفوق فى الوسع و الشنطه لو مش محتاجاهم هاتى فابيا بس متفكريش فى بياعه لانها هتخسر جامد .
انما انا لو بشترى بصراحه عمرى مفكر فى الياريس .
الميني فابيا وعلي بركه الله:w6266d
ياريس على بركة الله
الياريس :
عملية - منتشره - كتير بيفهم فيها - خفيفه والثبات مش قد كده - كماليات عادية - شنطه اوسع
المينى فابيا:
قليله - اكتر تميز - شكل جميل - اقوى - اثبت - كماليات عالية - مصاريف استهلاك اعلى
شوفى انتى ايه اللى يهمك اكتر واختارى على اساسه
بس انا ارشحلك المينى طبعا عشان مميزة وليها برستيج خاص
I agree with M.Mokhtar & Venus's point of view.
المينى فابيا المانى ومميزة بس عيبها الوحييييييد ارتفاع خدمة صيانتها وقطع غيارها عن التويوتا بس هيا بتستحمل
السلام عليكم،
بصراحه أنا فكرت تاني في الموضوع دة، أنا بتعجبني الفابيا أكتر من اليارس بس لو في إحتياج إلى وجود الشنطة فياريت تكون نيسان تيدا، أنا بحس انها أحسن من اليارس بكتير أوي
السكودا فابيا عربيه جميله ومش منتشرة كتير وتليق علي البنات ولو مش مجتاجه الشنطه كتير يبقا فابيا محتاجه الشنطه يبقا اليارس وده يرجع ليكي
و عليكم السلام .اقتباس:
المشاركة الأصلية كتبت بواسطة Moustafa_Farouk
هى التيدا سعرها كام ؟؟؟
اعتقد انها اغلى من الياريس و الفابيا ...
دي قائمة باسعار جميع موديلات التيدا
تيدا Sedan 1.6 F/O M/T 2008 116100
تيدا 1.6 H/B A/T 2009 119000
تيدا 1.6 A/T 2009 114000
تيدا 1.6 M/T 2009 109000
تيدا Sedan 1.6 F/O A/T 2009 127500
تيدا 1.6 H/B F/O A/T 2009 127500
1000000000000 شكر يا باشا على السرعه و الرد و المعلومات .اقتباس:
المشاركة الأصلية كتبت بواسطة elmadawy
كده التيدا قريبه من الياريس و انا رأيى زى مصطفى فاروق انها افضل من الياريس ...
شكرا علي ايه بس ياباشا احنا عيزين نخدم وبس والكل يستفيد
الياريس سعرها حاليا
مانيوال 100
اوتوماتيك 110
وفعلا كدا يبقى قربت من التيدا
المينى فابيا جميله جدا و مميزه و ماتورها اقوى
هى مشكلتها ان صيانتها اغلى من اليارس
الابيزا و الجراند بونتو حلوين برده فى فئه الهاتشباك
أستفت قلبك
الياريس طبعااا ... لعدة اسباب ..
اولا : الياريس تويوتا .. احسن من سكودا
ثانيا : الياريس سعر اعادة البيع مرتفع ... يعنى لو جبتى الفابيا وحبيتى تبيعيها تانى يوم هتنزل 20 الف
ثالثا : توكيل واعتمادية عالييين جدا
رابعا : التسارع من 0-100 فى مصلحة الياريس بفرق ثانية (لو الاتنين مانيوال )
خامسا : استهلاك البنزين فى الاسكودا اعلى من الياريس
سادسا : الباور (محدش يستهين بالنقطة دى) بتاع الياريس خرافى وهينفع معاكى كبنت اوى
سابعا : شكل العربية بناتى اكتر وخصوصا اللون الاحمر بيبقى تحفة
ثامنا : امر طبيعى ان تتفوق الياريس فى كل هذة النقاط لانها اغلى اصلا بحوالى 10 الاف جنية ... يعى انتى وفلوسك
تاسعا والاهم ان الياريس فى منها اوتوماتيك محترم وسحبة ممتاز ب110 الف
عاشرا : اكمل ولا كفاية ... نكمل بكرا بقا
هههههههههه
http://www.nilemotors.net/Nile/showthread.php?t=35736
http://www.nilemotors.net/Nile/showt...t=59234&page=3
http://www.nilemotors.net/Nile/showthread.php?t=36277
http://www.nilemotors.net/Nile/showthread.php?t=52621
السلام عليكم،
الرجاء الدخول على المواضيع اللي فوق عن سكودا فابيا، يوجد بها اسئله وردود الاعضاء عنها.
عن تجربة، توكيل سكودا مش ضايع ولا حتى وحش، السيارة تبع VW ودة حتلاقيه على كذا مكان في العربيه، سكودا معروف عنها الاعتمادية جداً ودة برضو من تجربة سكودا في حادثة على كوبري أكتوبر. فاكيد سكودا أحسن من تويوتا.
دي وجهة نظري، وطبعاً ليك الحق في الاختيار. طبعا اليارس ممكن تكون كويسة بس أنا معرفشي عنها أي حاجة، أكيد في ناس كتير ممكن يساعدو في الموضوع دة.بس أنا بحس إن سعر اليارس مغالي فيها أوي.
دايهاتسو ماتيريا
بصراحه هى عربيه كموتور وصالون وكماليات حلوه جدااقتباس:
المشاركة الأصلية كتبت بواسطة fakoussa
بس شكلها مش بقدر استحمله :POINTI~2[2]:
طبعا المينى فابيا عربية جامدة جدا كفاية انها المانى وحصلت على جائزة احسن تصميم
كلام مظبوط 100% :B4_388::B4_388:اقتباس:
المشاركة الأصلية كتبت بواسطة محمد ابراهيم 1
و عليك السلام ,اقتباس:
المشاركة الأصلية كتبت بواسطة Moustafa_Farouk
اانا برده مش عارف ليه الناس بتقول ان توكيل سكودا وحش !!!! منا عملت عنده كذا صيانه للاوكتافيا دى و الى كانت معانا قبلها و عملت فى اسكندريه و القاهره و مشوفتش منه حاجه وحشه اوى زى ما الناس بتقول ؟؟؟؟الله اعلم .
انا معلوماتى المتواضعه بتقول ان الياريس صاجها ضعيف جدا و ثباتها معدوم و خصوصا لو قارنتها بالفابيا ......