عن تخفيض الاسعار

**fawzy2009** · 15-02-2009 01:30 AM

يا جماعه هيونداي رخصت كل عربيتها هل بروتن حترخص هيه كمان ولا لأ ولو حترخص يعني حتكون في حدوود كام؟ شكرا مسبقا يا رجاله

**eng_mh1980** · 15-02-2009 02:04 AM

مين قال أن هيونداي خفضت , انا شايف الاسعار هيه هيه

**fawzy2009** · 15-02-2009 01:02 PM

هو حضرتك مسمعتش ان الالنترا بعد ما كانت ب 111 الف اصبحت ب 92 الف للعاديه 99 للاوتوماتيك و 109 لل Gls الاوتوماتيك

**husseinodeba** · 15-02-2009 06:50 PM

بس غبور بيبيع العربيه فيها تكييف ....وبور ...وسنترلوك على انها فوول ابشن

انا قبل مشترى الgen2 كنت رحت سألت فى غبور عن الاسعار وكانت الالنترا مانيول فول ابشن 97 الكلام ده كان فى شهر 12

**Hosam_Optrawy** · 15-02-2009 08:33 PM

المشاركة الأصلية كتبت بواسطة husseinodeba

بس غبور بيبيع العربيه فيها تكييف ....وبور ...وسنترلوك على انها فوول ابشن

انا قبل مشترى الgen2 كنت رحت سألت فى غبور عن الاسعار وكانت الالنترا مانيول فول ابشن 97 الكلام ده كان فى شهر 12

ايوه صح عندك حق
لو جيت تقارن الاوبشنز بتاعت الالنترا بال جين 2 يبقى لازم تقارنها بال GLS عشان دى اللى فيها الجنوط وغيره ودى سعرها بعد التخفيض بقى 109
وبرضه الجين هتكسب لوجود ال Abs وال Air Bags
مفيش عربيه مليانه اوبشنز زى الجين وبالسعر ده
لازم تطلع لفوق ال 100 الف و 110
يا اما تنزل للصينى

**fawzy2009** · 16-02-2009 12:43 AM

والله يا جماعه عندكوا حق بس بردوا يعني اوبل نزلت وهيونداي و فيات يعني كلو بينزل ليه بروتن مش بتنزل !!!
ده رأي شخصي مش اجبار يعني

**MohabSaeed** · 18-02-2009 03:27 AM

المشاركة الأصلية كتبت بواسطة fawzy2009

والله يا جماعه عندكوا حق بس بردوا يعني اوبل نزلت وهيونداي و فيات يعني كلو بينزل ليه بروتن مش بتنزل !!!
ده رأي شخصي مش اجبار يعني

ده رأيى المتواضع و كنت كاتبه فى احد الموضوعات عن نفس السؤال .

المشاركة الأصلية كتبت بواسطة MohabSaeed

كلنا نتمنى ذلك
لكن ... ده اعتقد مش حيحصل
ماينفاعش نقارن بروتون بباقى الموديلات الى حضرتك ذكرتها . لاسباب :-

1- كل عربيات بروتون بتتباع بنفس سعرها من ساعت مانزلت مصر سنه 2005 لحد انهارده
و ده بالنسبه للواجا و الجين 2 " و حتى الويرا " قبل ما يوقفو انتاجها .
و ده بالرغم من ادخال تحسينات او اضافات على الموديلات القديمه زى ال abs & airbags فى الواجا , او تعديل الموتور و عمل فيس ليفت للجين 2 .
" انهى ماركه فى مصر الى اسعار عربياتها فضلت بنفس تمنها من ساعت مانزلت السوق من 4 سنين " ؟

2- اساسا سعر جميع سيارات بروتون فى مصر " قعلا منافس جدا جدا " يعنى تقريبا بنشترى العربيه من غير جمارك ....... لو شوفنا سعرها فى ماليزيا او فى باقى البلدان الى حولينا و قارناها باسعارها فى مصر .

لو اتكلمنا على شيفورليه و هيونداى و تويوتا ..... و تقريبا كل الماركات الى فى مصر " حتى الصينى زى الاسبرانزا "

شوف اسعار عربياتهم وقت طرحهم فى السوق كانت كام .... و دلوقتى بعد التخفيض بقت كام ؟
الشيفورليه اوبترا كانت ب 85 الف , و فى وقت وصلت 82 الف
الافيو كانت كورى و بتبدأ من 69 الف !!!
الالنترا كانت بكام و دلوقتى بكام
النيو اكسنت
حتى الاسبرانزا كانت ب 59 الف جنيه وقت الحجز و دلوقتى وصلت ل 70 الف جنيه ؟؟؟

فماينفعاش اننا نقارن بروتون من حيث الاسعار بباقى الماركات .

بس عموما ده " مش معناه نـــــهائــــــى " ان عز العرب كريم معانا او انه مش بيكسب و منزل بروتون هديه للمصرين اكراما لاحفاد الفراعنه . طبعا لا

انتا فعلا بتشترى العربيه بسعر ممتاز جدا جدا فى مقابل قيمتها و بكماليات مش موجوده فى عربيات سعرها معدى ال100 الف , لكن بياخد اكتر من حقه 10 اضعاف فى قطع الغيار .
بمعنى الى بيوفرهولك كمشترى فى سعر الزيرو بياخدو اضعاف المرات فى الصيانه و قطع الغيار .

**M.Nabil** · 19-02-2009 01:29 PM

المشاركة الأصلية كتبت بواسطة fawzy2009

والله يا جماعه عندكوا حق بس بردوا يعني اوبل نزلت وهيونداي و فيات يعني كلو بينزل ليه بروتن مش بتنزل !!!
ده رأي شخصي مش اجبار يعني

لو حضرتك بتبيع سلعة والسلعة عاملة مبيعات كويسة بسعرها الحالي وعاملة شغل جامد في السوق, حضرتك هتفكر تقلل سعرها

؟

**fawzy2009** · 22-02-2009 02:26 AM

ألف شكر ليكو يا رجاله انا أقتنعت جدا بس انا بتكلم علي اساس ان كلو بينزل سواء كان السعر ثابت من زمان او لأ حاليا كل الي في السوق بينزل ليه بروتون يعني انا رأيي ان العربيه لو رخصت هما بياخدوا حقها في الصيانه و ده طبعا كل الناس عارفاه كويس و مش محتاج للنذكير صح ولا لأ وطبعا كل واحد و رأيه وانا مقتنع بالعربيه والسعر بس كنت عايز استفسر اذا كانت الاسعار حتنزل في فتره الكساد الحاليه وكمان لان في دفعه جديده هتتسلم في شهر 3 يعني علي كل الوكلاء الترخيص في جميع الانواع والا الجميع هينضم لحمله خليها تصدي و مودليها يعدي وانا مقتنع جدا بفوايد الحمله دي لان الدليل بدأ يظهر اسره وهوه التخفيض في الاسعار ومره تانيه شكرا يا رجاله