| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 16 1 2 3 4 5 6 11 ... الأخيرةالأخيرة
النتائج 1 إلى 10 من 155

  1. #1

    الصورة الرمزية mecho_392

    رقم العضوية : 11834

    تاريخ التسجيل : 29May2008

    المشاركات : 672

    الاقامة : Nasr City

    الحالة : mecho_392 غير متواجد حالياً

    Smile الحمد لله جبت Hyundai i10 2009 - Facebook Twitter whatsapp انشر الموضوع فى :

    hasad">

    الحمد لله استلمت العربية يوم 26/1 و رخصتها الخميس 29/1 و بدأت استخدمها.
    فى الاول انا كنت ناوى على البيكانتو الهاف اوبشن بس لقيت ان فى تأخير فى موديلات 2009 مره قالوا نص ديسمبر و بعد كده نص يناير و فى الوقت ده كيا موتورز محمد نصير عملت خدعه حلوه ان فى بيكانتو ب 56000 فاااااااضيه و لما سألت على الهاف قالوا فى حجز و هستنى. قلت خلاص حان وقت ال i10 و منك لله يا نصير.
    بس بصراحه من اول شهر 10 و انا فى حيره بين الاثنين بسبب ان اصحاب البيكانتو بيقولوا انها بتتنطط كتيير و اكتر من واحد ذكر هذه المشكلة و الاهم اللى خلانى احب ال i10 انها فى اوروبا تفوقت جدا و واخده تقييمات اعلى من البيكانتو و احسن العربيات فى فئتها و كانت اهم النقاط دى هى ال Road Handling و الثبات لكن مش عاجبنى شكل ال i10 من الخلف و البيكانتو من قدام مش عجبانى... لكن البيكانتو كاوتشاتها اكبر لانها 165/R14 لكن الهيونداى 155/R13 اما بالنسبه للعربيه من جوا فأنا كنت معجب بالبيكانتو علشان التابلوه و الابواب لونين.. لكن عن تجربتهم من حيث الوسع ال i10 اوسع و اريح بالنسبة للركاب الخلفيين و كنت جربتها انا و ابن عمى اكتر من مره فى المعرض. لكن كنت بفضل القاعده خلف الدريكسيون فى البيكانتو اكتر. لكن ال i10 من قدام تحفة... ابداااااااااااااااااع
    اللى خلانى اشتريها هو ذكاء غبور انه خفض اسعارها وقت معرض فورميلا الاهرام حتى 59900 و عمل عرض صيانه مجانية حتى 20000 كم شاملة تغيير الزيت و المصنعيات. و فى الوقت ده استغلت كيا الطلب على البيكانتو و رفعت سعرها حتى 61500 و وصلت الآن الى 62500!!!!!!!! معرفش ليه و حتى مافيهاش cd.
    نسيبنا بقى من الرغى الكتيير و نتكلم عن العربيه ذاتها.

    التجربة مع العربيه:
    أولا انا سوقت لانوس 2005 لمده سنه و ماتريكس 2007 و كليو 2002 و 2003 و Daihatsu Mira 97. و بقارن العربيه هنا بالنسبة لهم و بالاخص الماتريكس و هى سيارة والدى.

    عملت بيها حتى الان 1200 كم معظمهم على الطريق السريع من مدينة نصر الى جامعة حلوان 12 مره و المشوار حوالى 74 كم و الباقى سواقه فى الزحمة و المدينة.

    العربية هاف اوبشن (تكييف و باور وRoadStar CD mp3) لونها رمادى.

