استعدال جنوط الميجان: تجربتي مع الثلاثية

**ecybrarian** · 14-02-2009 03:56 PM

رحت استعدال جنوط عربيتي عند الثلاثية في الحرفيين وتلك ملاحظاتي:
- استعدال الجنط يتم بالتسخين لكنهم في الحقيقة بيقدروا يسخنوه بدون التأثير على مظهر الجنط الخارجي.
- استعدال الجنط بياخد وقت. علشان كده الراجل هناك كان عايز يعطيني جنطين حديد 15 يركبو ورا امشي بهم وبعدين هايبقى يكلمني لما يظبط جنوط عربيتي
بس انا طبعا رفضت مش بس لاختلاف المقاس لكن علشان لم يعطني ميعاد أو وقت محدد يخلص فيه. يعني اديلة الجنوط وافضل اتحايل عليه عليه علشان يخلص والغريب انه رفض كل اقتراحتي بحل المشكلة منها إني اروح له الصبح واسيب له جنط واحد واجي آخر اليوم اخده. يعني الجنطين الباقيين يتعملوا في يومين كاملين من الصبح.
- المهم هو فهمني إن الجنطين محتاجين شغل كتير علشان يقنعني بفكرته وانا مقتنع إن الجنط لو محتاج شغل كتير انا اغيره احسن من استعداله.

لكن بغض النظر عن الحورات هما شغلهم نضيف جدا ودقيق من أول الترصيص إلى الرش ودهان الجنوط. بس انا ما بحبش الحوارات لأنها بتكون أول الاشتغالات. وبمناسبة الاشتغالات احب اقول انه (لا يلدغ مؤمن من جحر مرتين)

**momo10000** · 14-02-2009 06:32 PM

كن بغض النظر عن الحورات هما شغلهم نضيف جدا ودقيق من أول الترصيص إلى الرش ودهان الجنوط.

هوا دا المهم ... انا جربت كل الناس اللي في مصر .... الثلاثية افضلهم .

والحمد لله ان الدنيا ظبطت عندك علي كل حال...

**KHALED AYMAN** · 14-02-2009 08:25 PM

انا كنت عند الثلاثيه يوم الجمعه الى فات (امبارح) و كنت بعدل الجنط بتاعى برده (مومو مقاس 16) و الجنط اتعدل فى حوالى 3 ساعات و لكن نفس المشكله عندى فى العربيه و هى ان لما العربيه بتمشى بلاقى العجله بتلق فى مكانها يعنى بترف يعنى بتطلع لبرا و تخل لجوا ؟؟؟؟؟؟؟؟؟

**Amr_Moh** · 14-02-2009 09:46 PM

أنا إستعدلت واحد ف أشرفكو من سنتين

**hamata** · 14-02-2009 11:38 PM

عندى سؤال محيرنى أنا عندى الجنط سليم بس أخر مرة رحت التوكيل لاقيت التقرير بيقوللى غير الجنط الأمامى شمال فسألتهم ليه؟ الراجل شاورلى على حتة صغيرة فالشفة معووجة سنة (بكسر السين) أنا نفسى مكنتش شايفها و لا حاسس بيها و انا سايق مع انى ساعات بفتح عالدائرى على 130 قولتلو أكيد مش هجيب جنط بألف جنيه عشان الشفة معووجة سنة مش مقلوبة
ايه رأيكو اعملها عند الثلاثية ولا اسيبها ؟؟ دى هى عايزة دقة وحدا بس على ما أعتقد
و يا ريت حد يقول لنا مكانه فين بالظبط

**KHALED AYMAN** · 15-02-2009 12:43 AM

انا رايى تعملها و هتبقى كويسه ...دى كمان ممكن تكون بتسرب هوا لو مش مضايقاك فى حاجه متعملهاش ...
هى عربيتك نوعها ايه او بمعنى اصح مين التوكيل الى قالك كده .
مكان الثلاثيه بقى يا سيدى :
هتدخل الحرفيين و هتمشى طوالى و هتبقى الورش كلها على شمالك لحد ما هتلاقى ورشه اسلام مشهور على شمالك(على ناصيه شارع) و هتلاقى مكتوب عليها البطل (و هتعرفها من العربيات الى شغال فيها انا لما روحت كان شغال فى كرايسلر 300 سى و سى كلاس ) المهم لما توصل هناك اسأل على الثلاثيه هيوصفهوالك لانى بصراحه مش فاكر دخلتها اوى و مش عايز افتى علشان متتوهش .

**hamata** · 15-02-2009 02:48 PM

المشاركة الأصلية كتبت بواسطة venus-doom

انا رايى تعملها و هتبقى كويسه ...دى كمان ممكن تكون بتسرب هوا لو مش مضايقاك فى حاجه متعملهاش ...
هى عربيتك نوعها ايه او بمعنى اصح مين التوكيل الى قالك كده .
مكان الثلاثيه بقى يا سيدى :
هتدخل الحرفيين و هتمشى طوالى و هتبقى الورش كلها على شمالك لحد ما هتلاقى ورشه اسلام مشهور على شمالك(على ناصيه شارع) و هتلاقى مكتوب عليها البطل (و هتعرفها من العربيات الى شغال فيها انا لما روحت كان شغال فى كرايسلر 300 سى و سى كلاس ) المهم لما توصل هناك اسأل على الثلاثيه هيوصفهوالك لانى بصراحه مش فاكر دخلتها اوى و مش عايز افتى علشان متتوهش .

أنا معايا ميجان 2007 , و توكيل المقطم هو اللى قاللى كده

**ecybrarian** · 15-02-2009 06:39 PM

venus-doom ياترى كشفت على البلي؟؟؟

**KHALED AYMAN** · 15-02-2009 07:13 PM

المشاركة الأصلية كتبت بواسطة hamata

أنا معايا ميجان 2007 , و توكيل المقطم هو اللى قاللى كده

توكيل محترم والله انه بيكشف على العربيه .

المشاركة الأصلية كتبت بواسطة ecybrarian

venus-doom ياترى كشفت على البلي؟؟؟

انا كشفت على الطنبوره و السوره بس انا نازل دلوقتى اركب الاتبن و اشوفه فيه نفس المشكله ولا لا ؟؟

**ecybrarian** · 15-02-2009 08:53 PM

ابقى بلغنا بالتطورات

الموضوع: استعدال جنوط الميجان: تجربتي مع الثلاثية

LinkBack

أدوات الموضوع

عرض

استعدال جنوط الميجان: تجربتي مع الثلاثية - انشر الموضوع فى :

-

-

-

-

-

-

-

-

-

المواضيع المتشابهه

تجربتي في اصلاح رداخ بنزين الميجان

استعدال جنوط الساجا

استعدال جنوط سبور

عايز واحد بتاع استعدال جنوط قريب من عيش شمس

حد استعدال جنوط عربيتة

الكلمات الدلالية لهذا الموضوع

المفضلات

المفضلات

ضوابط المشاركة