الموضوع: اخر كلام عن الفتيس Mmt

ما هو مفيش مشكله حاليا ومفيش خلاف على كده
المشكله الأكبر هى من التخوف من مستقبل الفتيس وهل حتظهر فيه مشاكل ولا لأ وده طبعا شىء متوقع لأنه تكنولوجيا جديده وطبيعى إنه يظهر فيها بعد فتره مشاكل لم تكن متوقعه زى ما حصل فى حاجات كتير قبل كده

لأ هو الواضح إن معظم الناس زى صاحبك أول ما جابوا العربيه حسوا إنهم خدوا مقلب فيها لكن بعد ما اتعودوا عليها وعرفوا اللى فيها وإنه مش عيب صناعه وإنه فى الحقيقه هو أداء مزعج فى الأول فقط لحين التعود عليه رضوا بيها خصوصا مع ميزة توفير البنزين
لكن برضه عشان الأمانه فأنا عمى معاه واحده وندمان إنه جابها خصوصا إنه مش عارف يبيعها ولكن يمكن عشان عمى برضه راجل كبير فى السن ومعندوش قابلية التعامل مع هذه الأشياء بسهوله فده اللى مخليه كارهها

بس يا جماعه مش معقول انه من الطبيعى ان اى تكنولوجى جديده يكون فيها مشاكل .....
العربيات كل يوم بينزل فيها تكنولوجى جديد و مبيحصلش مشاكل...

انا بعد ما سوقت العربية لفترة اطول و ائا بسوقها على النظام E دائما
كنت الاول بزود بنزين ولما العربية تنقل من الاول للتانى كنت بثبت رجلى على الدواسة فتلاقيها نقلت كمان نقلتين بسرعة ودى هى المشكلة بتاع كل الناس لان العربية بتنقل للرابع عند سرعة 40 كم/س

بس انا عرفتلها حل و ياريت الناس تجربه و هو ان اول العربية لما تنقل على الثانى لازم تنزل بالدواسة هتلاقى النقلة اتأخرت ولما تاخد الثالث تنزل بالدواسة اكتر هتاخر النقلة الرابعة ممكن تيجى عند 60 كم/س ولا حاجة وملاحظتش زيادة فى الاستهلاك ولا حاجة وبجد بكده بقيت احس انها عربية عزم المانيوال وراحة الاوتوماتيك ...............

ده طبعا غير النظام Es اللى بيحل المشكلة بس بزيادة البنزين

يا ريت الناس تجرب وتدينا رأيها

واى خدعة