    بالنسبة للموتور 1100 سى سى هادىء جدا ممكن تقول ملوش صوت الا اذا شديت يعنى بعد ال 3000 rpm صوته بيعلى و ده اللى ذكرته معظم المواقع الاوروبية اللى قيمت العربية لكن انا مجربتش خالص اقرص عليها. و بجد هدوء المحرك ده بهرنى علشان انا كنت مبهور بمحرك الالنترا الجديده و صوته اللى يخليك متعرفش اذا كنت مدور و لا لأ. لكن ال i10 تحفه اخرى من هيونداى. اثناء السلانسيه idle لا يوجد أى اهتزازات على الاطلاق و اثناء السير ايضا.
    سحب الموتور هايل (من غير حرق لانى مجربتش) لكن على الاول كويس جدا و بنقل على طول عند 15-20 او اقل و التالت عند 35 و الرابع عند 55-60 و الخامس عند 75 او اقل.
    فى المطالع على اول و تانى و تالت كويسه جدا و ايضا الرابع معقول لكن الخامس ضعيف شويه لو مثبت رجلك السرعة تقل و كمان سحب الخامس عند 60 قليل. لكن بالنسبة للموتور سحب ممتاز. يعيبها عدم وجود عداد rpm.
    بالنسبة لاستهلاك البنزين اكتر من ممتاز.
    اول تفويلة كانت بنزين 92 عملت 565 كم ب 31.269 لتر يعنى-------18.069 كم/لتر او 361.5 كم فى الصفيحة.
    تانى تفويلة كانت بنزين 95 (و كعيت بتاع 27 جنيه فرق) لكن جاب نتيجة و عملت بيها 607 كم ب 31.27 لتر (يعنى بالصدفة زى المرة اللى قبلها بالظبط) يعنى 19.41 كم/لتر او 388.5 كم فى الصفيحة. لكن بنزين 95 مش هيدينى فرق فى المسافة قد اللى كعيته علشان كده قلت ارجع لل 92 باحترامى.
    بالنسبة للسواقه اللى خليتنى اوصل للاستهلاك ده انى دايما على طريق سريع و سرعتى حوالى 80-85 دائما و ساعت 90 بس قليل و النقلات زى ما قلت.

    الباور كهرباء EPS قمه فى المتعة و التماسك على السرعات و فى الركن ملوش حل (بجد افضل بكتيير من الماتريكس) و ده حسيته لما ركنت عربيتى فى الجراج و حركت عربية والدى لقيت فرق كبيير.

    الكراسى مريحه جدا رغم انها ناشفة و الكراسى الامامية لها تصميم رياضى و لا يوجد بها مخادع متحركة. اما بالنسبة للكنبة الخلفية انا جربت اقعد بس و لقيتها انشف لكن مريحه جدا و المساحة المتاحة للراكب الخلفى روعة يمكن تكون احسن من عربيات كتيير فى فئة اعلى زى الفيرنا و الكليو و اللانوس و الاكسنت القديمه لان الراكب الخلفى رجله بتكون بعيده عن الكراسى الامامية الا لو كانت الكراسى الامامية على اخرها ممكن تلمس ركب الجالسين بالخلف لكن بدون ازعاج... لكن مفيش مقارنه بالماتريكس. لكن العرض بالنسبة لثلاثة ركاب اعتقد تكون مظبوطه او زنقه سنه انا لسه مركبتش 3 ورا. و الكنبة قابلة للطى ككل.

    مساحة الشنطة جيدة جدا و افضل من البيكانتو بكتيير و بها لمبة داخلية فى البيكانتو مش موجوده فى ال 2009. و فى رف خلفى. و فتح الشنطة عن طريق يد متحركة اللى عليها علامة هيونداى بالخلف و عيب الشنطة انها بعد ما بتتفتح ب 40 سم بتندفع بسرعة يعنى لو واحد مش متعود على العربية او طفل ممكن يلاقيها لزقت فى وشه. و مفيش فتح للشنطة من الداخل و الاسوأ عدم وجود سنتر فلازم تقفل الشنطة بالمفتاح. لكن يوجد فتح لغطاء تنك البنزين من الداخل طبعا.

