الموضوع: اسعار النترا موديل 2009 بضمان الوكيل بعد التخفيضات الجديده

المشاركة الأصلية كتبت بواسطة bob12345

هو دا عرض ولا حيفضل ال سعر كدة على طول

هو السعر ده هيفضل شويه بس فى توقعات مختلفه يعنى انا بتوقع انه من الصعب ان السعر ينزل عن كده بس مش مستحيل
بس فى احد الاعضاء متوقع انه هينزل عن كده وكتير كمان
بس دى توقعات

المشاركة الأصلية كتبت بواسطة ewermido

الشركات عملت الاتى
سرحت الاف العمال
خفضت انتاجها بحيث انه ميكونش فيه انتاج زايد
خدو قروض من الحكومه
فا كل دى خطوات هيتجاوزو بيها الازمه الماليه
فا طالما الانتاج هيقل يبقى الاسعار هتفضل زى ما هى ولو فى تغيير هيبقى للزياده
فا موضوع ان حضرتك بتقول ان اللى هيشترى بالسعر ده هيلطم بعد 3 شهور وهيلطم اكيد اخر السنه فا مفتكرش انه هيحصل لانها من الصعب تنزل اكتر من كده
وموضوع البلبله اقصد ان فى كتير مستنين تخفيض علشان يشترو فا فى ناس كتير هتشوف ان السعر ده بقى مناسب جدا بس لما يشوفو كلامك هيفتكرو انها هتنزل تانى فا هيقولو ده اكيد عنده فكره عن نزول الاسعار ويمكن يمشو ورا كلامك
انا واحد من ضمن الناس اللى كنت مستنى التخفيض ولما لقيت الاسعار بقت كده قولت انه كده كويس وسعر مناسب بس لو انت شايف انى لو اشتريت دلوقتى هلطم بعد 3 شهور وعندك مصدر اكيد قولى وقول لباقى الاعضاء علشان نصبر تانى
وللعلم انا اتمنى انها تنزل لو حتى 50 الف مش 11 بس

حضرتك نسيت ان الحديد و البترول اسعارهم نزلت...و ده معناه ان الطاقة اسعارها نزلت...
و ده معناه ان كل مكونات السيارة من موتور و شاسية و كاوتش و هيكل و مواد التابلوه و كراسى بل و كابلات و سيور و زجاج و كل حاجة نزلت...
و الكهرباء بتاعة المصنع و مصانع المكونات رخصت...
و الشحن و حط تحت كلمة الشحن 100 خط نزل كمان....

كل ده معناه ان تكلفة السيارة على المصنع نزلت!!!!
ده غير ان العمالة انخفضت...و العمالة الموجودة بتقبل بأقل من الراتب الأساسى و مالهاش حوافز و علاوات زى زمان......

يبقى ليه الشركة الأم هتغلى؟؟؟؟؟ ما هى حتى لو باعت عربيات اقل ماهى مكسبها الكلى تقريبا ثابت ان مكانش ازيد...حتى لو نزلت السعر علشان تقنع المستهلك انه يضحى بفلوسه فى الأزمة و يشترى....

و كمان انت بتقول انهم خدوا قروض من الحكومة....طيب ما هو ده ادعى انهم مايغلوش...بل يرخصوا عشان يبيعوا فى الأزمة...و بكده يقدروا يبرروا للحكومة ان القروض دى كانت فى محلها و نشطت الأقتصاد...

و ده الكلام و التوقعات اللى قالها راجل محترم اللى هو وزير التجارة رشيد ...و طبعا الكلام معاجبش التجار عندنا...
عشان التجار عندنا لا يتصوروا انهم يصرفوا المخزون القديم بمكسب قليل شوية...يعنى 30% بدل 40% مثلا...لحد بس ما يستلموا العربيات الرخيصة اللى لسه فى بلادها....
و اللى شايف ان غبور كده بايع بسعر التكلفة....يقولى و دى تبقى اكبر نكتة فى التاريخ.... خصوصا ان العربيات دى متجمعة يعنى عليها جمارك اقل بكتير من المستورد.......

