نفسي الاقي بنزينة بتبيع بنزين 80
طريقي يوميا فيصل جيزة المنيل السيدة عائشة اللي عرف بنزينة بتبيع 80 في المناطق دي او قريب منها يقولي لحسن اخوكوا قرب يشحت بسبب بنزين 90
واسف ان الموضوع متكرر
نفسي الاقي بنزينة بتبيع بنزين 80
طريقي يوميا فيصل جيزة المنيل السيدة عائشة اللي عرف بنزينة بتبيع 80 في المناطق دي او قريب منها يقولي لحسن اخوكوا قرب يشحت بسبب بنزين 90
واسف ان الموضوع متكرر
وياريت كمان يقول بيبقي موجود الساعة كام ويبقي كتر خيركم وجزاكم الله خيرا
يامسهل الحال يارب
في بنزينه موبيل بعد كوبري السيده عائشه وانت رايح المقطم كنت بشوف عندها تاكسيات كتير بس مش عارفه بعد لما اتجددت لسه فيها ولا لأ
في اكتر من بنزينه في فيصل معقول ولا واحده فيهم 80 ده في توتال وكالتكس وموبيل وايسو وطبعا مصر بس اكيد وحشه قوي
مفيش داعي لتكرار الموضوع ويارب تلاقي ويكون حد هنا يعرف بنزينه فيها 80
بنزينة الريان فى شارع خاتم المرسلين فى الهرم بعد قاعة سيد درويش فيها 24 ساعة و عملة قلق فى المنطقة مابعرفش اروح كل يوم من الزحمة
اسف مش حقدر افيدك
قلبى عندك
فى بنزينة شيل فى أخر فيصل
مع احترامى ليكم شل اللى ف اخر فيصل مفهاش 80 و البنزينة اللى موجود فيها 80 هى بنزينة اسو اللى بعد المريوطية على اليمين و العربية بتفضى البنزين حوالى 12 او 1 بالليل و اوقات توتال اللى على ناصية سهل حمزة من ناحية فيصل بس قليل اوى .
ممكن اقولك على واحده بس بعيده شويه
من عندك اطلع دائرى ثم الزراعى اتجاه الاسكندرية فى محطه فى اول قليوب هتلاقى فيها كل يوم من 1 صباحا الى 4 عصرا ولو خلصت اطلع الكوبرى وانزل هتلاقى اكتر من بنزينه فيها
بس انصحك لو هتروح يبقى تفول التنك علشان تعوض المشوار
ya man I was walking with my friends in Downtown cairo (around tahrir and seleman pasha st and that area) and we saw a gas station that had 80 gas and I swear to god...the lineup was over 3KM!!!!!! and there were fights with the car korek and it was nuts......
بص يا سيدى فى بنزيمه فى طريق كرداسه تبعد عن الطالبيه حوالى 20 كيلو موجود فيها بنزين 80 دائما من غير زحمه خالص وانا بحط منها دائما لو تحب اوصفهاك قولى انت ساكن فين فى فيصل
بص ياغالى
بنزينات ال80 اللى هتبقى فى خط سيرك هى
التعاون قبل نفق الهرم
مصر للبترول اول شارع مراد
تام اويل: واحدة فى اول المنيل من ناحية كوبرى الجامعة وقريبة شوية من شارع متحف المنيل
و التانية ناحية كوبرى عباس بس جوه شوية فى شارع المنيل
وربنا يوفقك
لو كنتوا قريبين من وسط البلد فى بنزينة فى ميدان الجيش 24 ساعة شغالة
وفى بنزينة فى وسط البلد قبل 26 يوليو .
خلاص كده يا رجاله ما فيش تاني
انا نازل بكرة الجمعة صباحا ان شاء الله يمكن بعد الفجر بحبة الف علي ام بنزين 80 في البنزينات اللي قولتوا عليها
وادعوليييييييييييييييييي الاقيه :ask:
يوجد بنزين 80 بمحطه بشارع مصر والسودان
شكرا يا ريس علي مشاركتك
واخيرا يا جماعة:K_crying[1]: بعد ما لفيت شارع فيصل والهرم والجيزة والمنيل والتحرير والسيدة زينب
بعد رحلة حوالي 45 كيلو من 7 صباحا لحد 9 تقريبا
لقيت بنزين 80 في محطة الريان اللي في خاتم المرسلين
الحمد لله:_Alshmokh22[1]:
شكرا جداااااااا لكل اللي حاول يساعد :Ta_clap[1]:
صباح الفل يا باسوم باشا
انت لسة فاكرني
مش والله هو مالك حظي معايا كده
مع اني ببقي حريص جدااااااااا اشكر كل اللي يردو عليا بس مش عارف حظك ليه دايما معايا كده
بس للأمانة انا ما كونتش اعرف طريق خاتم المرسلين ده فينو بعد لف كتيييييييييييير سألت واحد في بنزينة وقالي ان في بنزينة في خاتم المرسلين ساعتها بس افتكرتك وافتكرت انك كنت قايلي عليها ف سألت لحد ما وصلت
علي العموم مش عراف اقولك ايه واسف جدا علي عدم ردي بس والله غير مقصود
شكراااااااا ليك يا برنس
علي فكرة ما فيش ولا بنت دخلت الموضوع ده ومع ذلك كنت برد علي الناس كلها (ماعدا انت طبعا)