استعدال جنوط الميجان: تجربتي مع الثلاثية
رحت استعدال جنوط عربيتي عند الثلاثية في الحرفيين وتلك ملاحظاتي:
- استعدال الجنط يتم بالتسخين لكنهم في الحقيقة بيقدروا يسخنوه بدون التأثير على مظهر الجنط الخارجي.
- استعدال الجنط بياخد وقت. علشان كده الراجل هناك كان عايز يعطيني جنطين حديد 15 يركبو ورا امشي بهم وبعدين هايبقى يكلمني لما يظبط جنوط عربيتي :fdsa:
بس انا طبعا رفضت مش بس لاختلاف المقاس لكن علشان لم يعطني ميعاد أو وقت محدد يخلص فيه. يعني اديلة الجنوط وافضل اتحايل عليه عليه علشان يخلص والغريب انه رفض كل اقتراحتي بحل المشكلة منها إني اروح له الصبح واسيب له جنط واحد واجي آخر اليوم اخده. يعني الجنطين الباقيين يتعملوا في يومين كاملين من الصبح.
- المهم هو فهمني إن الجنطين محتاجين شغل كتير علشان يقنعني بفكرته وانا مقتنع إن الجنط لو محتاج شغل كتير انا اغيره احسن من استعداله.
لكن بغض النظر عن الحورات هما شغلهم نضيف جدا ودقيق من أول الترصيص إلى الرش ودهان الجنوط. بس انا ما بحبش الحوارات لأنها بتكون أول الاشتغالات. وبمناسبة الاشتغالات احب اقول انه (لا يلدغ مؤمن من جحر مرتين)