لو حضرتك شايف ان التوقعات دى -و دى مش من عندى دى من وزير التجارة- صعب تحصل...مفيش مانع..قول توقعاتك و اسبابك زى ما انت عملت كده...

و السوق كله بلبلة و توقعات....و ده الطبيعى فى الظروف دى...و مفيش حد يقدر يجيبلك الأكيد الا لو معاه الة زمن...و الناس الفاهمة (وزير التجارة) ايدت الرأى بتاع ان الأسعار هتنزل

و زى ما فى ناس ممكن تقرا كلامى و ما تشتريش....فى ناس ممكن تقرا كلامك بتاع ان الأسعار صعب تنزل و يحصلها بلبلة و تشترى و ترجع تندم بعد كده!!!!!!

خلاصة الكلام.....ماينفعش نيجى لحد بيتكلم فى حاجة مستقبلية من وجهة نظره و تقوله دى بلبلة.....سواء كان بيقول الأسعار هتنزل او هتطلع...

و فى النهاية الناس مش عبيطة...خليهم يقروا كل التوقعات و يفهموا الأسباب و بعدين كل واحد يشوف محتاج العربية قد ايه...و مستعد يستحمل فيها خسارة لو نزلت تانى و لا لأ....

و كل واحد و ظروفه..........و كل واحد حر........

و شكرا....

تعقيب على كلام حضرتك
كل اللى قولته تمام ومفيش اى اعتراض عليه وزياده عليه ان رشيد قالهم بيعو اللى عندكم بالخساره قبل ما يجى وقت تبيعوها بخساره اكبر
بس دلوقتى العربيه دى كانت بى 110000
ودلوقتى اقل من سعرها ب 11 الف كاملين
يعنى اهو الناس نزلت من المكسب ويمكن كده يكون بخساره ده بالنسبه لسعر الوكيل اما الخليجى فا التجار هما اللى هيكونو خسرو كتير لان بعد ما الوكيل نزل 11 الف لازم هما ينزلو اكتر منه ب الفين او 3
يبقى اهو الناس باعت بالخساره او على الاقل بالثمن اللى جابوها بيه بعد ما دفعو الجمارك بتاعتنا
وكمان لو حد اشترى وحصل ان السعر نزل تانى
فا هو كده كده هيكون شاريها ارخص من اللى ااشتراها قبله ب 11000 جنيه
فا مش هيندم انه اشترى
مش معنى كده انى قلبى على التجار وخايف انهم يخسرو بس بوضح ان اللى هيشترى هياخد عربيه غيرو خدها اغلى من ما هو هيشتريها بى 11000 الف جنيه
هضربلك مثل بشركه تويوتا اكبر صانع فى العالم
قالو انهم هيغلو اسعار عربيتهم فى نص الشهر ده ولو معندكش فكره عن الكلام ده ادخل قسم تويوتا واسئل او كلم تويوتا ايجيبت وهتعرف
اكتر حاجه اتمناها واكيد حضرتك زيى ان الاعضاء يستفيدو من مناقشتنا دى

طيب اسعار الماتركس نزلت برده ولا لسه زي ما هي المفروض الاتنين تبع غبور

المشاركة الأصلية كتبت بواسطة ahmosshokry

طيب اسعار الماتركس نزلت برده ولا لسه زي ما هي المفروض الاتنين تبع غبور

انا سئلت على اسعار النترا بس
ده رقم المبيعات كلمهم واسئل على اللى انت عايزو
16661

اكيد اهم حاجة الفائدة تعم...

انا قلت و مازلت بقول...كل واحد ادرى بظروفه...و اللى هيشترى دلوقتى ممكن يبصلها انه كده كسب 11000 و ممكن بردوه يبصلها على انه خسر معرفش كام الف لما التخفيض القادم يجى كمان كام شهر ان شاء الله...او كان ممكن يجيب عربية تانية....كل واحد ادرى بفلوسه و قدرته على التكيف...