    العفشة هايله و تحس انها عربيه اكبر من حجمها و مريحة جدا رغم ان نظام التعليق ناشف شويه و ده مدى ثبات هايل للعربية مع نظام توجيه اروع بيخلى العربيه ماشيه فى خط مستقيم بصوره مدهشة, على سرعة 80 كم/س متحسش انك ماشى بالعربية و ايضا على 90 مفيش فرق يذكر و كمان فى الملفات الحاده اللى الماتريكس بتميل فيها بسيط خدتها على سرعة 60 و محستش بحاجة. و على الطريق السريع على سرعة حوالى 100 عديت على جزء غير مستوى بالطريق (كجزء من مطب) و عديت عليه بالجنب الشمال من العربية و الدريكسيون مكنش مستقيم وقتها علشان كنت داخل عند تقابل طريقين و دى المرة الوحيدة اللى جريت فيها من 80 و كان اللى جنبى ماتريكس و سامع الكلاكس و شايفنى و بيرخم و عديت كأنى عديت على نقره بسيطه و تماسك العربية كان هايل... رغم ان الكاوتش ضغير و ده اللى مضايقنى و كنت بفكر اغيره لكن لو اتغير بكاوتش اكبر لازم اغير الجنط علشان الجنط الحالى 4B R13 و ده مينفعش اركب عليه حاجة اعرض. لكنى اقتنعت جدا بثبات العربية لان حتى سرعة 100 ثبات هايل و انا مش محتاج اكتر من كده, و الجنط الاحتياطى نفس مقاس اللى راكب فيها. و كمان الطاسات شكلها حلو جدا نفس شكل طاسات الالنترا الجديدة.
    فى المطبات لو بتاخدها بالراحة مش هتحس بحاجة. لكن مفصلات الكبارى الحلوه اللى فى مصر اللى بتكون على شكل حفر بتدب شويه, و ده شبه عادى فى معظم العربيات اللى عفشتها بتكون ناشفه زى الماتريكس هتكون افضل بس الفرق مش جامد اوى كمان كاوتشات الماتريكس اكبر و عريضة 185 مم. اللى يبهرك بقى هو لما تعدى على عيون القط العربية مش بتكون مزعجه يعنى على سرعة 60 كأنها مش موجودة و على 80 تبدأ تحس بيها و طبعا الدريكسيون ثابت و متحسش بأى خبط فيه خالص.

    الفرامل لها استجابة مدهشة من اول ما تلمس دواسة الفرامل. بجد انا اول لما استلمت العربية افتكرت فيها ABS!!! و أنا طبعا عارف ان مفيهاش علشان وانا بلمسها و انا على سرعة قليله وقفت مره واحده. عكس الماتريكس اللى بتبدأ تهدى و بعدين تقف.

