الموضوع: ثقافة العوم على عوم السواق

المشاركة الأصلية كتبت بواسطة mohamedeed

واحد صاحبي قوي بس مبيعجبهوش الحال المايل مؤدب وما شاء الله طول بعرض قاعد بجانب السواق
والسواق مسبش بنت في حالها طول الطريق يعاكس دي ويزنق علي دي
فصاحبي فضل مستحمل وعلي كورنيش المعادي قال للسواق ما تحترم نفسك السواق معجبهوش الكلام مسكوا في بعض بس السواق اضرب ضرب :K_crying[1]: وطبعا صاحبي نزل علي الكورنيش وطلع عينه لما لاقي تاكسي تاني
طيب لو انتوا مكان صاحبي هتسكتوا علي السواق والا هتعملوا نفس اللي عمله ؟

لاءة طبعا ...... أنا لو مكان صاحبك هاعمل اللي عمله بس مش عارف كنت هاضرب و لا هانصرب

مرة كنت راكب مع سواق ميكروباظ قليل الأدب ( قال يعني هما مؤدبين ) ( انا أقصد أغلبهم للآسف )

المهم الواد نازل في غرز و يقفل على ده و مش مدي حد فرصة خالص و في غاية قلة الأدب و الذوق .
و نازل شتيمة في الناس
وراح واحد مقفل عليه ....... راح شتمه ( سواق الميكروباظ شتم سواق الملاكي اللي أحتفظ بحقه في الطريق )

و دار الحوار التالي ما بيني و ما بين هذا المخلوق الغريب :

الحوار دار بناءا على الشتيمة قليلة الادب اللي طلعت من لسانه

هو بعد ما شتم سواق الملاكي
قعد يبرطم و يقول الناس بتستعبط و مش عايزة تستنى حد

و أنا بقى طلعت فيه

قلتله أولا أنت عمال غرز و مش مدي حد طريق و عمال تقفل على ده و على كل خلق الله
ثانيا أحترم نفسك و ما أسمعمش منك الألفاظ اللي أنت عمال تقولها دي علشان معانا حريم في العربية
و أول ما قلت كدا بس كنت متنرفز و بزعق بس بأدب .
الواد سكت لغاية ما أنا نزلت من الزفت المدعوق اللي أسمه ميكروباظ

بس للآسف الناس سلبيين جدا
يعني الميكروباظ فيه 15 بني آدم
و أنا الوحيد اللي زعقت مع السواق