يعنى مثلا اللى عايز يغير عربيته...نصيحتى ليه ان ده مش وقته خالص...
و اللى عايز عربية لظروف عائلية او عمل ضرورى...هقوله ليه متفكرش فى المستعمل؟؟؟ و لو مابيحبش المستعمل طيب ممكن يأجر عربيات حلوة مدد طويلة...
و اللى عايز يحافظ على فلوسه اللى حوشها و تعب فيها هيحاول يستنى...
و حتى اللى متعبش فى فلوسه...بنصحه مايضحيش بالكاش بسهولة...الأيام الجاية صعبة على الكل...و ده بقى مش تكهنات...دى الدنيا كلها بتحكى فى كده...

و على فكرة رشيد اكد كلامه تانى النهاردة و لا امبارح فى الأهرام....و نصح التجار بتخفيض الأسعار..و قالهم حتى لو خسارة قريبة احسن من دمار بعدين..

و حتى لو كانت تويوتا هتغلى زى ما حضرتك بتقول و ان كان ده مش منطقى ابدا ...لا يمكن تويوتا ايجيبت تغلى...لأن تنافسيتها ضعقت امام اليابانيات الأخريات...و تقريبا الكورولا الجديدة فشلت فى مصر...و الياريس غالية جدا بالنسبة ل 1300...هيغلوا ايه تانى؟؟؟
المنافسة اللى ابتدت النهاردة فى تخفيض الأسعار مش هتدي لحد فرصة يغلى حاجة...

فى نقطة مهمة جدا فى صالح كلامى..اللى هيا موضوع الأعفاء الجمركى...و دى بتفسر العروض اللى شوفناها دى...و بتأكد على اننا لازم نستنى و مانستعجلش...
ادخل و اقرا...http://www.nilemotors.net/Nile/showthread.php?t=59745

اعتقد ان العامل الرئيسي

هوا انتشار الالنترا الخليجي ،،

انا خلال الاسبوع اللي فات ده اتنين قرايبي اشتروا النترا خليجي

انا شايف ان اسوأ قرار ممكن يتاخد هوا منع السيارات الخليجي

هيكون تكريس بلا حدود للاحتكار

المشاركة الأصلية كتبت بواسطة ewermido

تعقيب على كلام حضرتك
كل اللى قولته تمام ومفيش اى اعتراض عليه وزياده عليه ان رشيد قالهم بيعو اللى عندكم بالخساره قبل ما يجى وقت تبيعوها بخساره اكبر
بس دلوقتى العربيه دى كانت بى 110000
ودلوقتى اقل من سعرها ب 11 الف كاملين
يعنى اهو الناس نزلت من المكسب ويمكن كده يكون بخساره ده بالنسبه لسعر الوكيل اما الخليجى فا التجار هما اللى هيكونو خسرو كتير لان بعد ما الوكيل نزل 11 الف لازم هما ينزلو اكتر منه ب الفين او 3
يبقى اهو الناس باعت بالخساره او على الاقل بالثمن اللى جابوها بيه بعد ما دفعو الجمارك بتاعتنا
وكمان لو حد اشترى وحصل ان السعر نزل تانى
فا هو كده كده هيكون شاريها ارخص من اللى ااشتراها قبله ب 11000 جنيه
فا مش هيندم انه اشترى
مش معنى كده انى قلبى على التجار وخايف انهم يخسرو بس بوضح ان اللى هيشترى هياخد عربيه غيرو خدها اغلى من ما هو هيشتريها بى 11000 الف جنيه
هضربلك مثل بشركه تويوتا اكبر صانع فى العالم
قالو انهم هيغلو اسعار عربيتهم فى نص الشهر ده ولو معندكش فكره عن الكلام ده ادخل قسم تويوتا واسئل او كلم تويوتا ايجيبت وهتعرف
اكتر حاجه اتمناها واكيد حضرتك زيى ان الاعضاء يستفيدو من مناقشتنا دى

انا شايف ان مادام مفيش بيع للعربيات و طول ما احنا مستمريين في الحمله الاسعار هاتنزل اكتر... مش اول لما يعملوا عرض او تخفيض علي العربيات نجري و نشتري...معني كده ان الاسعار هاتطلع تاني طالما في اقبال علي الاسعار ديه... و كمان المواد الخام اسعارها بتنزل يعني الاسعار لازم تنزل اكتر من كده...