-
توكيل تويوتا وتعنتة
دلوقتي انا رايح اعمل صيانة ال 5000
صيانة ال 1000 عملتها في مركز خارجي وغيرت زيت فقط
دايخ بقالي كام يوم عشان اعرف اوصل للتوكيل بسبب سوء الخدمة في التليفون
المهم وصلت اني احجز في فرع القطامية الجديد وده احدث مراكز خدمة تويوتا
المهندس اللي رد عليا حاولت اقنعة عبثا اني احط زيت شل رفض تماما وقاللي ان موبيل هو المعتمد لينا مش بمزاجنا
حاولت اقنعة انه مضروب قاللي حتي لو اقنعتني مش هاتقدر تقنع التوكيل وعربيتك هاتخرج برة الضمان
وانا مش مقتنع اني كل شوية اغير من نوع لنوع
قولتلة اكتبلي في كتيب الضمان تم تغيير الزيت بمعرفة العمل قاللي لاء مش هاقدر ادخلها المركز
ده الي جانب انه بيعملها ب 600 جنية مع ان استاذ ايمن الخولي اللي معاه 2007 برضه زميلنا هنا في المنتدي عملها ب 360 جنية
ايه الفرق ده كلة بقي
واعمل ايه في مشكلة الزيت دي وانا مش مقتنع تماما بموبيل حتي ولو كان بيتباع جوة التوكيل
-
وبعدين بقى !!!!!!!!!
حتى توكيل تويوتا هو كمان ؟؟!!
إيه الحكاية ياكريم بالظبط؟ - أنا كده مش عارف أستقر على عربية !!!
-
كريم
محمد ابن خالتى معاه ياريس مو 2006
غير الزيت فى بنزينة بره و محدش قاله حاجة
هو كان بيعمل الصيانات و الحاجات التانية فى يونايتد العبور
-
أيوة فعلا أنا غيرت زيت عند 15000 عادي بره التوكيل و ما حدش كلمني و لسة رايح تاني علشان الكالاكس
-
ده حتى فى توكيل فولكس اللى هو من اسوأ التوكيلات ممكن تغير الزيت بره عادى فى اى بنزينة و لا يقولك حاجة
-
طب يا محمد ختملك الضمان ولا لاء
اهم حاجة يختم الضمان
انا بقول اغير الزيت واروح اقولهم كنت مسافر وغيرتة برة
-
في حل تاني بس متعب شويه و مكلف
انك تغير الزيت في التوكيل عادي زي ما هما عاوزين و تخرج بره تنزله و تحط الزيت اللي علي مزاجك .
و لما تروح تغيره في التوكيل تاني هما مش حيعرفو اذا كان دا موبيل ولا التعاون حتي.
معرفش الحل دا كويس ولا لاء بس دا اللي هداني تفكيري ليه
-
سؤال يا كريم :-
مش إنت حاطط زيت شل ألترا 10000 زيي ؟ طب ليه هتغيره على 5000 مع إنك قلتلي بلاش ولا أنا فاهم غلط ؟
سؤال ثاني :-
هي صيانة ال 5000 فيها إيه تاني غيرالزيت والفلتر؟ وبعيدن أنا حاطط شيل 10000 الترا بعد الألف ودلوقتي عامل 5500 كيلو أروح صيانة ولا أستنى لغاية 10000 .؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ظ
-
لاء انا لما عملتصيانة الالف حطيت زيت شل العادي الاصفر وده كان كلام المهندس بتاع مركز خدمة عرفة جابر والمركز كويس بس عيبة انه لسة ماخدش الابروفد من تويوتا(مقدم الورق بس لسه ماتمش اعتمادة)
حطلي الشل الاصفر وقاللي عشان تروح صيانة ال 5 في تويوتا ايجبت عشان يختملوك الضمان عشان لو عدي زيارتين ما بيتختمش
وتسقط العربية ضمان
عشان كدة حطيت الاصفر اللي بيقعد 4 الالاف وقولت هانزلة على ال 5 بقي
واقتنعت بكلامه بصراحة
اما اني ادفع 215 من غير ضريبة ومصنعية وبعدين انزلة واحط الترا ده حرام
هو انا لاقي فلوسي :cry: :cry: :cry:
صيانة الخمسة مفيهاش غير زيت وفلتر وتربيط عفشة فقط
لكن مفيش حاجة تانية مش عارف ادفع 600 جنية ليه
انت تروح غالبا صيانة العشرة على طول يا اسلام باشا
-
انا لسه عاوز اعمل صيانه ال٣٠ الف اتصلت بآبو غالي و قولتلوا لو جبت الزيت معايا تحطوه عادي قالي مفيش مشكله مش عارف ليه بقي عندكم معقدها ؟؟
Content Relevant URLs by
vBSEO 3.6.0 PL2