    من الداخل خامة التابلوه كويسه جدا لكنها باللون الاسود كلها و العدادات شكلها جميل و المؤشر ينير بلون احمر تحفه. مكان الفتيس مرتفع فى الكونسول بالوسط مثل الماتريكس و مكانه مريح جدا. الدريكسيون شكله تحفه و به علامة هيونداى ويشعرك بفخامة لا تجدها فى هذه الفئة, لكن يعيبه انه مش تخيين من الوسط للناس اللى بتحب تمسكه من النص بالذات على الطرق السريعة. الابواب كلها باللون الاسود و جزء به لون رمادى (خامته غريبه جدا) و فى منها فى التابلوه و شكله كان بيخنقنى جدا بس اخدت عليه. و اكرة فتح الزجاج شكلها وحش تحس انها بلاستيك بتاع نعل جزم.
    هوايات التكييف على الاجناب دائرية زى ال مازدا 3 و احسن و بها لون فضى جميل. و مفاتيح التحكم بالتكييف فى مكان رائع و حولها جزء باللون الاسود خامته روعه.
    الكاسيت نوعه Road Star بيشغل CD نوع MP3 و Audio و شكله حلو على التابلوه بينور ازرق فى ابيض, بيشغل اسم الاغنية و رقمها و اسم الالبوم و المغنى و فى امكانياته كويسه ممكن تقلب 10 اغانى للامام او ترجعهم او يشتغل عشوائى و بيقرأ اعداد كبيره من الاغانى قرأ حوالى 152 اغنية على اسطوانة منسوخه. و عيبه انه مش بيقرأ ال wma و الاوحش ان مفهوش auxillary انا فكرت اغيره! و بالنسبة للسماعات فهما 4 سماعات فى كل باب سماعة و صوتهم مش حلو اوى فى الاغانى اللى جودتها قليله (bitrate قليل) لو ال bitrate حوالى 128 بيبقى فيها زنه لو كان على يعنى 192 او 256 بتكون ملهاش حل و ممكن تعلى ال bass و مفيش اى مشاكل.
    مفيش ساعة فى التابلوه و دى التوكيل هو اللى نفضها لانها كانت موجوده فى موديلات 2008 لكن الكاسيت فيه ساعة يمكن ظبطها.
    اماكن التخزين بالداخل كويسة جدا البابين اللى قدام فيهم اماكن للتخزين و تحت الكاسيت فى مكان و عند الفتيس و الولاعه مكان صغير يكفى موبايل و بسكوت بالعجوه. و فى التابلوه يمكن تخزين بعض الاشياء. و هناك ايضا 2 cupholders فى المنتصف بين الكرسيين الاماميين و مكان عند فرامل اليد.

    العزل رائع و يدهشك انك فى سيارة بهذا الهدوء على عكس المتوقع من سيارة بهذه الفئة. بغلق الزجاج تشعر كأنك فى عالم آخر. فى الشد فقط يمكن سماع صوت خفيف جدا من المحرك.
    بالنسبة لل noise التى تصدر اثناء السلانسيه (idling) للبيكانتو تكون 41dB و لل i10 تكون 36dB و للالنترا 35dB و للماتريكس 39dB. و للصراحة هناك موقع آخر قال ان البيكانتو و ال i10 متساويين من حيث نسبة الضجيج فى السلانسيه اى انهم 41dB و الله اعلم. حيث ان dB هى ديسبل. لكن الشىء الوحيد الملفت هو لما تعدى على رمل بتسمع صوت تخبيط خفيف فى بطن العربيه من الرمل المتطاير من دوران الكاوتش بيكون زى تنقير خفيف... غريب!!!

    بالنسبة للفتيس اول ما استلمت كان تقيل اوى و الاول مش راضى يجى الا بعد شوية عنف لكن بقى انعم و كل النقلات سهله جدا و الفتيس ناعم جدا عدا النقلة الخلفية ساعات كتيير تعطى صوت خشونه عند تعشيق الترسين و اوقات لا توجد بالضغط جيدا على الدبرياج.

    الاضاءة قويه جدا و تكشف الطريق بشكل جيد, لكن الإضاءة العاليه تعطى مجال للروئية الافقية ابعد مع انخفاض شدة الاضاءة شىء بسيط.

    التكييف لم يتم تجربته الا لعدة ثوانى اثناء الاستلام و كان قوى جدا بدون ازعاج و ان شاء الله يكون ممتاز فى استخدامه.

    لكن فى المجمل عربيه جميله جدا جدا و ممتازه و ناعمه بصوره غير طبيعية و سواقتها ممتعه و اعتقد انها حاليا لازم تكون احسن عربيه فى فئتها و يمكن مقارنتها بفئات اعلى. و رأى والدى لما اخدها يرخصها كان انها انعم من الماتريكس.

    بالنسبة لقطع الغيار فأنا معرفش سعرها لكن عرفت انها متوفره. و احب اقول ان هيونداى غبور من اكتر الناس المحترمه و عنده احسن خبرات عكس كل اللى بيتقال عليه. لانى طالب فى بكالوريوس هندسة و اتدربت قبل كده هناك و بقولها عن تجربة و ده كمان كان رأى والدى. بالتأكيد غبور افضل من محمد نصير اللى بيغلى فى العربيات بدون سبب رغم انه كمراكز متواضعة.

