توقيعك ليه؟؟

**msobhy** · 15-02-2009 11:20 AM

المشاركة الأصلية كتبت بواسطة kimo-nubira

توقيعي في 3 حاجات اولا : علم النادي الاهلي وده لاني اهلاوي صميم

ثانيا : صوه عربيتي ثالثا : لو لم اكن مصــــــــــــريا لا ارتحت نفســــيا وديه مش محتاجه شرح طبعا

بالمناسبة يا كيمو احنا بقالنا زمن بنتكلم وكل لما اجى اقولك انسى
انا فعلا معجب جدا بكلمة
لو لم اكن مصريا لا ارتحت نفسيا

**نور القمر** · 15-02-2009 10:01 PM

المشاركة الأصلية كتبت بواسطة EZABY

موضوع جميل
انا دايما توقيعي له علاقه بالزمالك وبيحتوي على رساله لكل الناس اللي بيستكتروا عالزمالك انه يكون له مشجعين
وكانني بقولهم انا ميهمنيش وهفضل زملكاوي وبقولها في كل مكان

والتوقيع ده بالذات عاجبني لأن دي صوره مليانه ذكريات ومعاني هيفهموها الزملكاويه بس

توقيعك لفت نظري بصراحة
مع اني مفهمش حاجة في الكرة بس اعتقد موضوع اللاعبين كلهم عليهم نفس الرقم من عادي
ياترى ايه حكايته؟؟

**نور القمر** · 15-02-2009 10:04 PM

المشاركة الأصلية كتبت بواسطة max_ziro

توقيعى عربيتى لانى بحبها و طبعا بتمحك عشان اخد حسنات لان الواحد بيتمنى رضا ربنا و يارب نكون من الصالحين ..

المشاركة الأصلية كتبت بواسطة tamergalal

شكراً على المواضييع المتجددة دائماً والافكار الجيدة انا توقيعى اولاً كلمة الحمد لله وهى دائماً اساس الرضا النفسى بداخلى وبعد ظروف خاصة بأمى اصبحت اقولها كتير جداً جداً جداً بالفعل الحمد لله والصورة الثانية العربية لادا 2105 وانا بحب عربيتى قوى بس لسه هاحط صورتها بعد التضبيط وربنا يسهل وشكراً .

ماشاء الله بتاخدوا ثواب عن كل عضو قال الحمد لله او لا اله الا الله
ربنا يبارك لكم

**نور القمر** · 15-02-2009 10:05 PM

المشاركة الأصلية كتبت بواسطة msobhy

توقيعى دايما مرتبط بالحاجة اللى بحبها
زماان كان عربيتى وبس
دلوقتى مروان وبس
وقريبا هاضيف ليه عبدالرحمن
بس فعلا انا باعشق كلمة ابو مروان

ربنا يخلي مروان ويبارك فيه ويحفظه من كل شر

**badry** · 15-02-2009 10:48 PM

توقيعى....انه مفيش توقيع

بحاول اساعد اللى بيقرأ انه يركز قى كلامى اكتر....

**RED_OCTOBER_IV** · 15-02-2009 10:49 PM

أنا بقى توقيعى فيه صوره بليه "الكلب بتاعى" وهو نوعه بيتبول PitBull وبجد أوفى مخلوق شفته .. والجمله الى تحت الصوره دى مقطع من أغنيه لهيثم شاكر تقريباً بس كلماتها عجبتنى جداً .

**eng.octooo** · 15-02-2009 10:58 PM

انا توقيعى طفلة توحى بالبرائة والحنان
هههههههههههههه

**totaa** · 15-02-2009 11:20 PM

المتألقة / نور القمر

أنا من النوع اللى بيحب أى شىء خاص بيا او اتعاملت معاه

واذا وضعت توقيع فمن الصعب جدا جدا إني أغيره مهما

إتغير مودي ..لأن إختياري له من البداية كان بيعبر عن شىء جوايا أو حابة انى اقوله

وعشان كدة لسة محطتشي أي توقيع ليا ..لكن قريب جدا

ساضعه

اشكرك جدا يا نور على هذا التوبيك وتقبلي تحيتي وفائق احترامي

**مدحت منيب** · 16-02-2009 12:27 AM

زمان اعتبرت توقيع الشخص ، هو ما يحاول به ان يلخص مجمل

شخصه ، او رأيه ، او هدفه فى حياته

و كان لى توقيع لا يتغير ( مسحته الان و احتفظت به لنفسى )

و كان
Be Good

محاوله متواضعه منى لاجابة سؤال شكسبير الخالد