ايرآ وبفضل الله وفقت لشراء معشوقتي لانوس التي طالما حلمت بها.

بداية هي موديل 99 - لانوس 1 - فابريكه دواخل وخوارج عدا رفرفين اماميين "استعمال طبيبه"اول يد من 99 "".
اشتريتها امبارح. والحمد لله كله تمام.
غيرت النهارده 2 كاوتش كومهو 175/70 ولما الظروف تتحسن ان شاء الله اجيب اتنين كمان.
و طبعآ محتاج مساعدة أهل الخبرة.

1- العربيه كمالياتها تكييف "ثلاجه" + باور.
بس عاوز اركب سنتر + انذار + زجاج كهرباء.
تنصحوني اركبهم ولا بلاش تعديل - ولو حاركبهم التكلفة ايه.

2- الحمد لله العربيه سحبها اكتر من ممتاز وموفرة جدآ في البنزين
10 لتر في 140 كيلو .
الفرامل تمام والتيل جديد امامي لاني شفته وانا باركب الكاوتش. بس الطمبوره فيها جزء متاكل من التيل القديم ربما صاحبها والتيل متاكل مشي بيها فترة فأكلت في الطمبورة.

3- تنصحوني اعمل ايه بالظبط قبل ما ابدأ استعمل العربيه في السفر.
- غيار الزيت.
- فلتر الويت وبقية الفلاتر.
- الرشاشات.
- العافشة.
- سير الكاتينة.
- البطارية و الرادياتير.

انا كل اللي عملته لدلوقتي "الكاوتش و غطاء مشمع"

********* وبالمناسبة اول ما افتح الكونتاكت بيظهر لمبة بيان علي التابلوه برسمة جركن دي بتاعة ايه **********


وخالص تحياتي لكل لانوساوي....