    لو حد ليه أى استفسار بخصوص العربية ممكن يسألنى.


  2. #2

    الصورة الرمزية adel1414

    رقم العضوية : 8788

    تاريخ التسجيل : 12Apr2008

    المشاركات : 1,976

    النوع : ذكر

    الاقامة : الاسكندرية

    السيارة: كفاية عربية واحدة :)

    السيارة[2]: gen2 a/t...08

    دراجة بخارية: no

    الحالة : adel1414 غير متواجد حالياً

    افتراضي -

    تقريروااااااااااااااافى جدا..وربنايباركلك فيها ويكفيك شرها

    [rmade]http://www3.0zz0.com/2011/08/06/16/245952301.jpg[/rmade] [frame="1 80"]((اللهم لك الحمد ولك الشكر كما ينبغى لجلال وجهك وعظيم سلطانك ))[/frame]


  3. #3

    الصورة الرمزية NaviGator_13

    رقم العضوية : 15115

    تاريخ التسجيل : 24Jul2008

    المشاركات : 1,070

    الحالة : NaviGator_13 غير متواجد حالياً

    افتراضي -

    كل دا كلااااااام


  4. #4

    الصورة الرمزية mecho_392

    رقم العضوية : 11834

    تاريخ التسجيل : 29May2008

    المشاركات : 672

    الاقامة : Nasr City

    الحالة : mecho_392 غير متواجد حالياً

    افتراضي -

    اقتباس المشاركة الأصلية كتبت بواسطة adel1414 مشاهدة المشاركة
    تقريروااااااااااااااافى جدا..وربنايباركلك فيها ويكفيك شرها
    شكرا يا باشا لذوقك


  5. #5

    الصورة الرمزية mecho_392

    رقم العضوية : 11834

    تاريخ التسجيل : 29May2008

    المشاركات : 672

    الاقامة : Nasr City

    الحالة : mecho_392 غير متواجد حالياً

    افتراضي -

    اقتباس المشاركة الأصلية كتبت بواسطة NaviGator_13 مشاهدة المشاركة
    كل دا كلااااااام
    زى ما حضرتك شايف هو كلام فعلا مش حاجه تانيه


  6. #6

    الصورة الرمزية lightspeed

    رقم العضوية : 5873

    تاريخ التسجيل : 17Feb2008

    المشاركات : 161

    النوع : ذكر

    الاقامة : Cairo

    السيارة: Fiat 131

    السيارة[2]: Seat ibiza

    دراجة بخارية: لا يوجد

    الحالة : lightspeed غير متواجد حالياً

    افتراضي -

    ربنا يديك خيرها ويكفيك شرها
    والف مبروك

    NO HEART.....JUST
    PISTON & CYLINDER


  7. #7

    الصورة الرمزية mecho_392

    رقم العضوية : 11834

    تاريخ التسجيل : 29May2008

    المشاركات : 672

    الاقامة : Nasr City

    الحالة : mecho_392 غير متواجد حالياً

    افتراضي -

    اقتباس المشاركة الأصلية كتبت بواسطة lightspeed مشاهدة المشاركة
    ربنا يديك خيرها ويكفيك شرها
    والف مبروك
    الله يبارك فيك يا باشا و شكرا على مرورك


