انا بفكر بجد في العربيه دي ... بس عاوز تقييم شامل ليها من الساده الخبراء
يعني اولا كفائتها .. و الثبات على الطريق .. واستهلاك البنزين ... و اوتماتيك و لا مانيوال افضل ليها باعتبارها عربيه كوري يعني .. و مشاكلها و عيوبها ... و التقفيل .. و قطع الغيار والصيانه و اسعارها
ارجو الاهتمام
من حيث كفاءة المحرك فهو 1600 Cvvt قوى جدا زى الى فى الالنترا الشكل الجديد.
من حيث الثبات فهى اكثر ثباتا من الفيرنا واقل من الالنترا - تقريبا على قد الى قريته فى المنتدى ثابتة جددددددددا لحد 140 بعد كدة الثبات بيقل.
بالنسبة للعفشة فهى غير مريحة زى الفيرنا بالاضافة الى ان المساعدين غاز وليس زيت.
واعتقد مقرتش ولا مشكلة على الفتيس الاوتو.
وبينى وبينك ساعة لما اشتريت الفيرنا لو كان معاى الفرق كنت جبت نيو اكسنت.
ومبروك مقدما وربنا يباركلك فيها.
دا الى اعرفه واستنى بقيت الردود من شباب النيو اكسنت.
المحرك ممتاز جدا جدا
العفشه مش قصه غير مريحه
هي فيها سنه تنطيط لو جنط بيزبط العربيه جدا
انما كمقارنه بينها وبين الفيرنا فهي عفشه انضف وعزل انضف ومن جوا رااائعه وتقفيل النيو اكسنت اقرب الى الياباني من انه كوري
يعني انا عمري ما حسيت انها كوري خالص ولا حتى صحابي الى بيبقوا راكبيين ياباني معقول زي لانسر وكرولا القدام
قطع غيار غاليه طبعا مش عارف على ايييه
مانيوال او اوتو فهي زي الفل
هي طبعا عربيه مخصصه للمدينه مش للسفر والطرق بس هي على الطريق كويسه مش وحشه ابدا لو العربيه محمله وشنط وكده هتلاقيها تقيله معاك
بس هي كده كده على 160 واكتر بتبقى خفيفه بس عادي انك تتحكم فيها يعني ممكن تغير حارتك وانت ماشي 190 كمان عادي بس هي خفيفه اوي والعفشه الغاز هي الى متقلاها على الارض
الف شكر يا شباب
انا لسة مستلمها من 6 ايام وسافرت بيها من المنيا للقاهرة رايح جى في نفس اليوم
فعلا العربية ممتازة والعزل حكاية لوحدة والثبات ممتاز بس انا مزوتش عن 100 علشان التليين
العبشة نشفة سنة بس مريحة فى السرعات العالية والمناطق المكسرة وبالنسبة لموضوع السفر و الاحمال الى تشيلها العربية كويسة جدا جدا احنا كنا 5 افراد بشنط ثقيلة جدا وكانت العربية زى الفل
المشاركه بتاعه حضرتك كلها ممتاز جدا جدا لكن الحته دى اختلف معاكاقتباس:
المشاركة الأصلية كتبت بواسطة حماده المصري
النيو اكسنت عفشتها ناشفه عن الفيرنا كتير و فى نفش الوقت مهندس فى التوكيل قالى الكلام ده
الفيرنا من احسن العفشات اللى انتجتها هيونداى
انت معاك حق طبعا
ياباشا انا مقولتش الفينرنا انشف
انا قولت انضف
يعني كان نظام تعليق في عربيه راكبها يعتبر افضل كجوده
وبيدي ثبات وتحكم واحساس بالامان نسبيا افضل من الفيرنا
مع اني مش من مؤيديي الجري في هذه الفئه الصغيره من السيارات
لكن مواتيرهم مغرييه جدا جدا
لان لو قارنتها مثلا بالنترا ستجد انهم الاتنين ميسدووووش خاالص ومش امنين
و الله احرجتنى بذوقك فعلا هيونداى بتحط مواتير غريبه على عربيات صغيره ربنا يستر طريقنا جميعا
ياباشا انا احييك على اسلوب الحوار الجمييلاقتباس:
المشاركة الأصلية كتبت بواسطة ahmedcar
الي هيرقى بينا إن شاء الله الى مستوى افضل من الثقافه والتحضر والبعد عن الحوارات التافه والردود الى مش بتقدم ولا بتاهر
تخيل انا كتبت المشاركه بتاعتى دى و علشان كنت مشغول ما شوفتك الكلام اللى انا كاتبه
ده انا عندى اخطاء املائيه لو عيل فى اولى ابتداء ما كنتش عملها
ههههههههههههههههههههههههه هههههههههه
هههههههههههههههههههه تصدق انا مكنش شايف ان المشاركه بالمنظر ده
بس زي الفل برضو المعنى وصل
ربنا يسترها علينا جميعا
اتمنى اشوف حضرتك فى مقابلات هيونداى
إن شاء الله هاجي المقابله الجايه
وكنت مزبط مره مع نايل ستورم بس حصلت لي ظروف
نزلت كام الف و سعر التوماتيك بعد التخفيض بقى كام دلوقتى ؟؟
النيو اكسنت عربية قوية جداً وناعمة جدا جدا جدا وعزلها هايل وثباتها مش بطال على اساس ان وزن السيارة بدون ركاب 1160 كيلو اما الفيرنا 950 كيلو . والكسنت تقدر تجيب بيها سرعات عالية حتى 180 كم/ساعة بس فى الطوالى بدون ملفات شديدة لكن الجنوط بتحل المشكلة دى الى حد كبير ومن مواصفات السيارة انك تقدر تركب جنوط لحد 16" وهتحس بالفرق . اما العافشة ناشفة فعلاً لأنها عافشة رياضية وده مكتوب فى الكاتالوج لكن بيعوض ده الصالون المُريح لانه طبعاً صناعة كورى اما الفيرنا مشكلتها مش فى العافشة وانما فى الصالون المصرى كراسى مش مُريحه بالمره لانها تصنيع شركة موبيكا المصرية(على فكره انا مش متحيز للاكسنت لانى معايا فيرنا كمان)
والله الموفق لما فيه الخير .