  8. #8

    الصورة الرمزية ahmed_su

    رقم العضوية : 9524

    تاريخ التسجيل : 25Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي -

    الف مبروك ياباشا

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  9. #9

    الصورة الرمزية ewermido

    رقم العضوية : 5147

    تاريخ التسجيل : 02Feb2008

    المشاركات : 163

    النوع : ذكر

    الاقامة : cairo

    السيارة: kia

    السيارة[2]: kia

    دراجة بخارية: لا يوجد

    الحالة : ewermido غير متواجد حالياً

    افتراضي -

    الف مبروك وربنا يكفيك شرها


  10. #10

    الصورة الرمزية YoussefMostafa

    رقم العضوية : 3554

    تاريخ التسجيل : 04Dec2007

    المشاركات : 1,653

    النوع : ذكر

    الاقامة : Egypt

    السيارة: ------------------

    السيارة[2]: -------------------

    دراجة بخارية: ------------------

    الحالة : YoussefMostafa غير متواجد حالياً

    افتراضي -

    hasad">

    الف مبرووك يا باشا وربنا يباركلك فيها

    انا دايما بقول انها احسن من البيكانتو!



 
صفحة 1 من 16 1 2 3 4 5 6 11 ... الأخيرةالأخيرة

المواضيع المتشابهه

  1. I10 hyundai 2009
    بواسطة alaa_nadder في المنتدى قســم خاص لبيع السيارات فقـــط
    مشاركات: 0
    آخر مشاركة: 04-03-2011, 10:33 AM
  2. For Sale: Hyundai I30 2009
    بواسطة pexaman في المنتدى بيـــع و شــــراء
    مشاركات: 6
    آخر مشاركة: 23-06-2010, 05:13 PM
  3. Hyundai I30 2009 4000km
    بواسطة ezmero في المنتدى بيـــع و شــــراء
    مشاركات: 2
    آخر مشاركة: 17-04-2010, 02:55 PM
  4. Hyundai Genesis -2009
    بواسطة Sharky في المنتدى هيــونــداى
    مشاركات: 5
    آخر مشاركة: 08-11-2008, 06:11 AM
  5. 2009 Hyundai Matrix
    بواسطة TAG_Turbo0 في المنتدى هيــونــداى
    مشاركات: 7
    آخر مشاركة: 12-03-2008, 04:07 PM

الكلمات الدلالية لهذا الموضوع

127, 128, 1500, 20, 2007, 2008, 2009, 2010, 40, 50, لله, abs, مازدا 3, لانوس, لانوس 2, advice, محلات, مين, مرايات كهرباء, مراكز, مرور, مركز, مشاكل, مصر, أسعار, أسعار قطع الغيار, مشكلة, مع, معرض, من, مواتير, مواضيع, موتور, موتور الفيرنا, موديل, مقاس, التسارع, التو, البنزين, التوكيل, الي, الجلد, الجديدة, السرعة, الشنطة, العزل, الفئة, النترا, الضمان, الكنبة, ابن, ابو غالى, اتوماك, اختلافات, ار بى ام, اركب, استلمت, استهلاك البنزين, اسعار, اسعار قطع الغيار, اسعار قطع غيار, اوبشن, اوتوماتيك, اكسنت, باسات, ثبات, بتدب, تيل, تيل فرامل, بيع, بدون, بيكانتو, eps, تغيير, تغيير الزيت, بنزين, بنزين 92, بنزين 95, توكيل, تقييم, تكييف, hyundai, i10, جبت, دبرياج, دى, حجز, جنط, lanos, manual, رائع, ريو, شارع دمشق, سبويلر, شداد, سيارة, صيانة, صيانه, زيت, سير, شيفروليه, شرح, سرعة, سعة, سعر, سول, صوت, صور, شنطة, rpm, sae, غالية, غبور, عداد, عدادات, غيار, عدة, عربية, عربيه, عرض, عفشة, عن, غطاء, فلتر, فلتر التكييف, فلتر هواء, فتيس, في, فيرنا, فيفا, فرامل, فرامل اليد, فرش, فرق, فئة, هل, هي, هنا, ناشفة, نظام التعليق, نور, وكيل, طالب, قلب, قابل, قطع, قطع الغيار, قطع غيار, كل, كلاكس, كليو, كليو 2, كاسيت, كاوتش, كيا, كريستالة, كرسي, كشف

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2